Labarai
Muzuru ne ya kashe ‘yar aiki a Kano ba uwar ɗakinta ba – DSP Kiyawa
Rundunar ‘ƴan sandan jihar Kano ta ce, labarin da aka rinƙa yaɗawa wata mata ta yi sanadiyyar rasuwar ƴar aikinta saboda dukan kawo wuƙa da ta yi mata da kuma yi mata tsarki da yaji ba gaskiya ba ne.
Mai Magana da yawun rundunar ƴan sandan jihar Kano, DSP Abdullahi Haruna Kiyawa ne ya bayyana hakan ta cikin shirin Ɗan Sanda da jama’a na gidan rediyon Dala FM Kano, wanda ya gudana a ranar Talata.
Yana mai cewa, “Binciken mu zuwa yanzu ya gano cewar, an kai ƴar aikin Asibiti ne a ranar 3 ga watan Janairun shekarar da muke ciki, wanda sakaci na jami’an lafiya yayi sanadiyyar rasa rayuwar yarinyar baki ɗaya”.
Ya kuma ce, “Tattaunawar da aka yi da ƙaramar yarinyar tace a gabanta uwar ɗakin ta ci mutumcin yarinyar a unguwar sharaɗa ba gaskiya ba ne ba, an biya yarinyar ne wasu kudaɗe sannan tayi magana, amma zamu ci gaba da bincike akan al’amarin ” . nji Kiyawa.
Da yake nasa jawabin ta cikin shirin shugaban ƙungiyar kare haƙƙin ɗan adam ta Humman Right Network dake nan Kano AA Haruna Ayagi, cewa yayi suma a ɓangarensu suna nan suna ci gaba da bibiyar al’amarin, domin ganin an ɗauki matakin da ya dace akan lamarin.
DSP Kiyawa ya kumace, suna nan akan bakar su na bincike da ya nuna musu cewar, Wani muzuru ne ya ciji yarinyar wanda hakan yayi sanadiyyar rasuwarta.
Labarai
Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa
An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.
Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.
Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.
A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.
Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.
Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.
Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.
Da kuma batun zargin da akewa Ganduje na badakalar karbar dala tun a shekarar 2019.
Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito
Labarai
Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure
Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.
Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.
Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.
Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi4 years agoAn gano daliban da Adam Zango ya dauki nauyin karatun su