Connect with us

Labarai

Mun gamsu da hukuncin kisa da kotu ta yanke wa Abduljabbar – KAMYA

Published

on

Shugaban ƙungiyar matasa Musulmai ta ƙasa reshen jihar Kano (KAMYA) Imam Muntaƙa Abdulmalik, ya bayyana gamsuwarsu da hukuncin da babbar kotun shari’ar Muslunci ta yiwa Abduljabbar Sheikh Nasiru Kabara bisa samunsa da laifi.

Shugaban ƙungiyar Kwamared Imamu Muntaƙa Abdulmalik ne, ya bayyana hakan, ta cikin wata sanarwa da ya aikowa gidan rediyon Dala FM, mai dauke da sa hannunsa.

A ranar Alhamis 15 12 2022 ne dai kotun ta yanke wa Abduljabbar Kabara hukuncin kisa ta hanyar rataya, bisa samunsa da laifin ɓatanci ga Fiyayyen halitta Annabi Muhammadu Sallallahu alaihi Wasallama.

A hukuncin da ya yanke wa malamin mai Shari’a Ibrahim Sarki Yola, ya yanke masa hukuncin kisa ta hanyar rataya, tare da umarnin ƙwace litattafan da ya gabatar, wanda kotun ta ce, shi ya ƙirƙiresu, sannan kuma kotun ta ƙwace umarnin ƙwace masallatansa guda biyu.

Imamu Muntaƙa ya kuma ce, daman haka ya kamata idan kotu ta samu mutum da laifin a yanke masa hukunci, domin zama izina ga ƴan gaba.

Wakilimu Hassan Mamuda Ya’u ya rawaito cewar, Ƙungiyar ta kuma yi kira ga mutane da su ƙara rungumar zaman lafiya tare da ci gaba da bin doka don zama lafiya.

Labarai

Zamu baza jami’an mu a lungu da saƙo dan kawar da masu ƙwacen Waya a lokacin Sallah – Rundunar tsaro ta KOSSAP

Published

on

Rundunar tsaro mai yaƙi da ɓata gari masu ƙwacen waya, da magance matsalar faɗan Daba, da shaye-shaye, ta Aunty Phone Snaching da ke nan Kano, ta ce jami’an ta za su shiga lungu da saƙo na cikin birnin Kano, a wani ɓangare na magance matsalar tsaro yayin bikin babbar Sallah.

Kwamandan rundunar ta KOSSAP, a nan Kano, Inuwa Salisu Sharaɗa, shine ya bayyana hakan yayin zantawar sa da manema labarai, ya kuma ce kasancewar an hana hawan Sallah a jihar nan, ɓata gari za su iya amfanin da hakan domin su shiga cikin unguwanni domin ƙwacen wayoyin mutane da kuma aikata laifuka, a dan haka ne suka baza jami’an su domin samar da tsaro.

“Matasa ku rungumi zaman lafiya a yayin, da lokacin, da kuma bayan bikin babbar Sallah, domin duk wanda muka kama da aikata wani laifi da zarar mun kammala bincike zamu gurfanar da shi a gaban Kotun tafi da gidan ka da gwamnatin Kano, ta tanadar mana, “in ji Inuwa”.

Inuwa Salisu Sharaɗa, ya kuma shawarci iyaye da su ƙara kulawa da shige da ficen ƴaƴan su, domin gujewa faɗawar su cikin halin da bai kamata ba.

Continue Reading

Labarai

Zamu baza jami’an mu 2,500 domin samar da tsaro lokacin bikin babbar Sallah, a Kano – Bijilante

Published

on

Ƙungiyar sintirin Bijilante ta ƙasa reshen jihar Kano ƙarƙashin kwamandan ta Ubale Barau Muhammad Badawa, ta ce za ta baza jami’an ta aƙalla su 2,500, domin taimakawa wajen samar da tsaro s sassan jihar yayin gudanar da bikin babbar Sallah.

Mai magana da yawun ƙingiyar Bijilanten a matakin jaha, kuma kwamandan ta na ƙaramar hukumar Fagge Usman Muhammad Ɗa -Daji, shine ya bayyana hakan ta cikin wani saƙon murya da ya aikowa gidan rediyon Dala FM Kano, a daren jiya Juma’a.

Ɗan Daji, ya kuma ce jami’an su za su yi duk mai yiyuwa wajen samar da tsaro ga al’ummar jihar Kano, domin ganin an gudanar da bikin babbar sallar cikin kwanciyar hankali da lumana.

“Mutane ku fito masallatai domin gudanar da sallar Idi, da yardar Allah, babu wata matsalar tsaro da za’a fuskanta a faɗin jihar Kano, musamman ma a lokacin sallar jami’an mu za suyi duk abinda ya kamata wajen samar da tsaro, “in ji Ɗan-Daji”.

Daga bisani kuma ƙungiyar Bijilanten ta ƙasa reshen jihar Kano, ta buƙaci haɗin kan al’umma dan ganin komai ya tafi yadda ya kamata.

A gobe Lahadi 15 ga watan Yunin 2024, ne dai za ayi Idin babbar Sallar a faɗin Duniya, yayin da Alhazai a ƙasa mai tsarki suke gudanar da tsayuwar Arafah a yau Addabar, a ci gaba da gudanar da aikin Hajjin bana.

Continue Reading

Labarai

Zamu baza jami’an mu 3,168, domin samar da tsaro a bikin babbar Sallah a Kano – Civil Defense

Published

on

Rundunar tsaro ta Civil Defence da ke nan Kano, ta ce za ta baza jami’anta akalla su dubu 3,168, da za suyi haɗin gwiwa da sauran jami’an tsaro a jihar nan, domin samar da tsaro a yayin, da lokacin, da kuma bayan bikin babbar Sallah, da ke kara gabatowa.

Kwamandan rundunar Civil Defence din jihar nan Kano Muhammed Lawal Falala, ne ya bayyana hakan ta cikin wata sanarwa da rundunar ta fitar a yammacin yau Juma’a 14 ga watan Yunin 2024.

Sanarwar ta kuma ce, rundunar za tayi hadin gwiwa da jami’an tsaron ‘yan sanda, da na farin kaya DSS, da kuma na Karota, da na hukumar kiyaye afkuwar haɗura Road Safety, da sauransu, domin tabbatar da tsaro a fadin jihar Kano.

Da yake yiwa gidan rediyon Dala FM Kano, karin bayani mai magana da yawun rundunar tsaron SC Ibrahim Idris Abdullahi, ya ce rundunar su na bukatar hadin kan al’umma domin ganin an gudanar da bukukuwan sallar cikin lumana da kwanciyar hankali.

Wannan dai na zuwa ne yayin da ya rage kwanaki biyu a gudanar da bikin
babbar Sallah, wanda za’ayi tsayuwar Arafa a gobe Asabar 15 ga watan Yunin 2024.

Continue Reading

Trending