Labarai
Ko ya halasta jami’an KAROTA su rika kwace makullin masu ababen hawa?
Abinda ke ciwa masu ababen hawa tuwo a kwarya shine yadda jami’an Hukumar kan kwace makulli, ko kuma shiga abun hawan mutum da sunan za su mika shi ga ofishinsu.
Sai dai shin ko doka ta bai wa jami’an Hukumar shiga ababen hawa na mutanen da suka kama da wani laifin karya dokar zirga-zirga.
Audu Bulama Bukarti, kwararren lauya ne da ke nazarin digiri na uku a wata jami’a da ke birnin Landon, ya ce haramun ne jami’in KAROTA ya shiga abun hawan wanda aka samu da laifin karya dokar tuki.
“Doka ba ta ce jami’in KAROTA ya karbi makulli ko kuma shiga abun hawan mutum ba, abinda doka ta ce, shi ne ko dai ya sanya wanda ake zargin a gaba zuwa hukumar, ko kuma shi mai laifin ya bi bayan su, idan ma mai laifin ya yi musu gardama, to akwai motar da aka ware ta musamman domin daukar ababen hawan mutanen da suka karya doka.” In ji shi
Lauya Bukarti ya kuma ce, dokar Najeriya ta haramatawa wanda bashi da lasisi yin tuki, kuma ko da kujerar da direba yake hawa ne an haramtawa wanda bashi da damar hawa kai.
Ya ce, abin takaici ne abinda ‘yan KAROTA ke yi game da dokar masu ababen hawa, yayin da wasunsu ma ko kwakkwaran tuki ba sa iyawa, a gefe guda kuma ba a tabbatar da ingancin tukinsu a hukumace ba.
“Yan KAROTAn nan da suke kwace makullin direbobi, su fa ba kwararrun masu tuki bane, a wasu lokutan ma da dama daga cikinsu zaka iske su, ba su da lasisin tuki. Kuma a dokar Najeriya haramun ne mutum ya yi tuki ba tare da an bashi dama ba, kuma ko da motar a kashe take babu makulli a jikinta, haramun ne ka hau kujerar da direba ya ke zama.”
Barista Audu Bulama Bukarti ya ce, abun takaicin shine yadda wasu jami’an hukumar basu da lasisin tuki, amma sun karbi makullin masu ababen hawa, har ma suna tukawa, wanda hakan karara ya nuna cewa doka sama da guda daya suka karya a lokaci guda, yayinda suke zargin wasu da karya doka.
“Ko da makullin masu adai-daita sahu da suke karba, ai doka bata basu damar tuka babur din ba, tunda masu wannan sana’a sai sun karbi lasisi daga gwamnati kafin suyi amfani da ababen hawan su, kuma wannan ba sabon abu bane, jami’an hukumar nan sun jima suna yiwa doka karan-tsaye.” A cewar Barista Audu Bulama Bukarti
Mai martaba sarkin Kano Dakta Khalifa Muhammadu Sunusi na biyu, ya buƙaci dukkanin hakimansa da ke faɗin jihar nan da su mayar da hankali wajen gudanar da aikin su bisa gaskiya da riƙon Amana.
Sarkin ya bayyana hakan ne a lokacin da ya naɗa DSP Aminu Lamiɗo Sunusi a matsayin Chiroman Kano, kuma babban ɗan fadar Sarki, yau Juma’a a fadar sa.
Khalifa Muhammadu Sunusi na biyu, ya ce ya naɗa DSP Aminu Lamiɗo Sunusi a matsayin Chiroman Kano, ne bisa cancanta da zuminci da kuma gogewarsa akan aikinsa na ƴan sanda, tare kuma da taimakawa al’umma da yake yi a koda yaushe.
Mai martaba sarkin ya kuma taya Chiroman Kano, murna bisa wannan naɗin da aka yi masa, tare da fatan zai zamo jakada na gari musamman wajen samar da cigaban Al’umma da kuma masarautar Kano.
Wakilinmu na masarautar Kano Shamsu Da’u Abdullahi ya rawaito cewa taron naɗin ya samu halartar gwamnan jihar Kano Injiniya Abba Kabir Yusuf, da sarakunan gargajiya daga wasu daga cikin jahohin ƙasar nan.
Labarai
Za mu magance matsalolin da hukumar Hisbah ta Dala ke fuskanta – Shugaban ƙaramar hukumar Dala
Ƙaramar hukumar Dala ta ce za ta yi bakin ƙoƙarin ta wajen magance matsalolin da hukumar Hisbah ta ƙaramar hukumar Dala ke fuskanta, domin ƙara ƙarfafa musu gwiwa wajen gudanar da ayyukan al’umma.
Shugaban ƙaramar hukumar Suraj Ibrahim Imam ne ya bayyana hakan, a lokacin da jami’an hukumar Hisbah ta ƙaramar hukumar Dala, suka ziyarce shi a ofishinsa, domin taya shi murnar nasarar cin zaɓe da suka yi, tare da sanar dashi halin da hukumar Hisbar ke ciki a halin yanzu.
“Daga cikin ƙalubalen da zan yi ƙoƙarin magance wa akwai samar da ruwa da wutar lantarki da kuma samar wa hukumar kayan aiki, bisa yadda suke fama da rashin su, “in ji Suraj Imam”.
Shugaban ƙaramar hukumar ta Dala Sura ya kuma yi kira ga babban kwamandan hukumar Hisbah ta jihar Kano Sheikh Aminu Ibrahim Daurawa, da ya ƙara kulawa da walwalar hukumar ta ƙaramar hukumar Dala bisa ƙalubalen da suke fuskanta.
Da yake nasa jawabin kwamandan hukumar Hisbah ta ƙaramar hukumar Dala Mallam Umar Bala Muhammad, ya ce sun ziyarci shugaban ƙaramar hukumar ne domin taya shi murnar nasarar cin zaɓe da kuma sanar da shi halin da hukumar ke ciki, domin haɗa ƙari da ƙarfe wajen magance ƙalubalen da suke fuskanta.
Wakiliyarmu Hadiza Balanti ta rawaito cewa Mallam Umar Bala ya kuma ƙara da cewa a shirye hukumar hisbar ta ƙaramar hukumar Dala take wajen gudanar da ayyukan al’umma babu gajiyawa.
Labarai
Mun dakatar da karɓar kuɗin haraji a Fagge har sai an kammala bincike – Shugaban Ƙaramar hukumar Fagge
Ƙaramar hukumar Fagge ta dakatar da dukkannin harkokin karɓar haraji har zuwa lokacin da za’a kammala bincike, don tabbatar da cewa bangaren harajin nayin aiki bisa doka domin ciyar da ƙaramar hukumar gaba.
Shugaban ƙaramar hukumar ta Fagge Salisu Usman Masu ne ya bayyana hakan yayin zantawar sa da tashar Dala FM Kano, a safiyar yau Talata.
Salisu Usman ya kuma bayyana cewar duk filotan da aka yanka aka sayar ko aka bayar ba bisa ƙa’ida ba shima an soki shi.
Shugaban ya kuma yi kira ga ƴan kwangila waɗanda suka watsar da ayyukan da aka basu da su dawo bakin aiki ka’in da na’in.
A cewar sa, “Na fahimci irin kalubalen da ke damun al’umma a ɓangaren lafiya a ƙaramar hukumar mu ta Fagge; kuma za mu yi ƙoƙarin samar da kayan aiki domin magance matsalar, “in ji shi”.
Masu ya kuma bayyana cewar ƙaramar hukumar ta Fagge za ta inganta harkar ilimi da tsaro, da Lafiya, inda kuma yi kira ga duk wani mai kaunar ci gaban karamar hukumar Fagge da ya taho a hada hannu ko da shawara zai bayar dan ciyar da karamar hukumar gaba.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su