Connect with us

Manta Sabo

Badala: Kotu ta daure mawakin Amurka R.Kelly na tsawon shekaru 30

Published

on

An yanke wa mawakin R&B, R. Kelly, hukuncin daurin shekaru 30 a gidan yari a ranar Laraba.

Hakan ya biyo bayan hukuncin da aka yanke masa ne a shekarar da ta gabata kan laifin yin lalata. Ana zargin Kelly da yin amfani da sunansa wajen kama wadanda ya yi lalata da su cikin tarko.

Masu gabatar da kara sun bukaci alkalin da ya yanke wa dan shekaru 55 hukuncin daurin shekaru sama da 25 a gidan yari, yayin da lauyoyin da ke kare shi suka nemi a ba su 10 ko kasa da haka, suna masu cewa bukatar masu gabatar da kara ta kasance “daidai da hukuncin daurin rai da rai.

A watan Satumban da ya gabata, wata alkali ta yankewa Kelly laifi kan tuhume-tuhume tara, da suka hada da cin hanci da rashawa da kuma laifuka takwas na keta dokar, dokar safarar jima’i.

Masu gabatar da kara daga Gundumar Gabashin New York sun zargi Kelly da yin amfani da matsayinsa na shahararre da kuma “cibiyar sadarwar mutanen da ke hannun sa wajen kai hari ga ‘yan mata, maza da mata don jin dadin jima’i.

Manta Sabo

Da Duminsa: Kotu ta umarci APC ta mika sunan Machina maimakon Sanata Ahmed Lawal

Published

on

Wata babbar kotun tarayya da ke zamanta a Damaturu, ta umarci jam’iyyar APC da ta mika sunan Bashir Shariff Machina a matsayin dan takarar sanatan Yobe ta Arewa, bayan tabbatar da zaben fidda gwani da jam’iyyar ta gudanar a ranar 28 ga watan Mayun 2022.

Mai shari’a Fadimatu Murtala, a cikin hukuncin da ta yanke yau a Damaturu, ta kuma soke zaben fidda gwani na ranar 9 ga watan Yunin 2022 wanda ya samar da shugaban majalisar dattawa, Ahmed Lawan.

Lauyan wanda ke dogara da shi na biyu Kolawale Balogun ya shaida wa manema labarai cewa, za a ba wa wanda yake karewa shawara kan mataki na gaba.

Continue Reading

Manta Sabo

Da Duminsa: Majalisar Dattawa ta amince da nadin Alkalin Alkalai

Published

on

Majalisar Dattawa ta tabbatar da nadin Mai Shari’a, Olukayode Ariwoola, a matsayin sabon Alkalin Alkalai (CJN) na kasa.

Wannan ci gaban dai ya biyo bayan tantance shi da kwamitin koli ya yi na zauren majalisar dattawa a ranar Laraba.

A yayin tantancewar, Mai shari’a Ariwoola ya amsa tambayoyin da Sanatoci su ka yi masa.

Continue Reading

Ilimi

Da Duminsa: Kotu ta ce lallai ASUU ta koma bakin aiki

Published

on

Kotun kolin masana’antu ta kasa ta umarci kungiyar malaman jami’o’i ta ASUU, da ta janye yajin aikin da ta shiga na watanni kusan bakwai da ta shiga.

Mai shari’a Polycap Hamman ta bayar da umarnin dakatar da yajin aikin ne yayin da ta ke yanke hukunci a wata takardar da gwamnatin tarayya ta shigar na neman a tilasta wa malaman jami’o’in su koma bakin aiki har sai an warware musu bukatunsu na kyautata yanayin aiki.

Kotun ta yi amfani da sashe na 18 na dokar takaddamar ciniki da kuma bukatun kasa na daliban Najeriya da su amince da bukatar gwamnatin tarayya na neman umarnin hukunta malaman.

Continue Reading

Trending