Connect with us

Labarai

Kotu ta tura wani mutum zuwa gidan gyaran hali saboda cin amana

Published

on

Wani mutum mai suna, Isma’il Muhammad Zangon Dakata ya gurfana a gaban kotun shari’ar musulunci da ke zaman ta a PRP Kwana Hudu karkashin, Alkali Isa Rabi’u Gaya da tuhumar sa da cin amana d cuta, laifukan da su ka saba da sashi na 203 dana 206, na kundin tafikar da shari’ar musulunci na jihar Kano.

Kunshin tuhumar ya nuna cewa, wani mai suna Bashir Muhammad, dan garin Bidda ta jihar Naija ne ya ba shi a jiyar shinkafa samfafera buhu Dari Biyu da Hamsin, wanda kudin ya kai Naira Miliyan Uku da Dubu Dari da Hamshin, sai dai bayan dansanda mai gabatar da kara, Detective Aliyu Abidin Murtala ya karanta masa kunshin tuhumar ya amsa, amma dai ya ce miliyan Uku ya Sani.

Mai gabatar da kara ya roki kotun da ta bashi rantsuwar kore tuhuma a kan Dubu Dari Biyar din da ya ke musu, ta kuma amsa an kuma bashi rantsuwar a cikin kotun, Daga nan kuma kotun ta yi hukunci, inda a laifin farko na cin amana ta daure shi shekara Uku ko zabin biyan tarar NairaDubu Ashirin, laifin cuta kuma daurin shekara biyu ko tarar Naira Dubu Ashirin, sannan zai biya rankon Naira miliyan Uku.

Wakilin mu Abubakar Sabo ya rawaito cewa, kotun ta ce hukuncin daurin zai tafi ne a tare.

Labarai

Iyaye ku dai ma marawa ƴaƴan ku baya akan abinda suke yi da ya saɓawa doka – Mai unguwar Ja’en Jigawa

Published

on

Mai unguwar Ja’en Jigawa da ke ƙaramar hukumar Gwale a jihar Kano Sani Muhammad, ya ce bai kamata a rinƙa samun wasu iyaye da ɗabi’ar nan ta marawa ƴaƴan su baya akan abinda yaran suke aikatawa na saɓawa Doka, domin gujewa abinda ka je ya dawo.

Mai unguwar ya bayyana hakan ne yayin zantwarsa da gidan rediyon Dala FM, a lokacin da yake tsokaci kan yadda ake samun wasu daga cikin iyayen yankin sa na marawa ƴaƴan su baya kan abinda suke yi na ba dai dai ba, lamarin da yake ƙara ƙara kangarar da tarbiyyar ƴaƴan tare da tayar da hankalin al’umma.

Mai unguwa Sani Muhammad, ya kuma ce matuƙar yaran ba za su zauna lafiya a cikin unguwa da al’umma ba, to kuwa za su rinƙa ɗaukar matakin miƙa yaran hannun jami’an tsaro mafi kusa, domin ɗaukar matakin da ya dace a kan su, wajen ganin sun sauke nauyin da aka ɗora musu.

Sani Muhammad, ya ƙara da cewa ko a baya bayan nan wasu matasa sai da suka yi yunƙurin yin abinda bai kamata ba, lamarin da yasa aka ɗauki mataki a kansu amma aka samu wasu daga cikin iyaye suka marawa yaran nasu baya, wanda hakan kan haifar da barazanar tsaro.

Continue Reading

Labarai

Matasa ku ƙara dagewa da neman Ilmin addini da na zamani – Dr. Abdallah Gadan Kaya

Published

on

Fitaccen malamin addinin Musluncin nan Dakta Abdallah Usman Umar, ya shawarci matasa da su ƙara mayar da hankali wajen neman ilmin addinin da na zamani, domin zama ababen koyi a tsakanin al’umma.

Dakta Abdallah Gadan Ƙaya, ya bayyana hakan ne ta cikin Tafsirin Al-ƙur’ani mai girma, da yake gabatarwa cikin wannan watan azumin Ramadana a jihar Gombe.

A cewar sa, “Akwai buƙatar matasa ku yi riƙo da ƙananan sana’o’in dogaro da kai, da za ku rinƙa biyawa kan ku kuɗin makaranta wajen neman ilimi domin kaucewa zama a cikin jahilci, “in ji shi”.

Dakta Abdallah, ya kuma yi kira ga shugabanni da su dukkan abinda ya dace wajen inganta makarantu a sassan ƙasar nan, domin ganin ɗalibai sun samu ingantaccen Ilmi.

Continue Reading

Labarai

Za mu tsaurara matakan tsaro a lokacin bikin Sallah dan kare rayuka da dukiyoyin Al’umma – Daraktan gidan Zoo a Kano

Published

on

Hukumar kula da gidajen adana namun daji ta jihar Kano, ta ce, za ta tsaurara matakan tsaro a lokutan bukukuwan Sallah domin kare lafiya da rayuka, da kuma dukiyoyin Al’umma.

Manajan daraktan hukumar Alhaji Sadik Kura Muhammad, ne ya bayyana hakan da yammacin yau Litinin, a wani bangare na tunkarar bukukuwan ƙaramar Sallah, da ke tafe.

A cewar sa, “Mun gayyato jami’an tsaro daban-daban har da na fararen kaya da kuma jami’an hukumar Hisbah domin yaki da masu nuna rashin ɗa’a a bukukuwan Sallar, “in ji Kura Muhammad”.

Ya kuma ce, sun samar da karin sabbin dabbobin daji domim ilmantar da masu zuwa kallo musamman ma yara dalibai.

Wakiliyarmu Madina Shehu Hausawa ta rawaito cewa, manajan daraktan Hukumar gidajen adana namun dajin na jihar Kano Alhaji Sadik Kura Muhammad, ya ƙara da cewa har yanzu ba su kara kudin shiga gidan Zoo ba, ga duk masu sha’awar zuwa kallo duk da cewa rayuwa ta kara tsada.

Continue Reading

Trending