Labarai

Iyaye su ƙara kulawa da karatun ƴaƴan su – Sarkin Kano

Published

3 years ago

22/03/2021

Mai martaba Sarkin Kano Alhaji Aminu Ado Bayero, ya hori iyaye da su ƙara himmatuwa wajen kulawa da karatun ƴaƴansu, domin rayuwar su ta zama abar koyi a nan duniya dama ranar alƙiyama.

Alhaji Aminu Ado ya bayyana hakan ne, a yayin saukar karatun Alƙur’ani mai girma, da makarantar Madarasatu Gwadabe MaiTasa Al-Islamiyya ta gudanar cikin unguwar Ƴar Mai Shinkafi dake yankin ƙaramar hukumar Gwale.

Ya na mai cewa, “Matuƙar iyaye za su ƙara kulawa da karatu gami da tarbiyyar su, za a samu raguwar faɗawar su cikin wani hali”.

Da yake nasa jawabin, shugaban makarantar Malam Usman Kabir Umar (Mai Ƙuliya), bayyana farin cikin sa yayi, tare da kira ga gwamnati da ta shigo ta tallafawa makarantar dama sauran makarantun Islamiyya baki daya.

A yayin saukar, gidauniyar Na’Abba Mukhtar AVM, ta bayar da kyautar Naira dubu ɗari-ɗari ga waɗanda suka zo na ɗaya maza da mata, hadiyya ga marigayi Mukhtar Muhammad AVM, wanda kafin rasuwar sa, shi ne shugaban rukunin gidajen Freedom Radio radio da Dala FM, Kano, wanda Alkasim Muhktar Gwadabe shine ya wakilci shugaban gidauniyar.

Wakilin mu Hassan Mamuda Ya’u ya rawaito cewa, Kimanin dalibai 147, daga ciki kuwa akwai mata 83, maza kuma 64.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

13 hours ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

18 hours ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

3 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.