Wasanni
Da Duminsa: Mane zai buga wasa na biyu da Senegal a Qatar
Sadio Mane ba zai buga wasannin farko na gasar cin kofin duniya da Senegal za ta buga saboda rauni, in ji wani jami’in hukumar kwallon kafar Senegal a ranar Talata.
Matsayin dan wasan gaban Bayern Munich a Qatar 2022 da alama ya na cikin hadarim bayan ya samu raunin a kafarsa a watan, amma an saka shi cikin ‘yan wasa 26 na mai horaswar Senegal Aliou Cisse.
Sai dai Mane ba zai buga karawar da Senegal za ta yi da Netherlands a ranar litinin mai zuwa ba, kuma mamba a hukumar kwallon kafar Senegal Abdoulaye Sow, ya bayyana cewa ba zai kasance a rukunin A kadai ba.
A ranar Alhamis mai zuwa ne Senegal za ta kara da Qatar mai masaukin baki kafin ta kara da Ecuador a wasan karshe na rukuni a ranar 29 ga watan Nuwamba.
Sow ya ce: “Senegal za ta iya jurewa ba tare da dan wasanta na farko ba.
“Dole ne mu dogara da buga wasannin farko ba tare da Sadio ba kuma mu yi nasara ba tare da Sadio ba saboda muna da ‘yan wasa 25 ban da Sadio.
“Ba wanda zai so, amma abin da ya faru da mu ke nan.”
Mane ya taka rawar gani a lokacin da Senegal ta lashe gasar cin kofin Afrika a bana kuma ya fara taka leda a Bayern bayan ya koma Liverpool.
Raunin mai shekaru 30 zai hana shi karawa da tsohon abokin wasansa na Liverpool, Virgil van Dijk mako mai zuwa.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su