Connect with us

Labarai

sakin baki ta Facebook a kan Ganduje ya jawa wani zuwa kurkuku

Published

on

Kotun majistret mai lamba 10 karkashin mai shari’a, Muhammad Jibrin, ta aike da wani mutum gidan gyaran hali.

Mutumin mai suna, Sadi Bala Lamido, a na zargin shi da laifin sakin baki a kan gwamnan Kano, Dr. Abdullahi Umar Ganduje.

Kunshin zargin ya bayyana cewar, Sadi Bala Lamido, ya yi rubutu a dandalin sada zumunta na Facebook, inda ya yi wasu kalamai marasa kan gado, wadanda wasu ke zargin cewa da gwamnan Kano ya ke.

Yayin da a ka karanta masa tuhumar, mutumin Sadi Bala Lamido, ya musanta zargin wanda lauyan da ya ke kare shi ya roki kotun da ta sanya shi a hannun beli.

A nan ne lauyan gwamnati, Barrister Lamido Soron Dinki, ya ce ya na da suka kuma ya roki kotun da ta sanya wata ranar, domin ya yi suka a kan rokon bayar da belin.

wakilin mu Yusuf Nadabo Isma’il, ya rawaito cewa, kotun ta tsayar da ranar 15 ga wannan watan, domin lauya Lamido ya gabatar da suka a kan rokon neman beli.

Labarai

Rahoto: Mu tuba ga Allah domin fita daga tsanani – Limamin Na’ibawa

Published

on

Limamin masallacin Juma’a na Nana Aisha da ke unguwar Na’ibawa Gabas, Malam Abubakar Jibril ya ce, al’umma su tuba zuwa ga Allah, domin ya musanya tsanani zuwa yanayi na walwala.

Malam Abubakar Jibril, ya bayyana hakan ne ta cikin Huɗubar Juma’a da ya gabatar.

Mu na da cikakken rahoton a muryar da ke ƙasa.

Continue Reading

Labarai

Rahoto: Rashin wadatar zuci ke janyo zalinta a tsakanin al’umma – Limamin CBN Quarters

Published

on

Limamin masallacin Juma’a na Faruq Unguwa Uku CBN Quarters, Dr. Aminu Ismai’l, ya ce, rashin wadatar zuci ke janyo zalunci da cutar wa a tsakanin al’umma.

Dr. Aminu Isma’il, ya bayyana hakan ne, yayin da ya ke yi wa Dala FM ƙarin bayani dangane da Huɗubar Juma’a da ya gabatar.

Domin jin cikakken rahoton saurari wannan.

Continue Reading

Labarai

Rahoto: Mu guji yin ƙarya da yaɗa ta – Limamin Chiranchi

Published

on

Babban limamin masallacin Juma’a na Sheikh Aliyu Harazimi da ke unguwar Chiranchi, a ƙaramar Hukumar Kumbotso, Dr Rabi’u Tijjani Rabi’u, ya ja hankalin al’ummar Musulmi da su guji yin ƙarya da kuma yaɗa ta.

Dr. Rabi’u ya bayyana hakan ne, yayin da yake ƙarin haske dangane da abin da huɗubar sa ta ƙunsa.

Wakilin mu na ƴan Zazu, Abba Isah Muhammad na da cikakken rahoton.

Continue Reading

Trending

error: Content is protected !!