Labarai

Watan Ramadan: Tallafawa marayu zai rage musu raɗaɗi – Dagacin Gandun Albasa

Published

3 years ago

17/04/2021

Dagacin Gandun Albasa Injiniya Alƙasim Yakubu, ya shawarci ƙungiyoyi masu zaman kansu, dama sauran al’umma baki ɗaya, da su ƙara ƙaimi wajen tallafawa marasa ƙarfi.

Injiniya Alƙasim Yakubu ya bayyana hakan ne, yayin bayar da tallafin kayan abinci ga iyayen marayu da gidanauniyar Garu Hira Foundation ta yi, a cikin masallacin Juma’a dake unguwar Tukuntawa dake yankin ƙaramar hukumar Birni a ranar Asabar.

Ya ce, “Matuƙar ƙungiyoyi masu zaman kan su da masu hannu da shuni za su ƙara ruɓanya taimakon masu karamin ƙarfin musamman ma mata da mazajensu su ka rasu, za’a rage musu wani raɗaɗi da yake damun su na rashin mazajen su da su ka yi”. A cewar Injiniya Alƙasim Yakubu.

Da yake nasa jawabin shugaban gidauniyar bayar da tallafin, Malam Adamu Musa Ɗan Azumi, ya bayyana cewar, “Mu na bayar da tallafin ne ga iyayen marayu, dama masu rangwamen gata, domin rage musu wata damuwa da take damun su, kuma mun shirya tsaf domin ci gaba da tallafawa masu buƙata ta musamman a yankin unguwar Tukuntawa dama wasu sassan jihar Kano baki ɗaya”.

Wakilin mu Hassan Mamuda Ya’u ya rawaito cewa, an raba tallafin kayan abincin ga mata kimanin ɗari da goma sha bakwai, wanda mata daga sassa daban-daban su ka zo domin karɓa.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

2 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

2 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

4 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.