Labarai
Bikin ranar yara ta duniya ya na zaburar da dalibai – Malam Muhammad
Shugaban kungiyar Makarantu masu zaman Kansu ta Jihar Kano Malam Muhammad Alhaji Adamu ya ce, yin bikin ranar yara ta duniya na taka rawa wajen karawa yara kaimin karatu, tare kuma da fito da hazakar da yaran su ke dashi, a tsakanin dalibai.
Malam Muhammad Alhaji Adamu ya bayyana hakan ne a ranar Alhamis yayin bikin yara ta duniya da aka gudana a jami’ar Bayero dake Kano.
Ya ce, “A yayin da ake wannan biki, kacici-kacici da muhawarar da ake gudanarwa dama wasanni a wannan lokacin na daya daga cikin abinda yake zaburar da dalibai”. Inji Malam Muhammad.
Daga cikin wadanda suka halarci taron akwai makarantu masu zaman Kansu sama da Hamsin da wakilin gwamnatin jihar Kano, da kuma mai magana da yawun kungiyar makarantu masu zaman kansu, dama masu rike da mukamai na cikin kungiyar, wadanda suka taka rawa wajen kawata taron.
Yanzu haka hukumar Aikin Hajji ta ƙasa NAHCON, ta 15 ga watan nan na Mayun 2024, a matsayin ranar da za’a fara jigilar maniyyata aikin hajjin bana, zuwa ƙasa mai tsarki.
Bayanin hakan ya fito ne ta bakin shugaban hukumar ta NAHCON, Jalal Ahmad Arabi, a wajen taron masu ruwa da tsaki kan aikin Hajji da Umrah, da ya gudana yau Alhamis birnin tarayya Abuja.
“Maniyyata kimanin 65,500 ne za su sauke Farali daga ƙasar nan a ƙasa mai tsarki; za su shafe aƙalla kwanaki huɗu domin yin ziyara a Madina kafin fara aikin Hajji, “in ji Arabi”.
Daga bisani shugaban hukumar aikin hajjin Jalal Ahmad Arabi, ya kuma bayyana cewa za ayi jigilar maniyyata aikin hajjin ne daga cibiyoyi 10 a faɗi ƙasar nan.
Gwamnatin tarayya ta ayyana gobe Laraba, 1 ga watan Mayun 2024, a matsayin ranar hutu, domin bikin ranar ma’aikata na wannan shekara.
Ministan harkokin cikin gida, Olubunmi Tunji-Ojo, ne ya bayyana hakan, a cikin wata sanarwa da ya fitar a yau Talata.
Olubunmi, ya kuma sake nanata buƙatar ganin ma’aikata sun jajirce da yin aiki yadda ya kamata a dukkanib matakai daban-daban.
Wani mai sana’ar tuƙin motar Haya, da kuma lodin fasinjoji mai suna Kabiru Muhammad, mazaunin ƙaramar hukumar Munjibir, ya ce ƙarancin motocin Haya da ake samu a yanzu, yana da alaƙa da wahalar man Fetur da ake fuskanta a sassan Najeriya.
A zantawar mutumin da wakilinmu Yusuf Nadabo Isma’il, ta cikin shirin rahotanni daga ƴan Zazu na yau Talata, ya ce a baya har motoci hamsin suke yiwa lodin fasinjoji su tashi, amma a yanzu Mota ɗaya suke iya cikawa sakamakon ƙarancin Fetur da ake fama da shi.
Ya kuma ce ƙaranci tare da tsadar man fetur ɗin da ake fama da shi, sun haddasa musu koma baya a sana’ar su, baya ga batun kuma matsalar da suke fuskanta da fasinjoji wajen biyan kuɗin Mota.
Wakiliyarmu da ta bibiyi shirin na ƴan Zazu Ummi Bala Ahmad ta rawaito cewa, matuƙin motar Kabiru Muhammad, ya kuma yi kira ga gwamnatin tarayya da ta jahohi, da su yi abinda ya kamata dan ganin farashin man Fetur ɗin ya sauka, domin al’umma su samun sauƙi.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su