Connect with us

Labarai

Mashawarci: Na dakatar da Salihu Tanko Yakasai – Ganduje

Published

on

Gwamnan Kano Dr. Abdullahi Umar Ganduje ya dakatar da mai bashi shawara na musamman kan yaɗa labarai Salihu Tanko Yakasai daga muƙaminsa.

Kwamishinan yaɗa labaran Kano Malam Muhammad Garba ne ya sanar da hakan cikin wata sanarwa da ya fitar.

An dakatar da Salihu Yakasai ne saboda bayyana wasu kalaman suka game da shugaban ƙasa Muhammadu Buhari.

Kafin dakatarwar Salihu Yakasai ya shiga sahun wadanda suka soki gwamnatin tarayya musamman kan manufofinta a shafinsa na Twitter.

Salihu Tanko Yakasai ya ce gwamnatin Shugaba Buhari “ba ta tausayin ‘yan Najeriya”, cikin wani martani da ya mayar game da jan kafar da shugaban ya yi game da kiraye-kirayen da ‘yan Najeriya ke yi na rushe rundunar SARS ta ‘yan sanda sakamakon zargin cin zarafi da azabtarwa da ake zarginsu da yi.

Duk da cewa Buhari ya ce ya gana da Sufeto Janar na ‘yan sandan Najeriya, Mohammed Adamu a daren Juma’a tare da bayar da umarnin daukar mataki, Salihu Tanko Yakasai, yana ganin ya kamata a ce shugaban ya yi wa ‘yan Najeriya jawabi da bakinsa.

Ko da yake bayan wasu sa’o’i, mataimakin na musamman ga Ganduje ya goge wasu daga cikin kalaman nasa.

Ko a ranar 18 ga watan Afrilun da ya gabata, gwamna Ganduje ya sauke kwamishinan ayyuka na jihar Injiniya Mu’azu Magaji Ɗan Sarauniya sakamakon wasu rubutu da ya wallafa a shafinsa na Facebook.

 

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

on

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Continue Reading

Hangen Dala

Yau za’a fara Shari’ar Ganduje da gwamnatin Kano

Published

on

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

 

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

 

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

 

 

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

 

 

Da kuma batun zargin da akewa Ganduje na badakalar karbar dala tun a shekarar 2019.

 

 

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Continue Reading

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

on

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.

Continue Reading

Trending