Siyasa
Rikicin PDP: Da sauran Rina a Kaba har yanzu
Alamu sun nuna cewa rikicin cikin gida da ake fama da su a cikin jam’iyyar PDP har yanzu ba su kau ba a tsakanin gwamnonin G5.
Hakan ya biyo bayan gayyatar da gwamnan jihar Ribas, Nyesom Wike ya yi wa Peter Obi, dan takarar shugaban kasa na jam’iyyar Labour, LP, na kaddamar da daya daga cikin ayyukan da gwamnatinsa ta aiwatar a jihar.
Dr Yunusa Tanko, kakakin yakin neman zaben shugaban kasa Obi/Datti ne ya bayyana hakan.
Ku tuna cewa Gwamna Wike ba sabon abu bane wajen gayyatar mambobin jam’iyyar adawa, musamman daga jam’iyyar All Progressives Congress (APC), zuwa bude ayyukan sa jihar sa.
A watan Agustan bana ne gwamnan ya gayyaci gwamnan jihar Legas, Babajide Sanwo-Olu, dan jam’iyyar APC, domin kaddamar da aikin gadar sama, a fitaccen mahadar Waterlines dake kan titin Aba, lamarin da ya haifar da rade-radin sauya sheka zuwa jam’iyyar APC mai mulki da kuma shirye shiryen da ya dauka. domin yiwa Bola Ahmed Tinubu aiki dan takarar APC.
Wike, wanda a halin yanzu yake jagorantar kungiyar gwamnonin G5 da ke da Samuel Ortom na jihar Benue, Seyi Makinde na jihar Oyo, Okezie Ikpeazu na jihar Abia, Ifeanyi Ugwuanyi na jihar Enugu a matsayin mambobi, kwanan nan ya nuna cewa kungiyarsa na iya kokarin sasantawa da dan takarar shugaban kasa. na PDP, Atiku Abubakar, bayan shafe watanni ana tafka muhawara.
Da ya ke raba gayyatar a shafinsa na Twitter, Tanko ya rubuta cewa, “Muna gab da kwato Najeriya ga al’ummar Najeriya….. Ku biyo mu mutanen Jihar Ribas!!!. Muna ci gaba da motsi cikin ƙoshin lafiya.”
Ƙungiyar kare haƙƙin ɗan adam ta Amnesty International, ta yi ala-wadai da cin zarafin ‘yan jarida biyu a Kano, wato mawallafin jaridar kano Times, Buhari Abba da kuma Isma’il Auwal.
Cikin sanarwar sa Ƙungiyar ta wallafa a shafin ta na facebook,
ta ce babu shakka abin da rundunar ‘Yansandan jihar Kano ta yi bisa umarnin Kwamishinan yaɗa labaran jihar, Ibrahim Waiya abin takaici ne.
Rundunar ‘Yansandan jihar Kano dai ta gayyaci Buhari Abba zuwa sashin binciken manyan laifuka (CID) ne, harma kuma ta tsare shi na tsawon awanni.
Kuma dai ana tuhumar mutanen biyun ne da zargin ɓata sunan kwamishinan, ta hanyar wani ra’ayi da jaridar ta wallafa wanda Isma’il Auwal ya rubuta.
Kungiyar ta Amnesty ta ce duk ba zata lamunci duk wani yunƙuri na takewa waɗannan ‘Yan jarida haƙƙinsu ba.
A ƙarshe ƙungiyar taja hankalin gwamantin kano da kuma rundunar ‘Yansandan jihar, da su guji yunƙurin daƙile ‘yancin faɗin albarkacin baki.
Gwamnatin jihar Kano ta musanta labarin da ke yawo na cewa za ta saka kafar wando daya da Sojojin Baka.
Kwamishinan yada labaran jihar Kwamred Ibrahim Waiya shi ne ya bayyana hakan lokacin wani taron karawa juna sani da hukumar kula da kafafen yada labarai NBC ta shirya a yau Alhamis.
Yace gwamnatin Kano za ta hada kai da Yan siyasa masu magana a Rediyo da aka fi Sani da Sojojin Baka, domin tsaftace harkokin siyasar Kano.
Haka kuma kwamishinan ya musanta labarin da ke cewa Gwamnatin Kano za ta saka kafar wando daya da Sojojin Baka.
Kwamishina Waiya ya kuma ce za su hada kai da kafafen yada labarai domin Kara kawo tsafta a harkokin siyasar Kano.
Tsohon shugaban majalisar Dattawa Ahmad Lawan, ya musanta wata jita-jita da ake yaɗawa kan cewar ya fice daga cikin jam’iyyar APC mai mulki a ƙasa, zuwa SDP, al’amarin da ya ce bashi da tushe ballantana makama.
A cikin wata sanarwar da mashawarci na musamman ga tsohon Sanatan a kafafen yaɗa labarai Ezrel Tabiowo, ya fitar a jiya Lahadi, ta ce jita-jitar da ake yaɗawa na cewar Ahmad Lawan ya fice daga jam’iyyar ta APC, ƙarya ce tsagwaronta.
Jaridar Daily trust ta ruwaito cewar, sanarwar ta kuma ce, har yanzu Ahmad Lawan ɗan Jam’iyyar APC ne, kuma yana biyayya ga jam’iyyar, wadda yake alfahari da ita.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su