Connect with us

Labarai

Iyaye ku kula da ‘ya’yan ku – Khalid Ishaq Diso

Published

on

Shugaban ƙaramar hukumar Gwale, Alhaji Khalid Ishaq Ɗiso ya ce, bai kamata iyaye su rinƙa nuna halin ko in kula da tarbiyyar ƴaƴansu ba, domin nuna hakan kan jefasu cikin wani hali.

Khalid Ishaq ya bayyana hakan ne a yayin Saukar karatun Alkur’ani mai girma na ɗalibai 54, da makarantar, Abdullahi Bin Mas’ud ta gudanar cikin unguwar Sharaɗa Rinji da ke yankin ƙaramar hukumar Gwale a ranar Asabar 09-10-2021.

Ya ce”Kamata ya yi iyaye su ƙara kulawa da tarbiyyar ƴaƴan na su, domin rayuwarsu ta zama abar koyi a cikin al’umma”. Inji Khalid.

Da yake nasa jawabin shugaban makarantar, Mallam Aliyu Abdallah Indabawa, ya ce”Makarantar ta na buƙatar tallafin ma su hannu da shuni bisa ƙalubalen da su ke fuskanta na rashin kyawun muhalli da kuma kayayyakin karatu, mu na neman agajin gwamnati da masu hannu da shuni”.

Wakilin mu Hassan Mamuda Ya’u, ya rawaito mana cewar, al’umma da dama ne su ka samu damar halartar bikin saukar, daga ciki kuwa akwai mataimakin shugaban majalisar dokokin jihar Kano, Alhaji Zubairu Hamza Massu, da kuma shugaban hukumar Karota Baffa Babba Ɗan Agundi.

Click to comment

You must be logged in to post a comment Login

Labarai

Aure: Haramin ne mace ta fita daga gida ba tare da izini ba – Dr Abdallah

Published

on

Limamin masallacin juma’a na Usman Bin Affan dake unguwar Gadan Ƙaya, Dakta Abdullah Usman Umar ya ce, ba dai-dai ba ne mata su rinƙa fita duk inda su ka so zuwa, ba tare da neman iznin mazajen su ba.

Dakta Abdallah Gadon Ƙaya ya bayyana hakan ne ta cikin shirin Rayuwa Abar Koyi na nan gidan rediyon Dala FM, wanda ya gudana da safiyar Juma’a.

Ya ce”Fitar da wasu matan ke yi ba tare da neman izinin mazajen su ba yin hakan saɓawa ne, kuma bai kamata mata su rinƙa cin mutuncin mazajen su ba, domin kuwa raina miji raina addini ne”. A cewar Dakta Aballah.

Wakilin mu Hassan Mamuda Ya’u ya rawaito cewa, Dakta Abdullah Gadan Ƙaya, ya kuma shawarci magidan ta, da su kaucewa yin azalo ga matan su, domin yin hakan ba dai dai ba ne ba a tsarin addinin Musulunci.

Continue Reading

Labarai

Shan Kwayoyi: Kowa sai ya bayar da gudunmawa a bangaren- Farfesa Hafsat Ganduje

Published

on

Matar gwamnan Kano, Farfesa Hafsat Umar Ganduje, ta ce yaki da shan miyagun kwayoyi a tsakanin matasa ba zai tabbata ba, har sai kowa ya bayar da gudunmawar sa a fannin.

Farfesa Hafsat Ganduje ta bayyana hakan ne, a yayin wani rabon bayar da tallafin kekuna da kayan karatu ga dalibai, wanda ya gudana a  hukumar Shari’a.

Ta ce”Gwamnatin Kano na iya kokarin ta wajen yaki da shan miyagun kwayoyi, amma duk da haka sai kowa ya shigo ya bayar da ta sa gudunmawar, yanzu haka gwamnatin Kano ta kara daura dammara wajen gyara tare da samar da kayayyakin da a ke da bukata a makarantar gyaran hali dake karamar hukumar Kiru”. Inji Farfesa Hafsat Ganduje.

Wakilin mu Ahmad Rabi’u Ja’en ya rawaito cewa, a yayin bayar da tallafin an raba kekunan hawa da jakunkuna na makaranta ga wasu daga cikin daliban Firamare.

Continue Reading

Labarai

Rahoto:  Mu kara godiya ga Allah da mu ka sake ganin watan Mauludi – Limamin Gwazaye

Published

on

Limamin masallacin juma’a na Ammar bin Yasir da ke unguwar Gwazaye gangar ruwa a karamar hukumar Gwale, Malam Zubairu Almuhammdi ya ce, musulmi su kara jaddada godiyar su kasancewar su na cikin al’ummar manzon Allah (S.A.W).

Malam Zubairu Almuhammdi, ya bayyana hakan ne yayin da ya ke yi wa gidan rediyon Dala FM karin bayanin abin da hudubarsa ta kunsa.

Domin jin cikakken bayanin hudubar saurari wannan.

Continue Reading

Trending

error: Content is protected !!