Labarai

An kubutar da wani mutum da a ka sakawa sasari tsawon shekaru 30

Published

4 years ago

20/08/2020

Kungiyar kare hakkin dan adam mai suna Human Right Network, ta kubutar da wani mutum mai suna Murtala Muhammad mai shekaru 55, daga daurin Sasari da a ka yi masa a gida tsawon shekaru 30, a Kofar Fada da ke karamar hukumar Rogo a jihar Kano.

Shugaban kungiyar, Kwamared AA Haruna Ayagi ne ya bayyanawa Dala FM hakan jim kadan bayan kubutar da Murtala daga tsare shin da a ka yi, saboda lalurar tabin hankali da ya ke fama da ita.

Ya ce, “A safiyar nan ne labari ya zo mana abun da mu ka dade mu na bincikawa, domin mu gano gaskiyar lamarin, an kulle shi a gidan ne tun shekaru talatin da su ka gabata lokacin ya na da shekaru ashirin da biyar da haihuwa”.

Ya kuma ce, “Iyayen sa sun daure shi ne ta hanyar saka masa sasari a kafa ,sakamakon lalurar kwakwalwa, kuma tuni mu ka sanar da ‘yan sandan yankin karamar hukumar Rogo da taimakon su a ka garzaya gidan a ka kubutar da shi daga cikin kangin”. A cewar Kwamared AA Haruna Ayagi

Shi ma mutumin Murtala Muhammad wanda ya magantu da kyar ya ce, “Na ji dadi da a ka kubutar da ni, domin ba na samun abinci yadda ya kamata ga kuma rashin fita da ba na yi”. Inji Murtala.

Wakilin mu Abubakar Sabo ya rawaito cewa, Kwamared AA Haruna Ayagi ya kuma ja hankalin iyayen da ke daure ‘ya’yan su da su guji yin hakan domin kungiyar su ba za ta bari a rinka cutar da su ba saboda matsalar tabin hankali.

Labarai

Gwamnatin Kano za ta inganta filaye da bunƙasa duk ɓangarorin wasannin matasa – Kwamishinan Matasa da Wasanni

Published

3 days ago

20/04/2024

Hassan Mamuda Ya'u

Sabon kwamishinan ma’aikatar wasanni da ci gaban matasa na Jihar Kano Mustapha Rabi’u Musa kwankwaso, ya bada tabbacin cewar Gwamnatin Jihar za ta ɗauki matakin inganta filayen tare da bunƙasa duk wasu ɓangarorin wasanni da matasa ke yi.

Mustapha Rabi’u Musa Kwankwaso, ya bayyana hakan ne yayin da ya kama aiki yau Asabar, tare da kai ziyara a wasu filayen wasannin dake ihar Kano.

Daga cikin filayen wasannin da ya ziyarta akwai filin wasa na Sani Abacha da ke ƙofar Mata, da filin wasa na Kano Pillars da ke sabon Gari, da kuma filin wasa na Ado Bayero Square dake unguwar Sabon Gari, sai kuma filin wasa na Mahaha da ke ƙofar Na’isa.

Da yake jawabi bayan kammala ziyarar kwamishinan wasannin da ci gaban Matasa na jihar Kano, Mustapha Rabi’u Musa kwankwaso, ya ce ya gudanar da ziyarar ce domin sanin halin da filayen wasannin ke ciki.

A lokacin ziyarar kwamishinan na tare da mai bai wa Gwamnan Kano shawara a kan harkokin wasanni Ambasada Yusuf Imam Ogan Ɓoye, da shugaban magoya bayan ƙungiyar ƙwallon Ƙafa ta Kano Pillars Alhaji Rabi’u Abdullahi Kawo, da kuma mai riƙon Shugabancin hukumar wasanni ta jiha Malam Bala Sani Shehu.

Labarai

Muna sane da ƙarancin Ruwa a wasu sassan Kano – Hukumar rarraba ruwan Sha

Published

3 days ago

20/04/2024

Hassan Mamuda Ya'u

Hukumar rarraba ruwan sha ta jihar Kano ta ce matsalar rashin samun ruwa da ake fuskanta a wasu sassan jihar Kano, yana da alaƙa ne da lalacewar wani abun kan Famfo a madatsar ruwan da ke Tamburawa.

Shugaban hukumar Injiniya Garba Ahmad Bichi, ne ya bayyana haka yayin zantawar sa da manema labarai, ya ce cikin guraren da za’a yiwa gyaran har da madatsar ruwa ta Challawa da Watari, da amincewar gwamnatin jihar Kano.

Injiniya Garba, ya kuma ce suna sane da ƙarancin ruwan da ake fuskan ta a wasu sassan jihar Kano, amma nan gaba kaɗan za kammala gyaran kan famfon, domin ganin an wadata sassan jihar Kano, da ruwan domin ganin sun samu wani sauƙi.

“Mu ma a ɓangaren mu Bama jin daɗin yadda al’umma suke rasa ruwa a sassan jihar Kano, kuma nan da ranar Litinin mutane za su fita daga cikin wannan matsala ta rashin Ruwa, a yanku nan su, “in ji shi”

Garba Ahmad, ya kuma ƙara da cewa matsalar fashewar Fayif da aka samu a ci gaba da aikin gadar mahaɗar Ɗan Agundi, yanzu haka suna kan ɗaukar mataki tsakanin su da kamfanin da suka taka har ya fashe, dan ganin an gyara al’ummar da ake baiwa ruwa su ci gaba da damu.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

6 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.