Connect with us

Kimiya

‘Yan sandan Kano: Mun kama matashi da zargin haura gidajen mutane – DSP Kiyawa

Published

on

Rundunar ‘yan sandan jihar Kano, ta tabbatar da nasarar cafke wani matashi da ya shafe sama da shekaru biyar, ya na haura cikin gidajen mutane, ya na sace musu wayoyin su na hannu.

Jami’in hulda da jama’a na rundunar ‘yan sandan jihar Kano, DSP Abdullahi Haruna Kiyawa ne, ya bayyana hakan.

Ya ce “Yan sandan da ke yawon Sintiri ne a Rijiyar Lemo, su ka sami nasarar kama matashin, mai suna Abubakar Ibrahim, mai shekaru ashirin da biyar, mazaunin Unguwar Kurna”. Inji DSP Kiyawa.

Wata daga cikin wadanda matashin ya haura wa cikin gidajen su ya kwashe musu wayoyI, sun bayyana yadda wanda ake zargin ya raba su da wayoyin nasu har cikin gida.

Rundunar ‘yan sanda na kira ga mutane da su ci gaba da sanya idanu a cikin gidajen su, domin kawo karshen matsalar.

Kimiya

Za a binne mai Otal ɗin Tahir a Kano Tahir Fadhallah

Published

on

Shahararren ɗan kasuwar nan haifaffen jihar Kano, ɗan asalin ƙasar Lebanon, kuma Shugaban ƙungiyar Ƙwarori mazauna Najeriya, Alhaji Tahir Fadhallah Rasuwa.

Sanarwar da iyalan marigayin, Tahir Fadhallah, suka fitar ta ce, ya rasu a safiyar Juma’a a wani Asibiti a can ƙasar Lebanon, bayan ya sha fama da jinya.

Gawar Marigayin za ta iso Najeriya gobe Asabar da misalin karfe, wanda za a binne shi a Maƙabartar Kwarori dake nan Birnin Kano kan Titin sansanin Alhazai Hajj Camp.

Marigayi Alhaji Tahir Fadhallah, ya rasu ya na da shekaru 74, da ƴaƴa 5 da jikoki 10. A cikin ƴaƴansa akwai, Alhaji Muhammad Hammoud, shugaban rukunin kamfanonin Tahir.

Continue Reading

Kimiya

Rahoto: Gwamnati ta duba mu wajen tsarin daukar ma’aikata – Masu hada magani

Published

on

Ƙungiyar masu haɗa magunguna da fasaha ta ƙasa reshen jihar Kano (PHATAN), sun gudanar da taron ranar masu haɗa magunguna da Fasaha ta duniya, wanda su ka yi tattaki daga titin State Road zuwa Loadge Road, sannan su ka kai ziyara zuwa gidan marayu na Nasarawa da kuma gidan gyaran hali na Kurmawa.

Shugaban ƙungiyar, Kwamrade Isma’il Ado Dawakin Kudu, ya ce sun yi tattakin ne tare da baiwa gidan marayun da gidan gyaran halin magunguna.

Ga wakilin mu na ƴan Zazu, Tijjani Adamu.

Continue Reading

Kimiya

Duk saurayin da ya zo wajen ku indai ba aure zai yi ba ku yi watsi da shi – Dr. Abdallah

Published

on

Limamin masallacin Juma’a na Usman Bin Affan da ke unguwar Gadoan Ƙaya, Dr. Abdullah Usman Umar ya ce, bai kamata samari su rinƙa yin watsi da shawarwarin iyaye ba, a yayin da su ke neman aure.

Dakta Abdallah Gadan Ƙaya, ya bayyana hakan ne, ta cikin shirin Rayuwa Abar Koyi, na gidan rediyon Dala FM, wanda ya gudana a ranar Juma’a.

Ya ce, “Mafi yawan lokuta, samari su kan fi neman shawarar abokan su, a yayin da su ke neman aure, mai-makon shawarar iyayen su”. A cewar Dakta Abdallah.

Wakilin mu Hassan Mamuda Ya’u ya rawaito Cewar, Dakta Abdullah Usman, ya kuma shawarci ‘ƴan mata, a kan duk saurayin da ya zo wajen su zance, matuƙar ya na neman ɓata musu rayuwa, to su kore shi, domin kaucewa lalata musu rayuwa.

Continue Reading

Trending