Labarai
Kano: ‘Yan Bijilante sun tafi yajin aiki
Kungiyar ‘yan sintiri ta bijilante da ke garin Zawaciki a karamar hukumar Kumbotso a jihar Kano, sun tafi yajin aikin bayar da tsaro na kwanaki biyar saboda sabanin da su ka samu tsakanin su da matasan unguwar.
Al’amarin ya faru ne a masallacin Idi da ke Zawaciki lokacin bikin sallah babba, inda ‘yan bijilanten su ka rufe ofishin su wanda su ke gudanar da aikin bayar da tsaro a unguwar.
Nuhu Salisu Zawaciki, mataimakin shugaban bijilante na garin Zawaciki a zantawar sa da gidan rediyon Dala ya ce, “Duk shekara kungiyar mu, mu na samun abokan aiki ma su zuwa su bamu gudunmawa, kuma karfe shida mu ke busa ‘kusur kowa ya tafi, saboda bata gari ma su shaye-shaye, to sabanin da a ka samu shi ne akwai baki wadanda ba su san yadda dokar wajen take ba”.
Ya kuma ce, “Iyayen kungiya sun shiga cikin al’amarin, an samu zama na daya da na biyu, a na samun ‘yan kura-kurai, shi yasa ma mu ka nemo shugabanni na karamar hukuma domin bamu shawara, saboda kaucewa samun matsala. Jin kirin rashin zama ne ya sanya mu ka rufe ofishin mu, duk wadanda a ka samu matsala an nemo su an samu fahimtar juna, inda a ke da kuskure za a gyara. Bangaren mu akwai wanda ya samu rauni, su ma kuma a bangaren su akwai wanda ya samu rauni”. A cewar Nuhu Salisu
A nasa bangare, wani daya daga cikin ‘yan kungiyar ci gaban garin Zawaciki, mai suna Mu’azzam Muhammad, ya ce, “Ba mu ji dadin abun da ya faru ba, domin tafiyar ‘yan bilante din an samu haurawa gidajen mutane, da kuma sace-sace, mu na fatan a nan gaba hakan bai sake faruwa ba”. Inji Mu’azzam Muhammad
Wakilin mu Abba Isah Muhammad, ya rawato cewa, Nuhu Salisu Zawaciki, ya kuma yi yi kira ga al’umma da ‘yan kungiyar bijilante a hada kai domin kawo ci gaban unguwa.
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su