Wasanni
Dan wasan Super Eagles ya kammala karatun digiri a Ingila
Dan wasan gaba na Super Eagles da Nottingham Forest, Taiwo Awoniyi, ya kammala karatunsa a Jami’ar Buckinghamshire da ke Wycombe a kasar Birtaniya, bayan ya kammala karatunsa na digiri a fannin kasuwanci.
Wannan sabon lamari dai ya fito ne daga wata ‘yar jarida mai suna Ojora Babatunde mai zaman kanta a nahiyar Turai, wadda ta wallafa a shafinta na Twitter inda ta taya Awoniyi murna a ranar Laraba.
Ta wallafa cewa, “Dan wasan Super Eagles na gaba, Taiwo Awoniyi @taiwoawoniyi18, ya sami digiri a Gudanar da Kasuwanci, daga Buckinghamshire New University, Wycombe,”
Dan wasan mai shekaru 25, ya samu wannan digiri ne kwanaki kadan bayan takwarorinsa na Super Eagles da kuma dan wasan tsakiya na Leicester City Wilfred Ndidi ya kammala karatun difloma na kasuwanci da gudanarwa.
Ndidi, wanda ya fara kwas din a shekarar 2019, ya shaida wa Football Daily, “Eh, (Na ji dadin hakan). na gama Na yi kamar kwas na aji 10 wanda zai iya sa ni zuwa digiri na jami’a mai kyau. “
Ya kara da cewa, “kawai don fadakar da ni ne game da kasuwanci da kasuwanci da yawon bude ido kuma.”
Awoniyi ya fara babban aikinsa da Liverpool, amma ya kasa yin rajistar ko wanne wasa a kungiyar.
An aika shi aro zuwa kungiyoyi da yawa kafin ya koma Jamus tare da Union Berlin a 2021.
Bayan nasarar da ya yi a Jamus, Awoniyi ya koma gasar firimiya tare da Nottingham Forest a lokacin da aka kammala kasuwar musayar rani. Ya zura kwallo daya kacal a wasanni shida da ya buga a bana.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su