Wasanni
SWAN: Za mu yi aiki da tsofaffin shugabanni – Sabon shugaban kungiya
Sabon shugaban kungiyar marubuta labarin wasanni ta jihar Kano (SWAN), Zahradeen Sale, ya ce zai zai yi aiki kafada da kafada da tsofaffin shugabannin kungiyat domin ciyar da harkokin wasanni a Kano.
Zahradeen ya bayyana hakan ne a yayin rantsar da sababbin shugabannin kungiyar wanda ya wakana a dakin taro ta cibiyar ‘yan Jarida dake Kano.
Da yake jawabi bayan rantsar da shugabannin kungiyar, mataimakin shugaban kungiyar ta kasa bangaren Arewa maso Yamma, Lurwani Idris Malikawa Garu ya ce”Za mu shigar wa da gwamnatin Kano kudurori da su ka hadar da gyaran filayen wasanni da inganta su tare da kirkirar wa su, domin inganta wasanni yadda ya kamata”.
Jerin Sababbin shugabannin kungiyar da a ka rantsar.
- Zahradeen Sale (Radio Nigeria Pyramid) a matsayin shugaba.
- Abdulgafar Olawale Oladimeji (Judicial sketch online Newspaper) a matsayin Sakatare.
- Aminu Halilu Tudun (Freedom Radio) a matsayin
Mataimakin Sakatare.
- Tukur Garba Arab daga (Voice of Nigeria) a matsayin ma’ajin kungiya
- Abubakar Muhammad jibril daga (Guarantee Radio) a matsayin
Sakataren harkokin kudi.
- Mubarak Ismail Abubakar (ARTV) a matsayin jami’in walwalar jama’a.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi4 years agoAn gano daliban da Adam Zango ya dauki nauyin karatun su