Labarai
Premier League: Attajirai 20 ne ke zawarcin siye kungiyar Chelsea
Iyalin Ricketts, waɗanda suka mallaki ƙungiyar ƙwallon ƙafa ta Major League ta Chicago Cubs, ƙungiyar da ke nuna Lord Coe da wata ƙungiya karkashin jagorancin mai saka hannun jari na Biritaniya Nick Candy duk sun gabatar da tayin siyan Chelsea.
A ranar Juma’a ne aka sanya wa’adin neman zawarcin kungiyar, bayan dan kasar Rasha, Roman Abramovich ya sayar da kungiyar ta gasar Premier.
Magoyin bayan Chelsea Candy ya ce, ya samu karin saka hannun jari daga Koriya ta Kudu, kuma cewa tayin nasa ya kai sama da Fam biliyan 2.
Har ila yau, a cikin wadanda aka tabbatar akwai gungun da suka hada da hamshakin attajirin nan dan kasar Switzerland Hansjorg Wyss, dan kasuwan Amurka, kuma mai kungiyar Major League Baseball Todd Boehly, da babban jami’in hulda da jama’a na Amurka Barbara Charone, da dan kasuwa dan Burtaniya Jonathan Goldstein da dan jaridar Burtaniya Daniel Finkelstein.
Ƙungiyar ta na aiki tare da kamfanin jari na Clearlake Capital na Amurka, wanda ke da kusan dala biliyan 60 (£ 45.6) na kadarorin da ke ƙarƙashin gudanarwa.
Har yanzu akwai masu sha’awar sama da 20, amma adadin da aka tabbatar zai iya zama 10 zuwa 15.
Chelsea da Raine Group za su gabatar da jerin sunayen masu takara a mako mai zuwa, tare da wanda ya fi dacewa ya nemi izinin gwamnati, wanda zai kunshi tabbatar da tushen kudaden da kuma inda kudaden ke gaba.
Duk wani siyar kuma za a buƙaci gwajin masu mallakar Premier da kuma daraktoci – wanda aka fi sani da ‘gwajin dacewa da dacewa’.
Daya daga cikin tayin dai wata kungiya ce karkashin jagorancin tsohon shugaban Liverpool Sir Martin Broughton da Lord Coe.
Labarai
Gwamnatin Kano za ta inganta filaye da bunƙasa duk ɓangarorin wasannin matasa – Kwamishinan Matasa da Wasanni
Sabon kwamishinan ma’aikatar wasanni da ci gaban matasa na Jihar Kano Mustapha Rabi’u Musa kwankwaso, ya bada tabbacin cewar Gwamnatin Jihar za ta ɗauki matakin inganta filayen tare da bunƙasa duk wasu ɓangarorin wasanni da matasa ke yi.
Mustapha Rabi’u Musa Kwankwaso, ya bayyana hakan ne yayin da ya kama aiki yau Asabar, tare da kai ziyara a wasu filayen wasannin dake ihar Kano.
Daga cikin filayen wasannin da ya ziyarta akwai filin wasa na Sani Abacha da ke ƙofar Mata, da filin wasa na Kano Pillars da ke sabon Gari, da kuma filin wasa na Ado Bayero Square dake unguwar Sabon Gari, sai kuma filin wasa na Mahaha da ke ƙofar Na’isa.
Da yake jawabi bayan kammala ziyarar kwamishinan wasannin da ci gaban Matasa na jihar Kano, Mustapha Rabi’u Musa kwankwaso, ya ce ya gudanar da ziyarar ce domin sanin halin da filayen wasannin ke ciki.
A lokacin ziyarar kwamishinan na tare da mai bai wa Gwamnan Kano shawara a kan harkokin wasanni Ambasada Yusuf Imam Ogan Ɓoye, da shugaban magoya bayan ƙungiyar ƙwallon Ƙafa ta Kano Pillars Alhaji Rabi’u Abdullahi Kawo, da kuma mai riƙon Shugabancin hukumar wasanni ta jiha Malam Bala Sani Shehu.
Hukumar rarraba ruwan sha ta jihar Kano ta ce matsalar rashin samun ruwa da ake fuskanta a wasu sassan jihar Kano, yana da alaƙa ne da lalacewar wani abun kan Famfo a madatsar ruwan da ke Tamburawa.
Shugaban hukumar Injiniya Garba Ahmad Bichi, ne ya bayyana haka yayin zantawar sa da manema labarai, ya ce cikin guraren da za’a yiwa gyaran har da madatsar ruwa ta Challawa da Watari, da amincewar gwamnatin jihar Kano.
Injiniya Garba, ya kuma ce suna sane da ƙarancin ruwan da ake fuskan ta a wasu sassan jihar Kano, amma nan gaba kaɗan za kammala gyaran kan famfon, domin ganin an wadata sassan jihar Kano, da ruwan domin ganin sun samu wani sauƙi.
“Mu ma a ɓangaren mu Bama jin daɗin yadda al’umma suke rasa ruwa a sassan jihar Kano, kuma nan da ranar Litinin mutane za su fita daga cikin wannan matsala ta rashin Ruwa, a yanku nan su, “in ji shi”
Garba Ahmad, ya kuma ƙara da cewa matsalar fashewar Fayif da aka samu a ci gaba da aikin gadar mahaɗar Ɗan Agundi, yanzu haka suna kan ɗaukar mataki tsakanin su da kamfanin da suka taka har ya fashe, dan ganin an gyara al’ummar da ake baiwa ruwa su ci gaba da damu.
Labarai
Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa
An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.
Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.
Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su