Wasanni

Ba zan nemi afuwar ‘yan Ghana ba – Suarez

Published

1 year ago

01/12/2022

Dan wasan gaban Uruguay, Luis Suarez, ya ce bai nadama ba kuma ba zai baiwa ‘yan Ghana hakuri ba, bayan da ya taka rawar gani a wasan daf da na kusa da na karshe a gasar cin kofin duniya na 2010 a Afrika ta Kudu.

Suarez ya dakatar da kwallon Ghana da hannunsa a lokacin da ake karawa a lokacin wasan zagaye na 8 na karshe shekaru goma sha biyu da suka wuce a filin wasa na Soccer City.

A karshen wasan ne aka baiwa Ghana bugun fanareti, amma tsohon dan wasan Sunderland Asamoah Gyan ya kasa jefa kwallo a ragar Uuruguay, inda Ghana ta yi rashin nasara a wasan bugun fenareti.

Wannan lamari dai ya dade a zukatan ‘yan Ghana da dama, inda wasu ke neman tsohon dan wasan Liverpool da Barcelona ya nemi afuwarsu.

Sai dai a yanzu Suarez ya tofa albarkacin bakinsa kan lamarin, inda ya jaddada cewa, ba zai nemi afuwa ba, saboda bai tilasta wa Gyan ya kasa bugun fanareti ba.

“A karo na farko, ba na neman afuwa game da hakan,” Suarez ya shaida wa manema labarai a wani taron manema labarai gabanin wasan karshe na rukunin karshe na gasar cin kofin duniya ta 2022 da Uruguay za ta yi da Ghana a yammacin Juma’a.

“Na doke kwallon da hannu, amma dan wasan Ghana [Gyan] ya rasa bugun fanariti, ba ni ba. Watakila ina ba da hakuri idan na raunata dan wasa, amma a wannan yanayin, na dauki jan kati, alkalin wasa ya ce fanareti, ba laifina ba ne.”

Wasanni

Bayer Leverkusen ta zama zakarar gasar Bundesliga ta 2023/2024.

Published

2 weeks ago

14/04/2024

Hassan Mamuda Ya'u

Ƙungiyar ƙwallon ƙafa ta Bayer Leverkusen ta zama zakarar gasar Bundesliga ta shekarar 2023/2024, bayan da suka samu nasara a kan Weder Bremen da ci 5-0.

Hakan ne kuma ya kawo ƙarshen shekaru 11 da Bayern Munich, da ta yi tana lashe gasar.

Wannan dai shi ne karo na farko da Bayer Leverkusen suka taɓa lashe gasar a tarihi, ida suka gaza ɗaukar kofin a shekarar 2002 a ranar ƙarshe ta gasar.

Har ila yau, a dai wannan shekarar ne su kayi rashin nasara hannun Shalke 04, a wasan ƙarshe na German Cup Da ci 4-2.

Haka kuma, Real Madrid suka doke su a wasan ƙarshe na zakarun nahiyar turai.

Rahotanni sun bayyana cewa ƙungiyar bata taɓa ɗaukar wata gasa ba a ƙarni na 21, sai bayan da Xavi Alonso ya karɓe su.

Wasanni

Hukumar NPFL, ta amince da buƙatar Kano Pillars na ɗage wasan ta na mako na 28 da Enyimba

Published

4 weeks ago

01/04/2024

Hassan Mamuda Ya'u

Yanzu haka an samu dai-daito da hukumar NPFL, wanda ta amince da bukatar Kano Pillars na dage wasanta na mako na 28, da Enyimba zuwa ranar Alhamis, mai zuwa.

Ƙungiyar ƙwallon ƙafa ta Kano Pillars, ce ta wallafa hakan a shafin ta na Facebook da yammacin Litinin ɗin nan, ta ce ƴan wasan ta za su tashi a gobe Talata, da safe zuwa Aba domin fafata wasannin su.

Idan dai ba’a manta ba ƙungiyar ta wallafa kaɗan daga irin ƙalubalen da take fuskanta a harkokin gudanarwar ta.

Pillars, ta wallafa ƙalubalen ne kamar haka, “A yanzu haka zancan da muke muku Kano Pillars ta rasa kudin da za taje garin Aba, domin buga wasan hamayya na Nigeria Premier league wato Zobia Classic”.

Wasan dai shine wasa mafi ɗaukar hankali a league din Nigeria baki ɗaya, ku taya mu yadawa dan Allah.

Wasanni

Glesner ya zama sabon mai horas da Palace.

Published

2 months ago

19/02/2024

Abba Haruna Idris

Kungiyar kwallon kafa ta Crystal Palace ta sanar da nadin Oliver Glesner a matsayin sabon mai horaswar ta.

Glesner wanda tsohon mai horas da kungiyar kwallon kafa ta Eintracht Frankfurt ne mai shekaru 49 dan asalin kasar Austrian, ya maye gurbin tsohon mai horaswa Roy Hodson, wanda ake ganin ya gaza kai kungiyar ga tudun mun tsira.

A wasanni 16 da Crystal Palace ta buga a bayan nan ta yi rashin nasara a wasanni 10 duk karkashin jagorancin Roy Hodson wanda hakan yasa take mataki na 16 a teburin gasar firimiyar kasar Ingila.

Glesner dai ya rattaba kwantaragi da Palace har na tsawon shekaru biyu, zai kuma jagoranci kungiyar a wasan sa na farko da kungiyar kwallon kafa ta Burnley a ranar Asabar mai kamawa.