Wasanni
Messi ba ya tunanin komawa Inter Miami ta Amurka – Mendez
Lionel Messi ba ya cikin tattaunawa don kulla yarjejeniya da kungiyar Inter Miami ta Major League a karshen kakar wasa, in ji wakilin dan wasan Paris Saint-German.
Rahotanni sun bayyana a ranar Lahadin da ta gabata cewa, fitaccen dan wasan na Argentina ya kusa kulla yarjejeniya da zai koma Amurka bayan kwantiraginsa da PSG ta kare a shekara mai zuwa.
Irin wannan matakin zai ba da kwarin gwiwa ga wasanni a Arewacin Amurka gabanin gasar cin kofin duniya a 2026, wanda za a yi a Amurka, Kanada da Mexico, inda a baya Messi ya nuna sha’awar taka leda a MLS.
Sai dai wakilinsa Marcelo Mendez ya bayyana rahotannin a matsayin “labaran karya” kuma ya bayyana karara cewa ba a tattaunawa.
“Karya ne, labaran karya ne. Babu wata tattaunawa don Lionel ya shiga Inter Miami kakar wasa mai zuwa,” Mendez ya shaida wa CNN.
A halin yanzu Messi ya mayar da hankali ne wajen jagorantar Argentina zuwa gasar cin kofin duniya, bayan da ya zura kwallaye a wasanni biyun da kungiyar ta buga kawo yanzu, ciki har da kwallon farko da suka yi nasara a kan Mexico ranar Asabar.
A ranar Laraba ne Argentina za ta kara da Poland, inda nasara za ta tabbatar da samun tikitin zuwa zagaye na gaba. Haka kuma kunnen doki zai wadatar idan Saudiyya da Mexico suka kare a daya wasan na rukunin C.
Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.
Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.
Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.
Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.
Haka kuma, Real Madrid suka doke su a wasan ƙarshe na zakarun nahiyar turai.
Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.
Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.
Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.
Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.
Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.
Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.
Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.
Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.
A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.
Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.
-
Nishadi4 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Manyan Labarai4 years agoKAROTA: An baiwa Baffa Babba wa’adin kwanaki bakwai
-
Nishadi5 years agoMansura Isah ta yi kaca-kaca da Sadiya Haruna
-
Labarai4 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai4 years agoSabuwar damfarar da ta fito a Kano
-
Nishadi4 years agoAn gano daliban da Adam Zango ya dauki nauyin karatun su