Connect with us

Labarai

Kotu ta ƙara jaddada umarnin kamo tsohon shugaban karamar hukumar Kumbotso

Published

on

Babban kotun shari’ar musulunci dake zaman ta a Post office, karkashin mai shari’ah, Salisu Ibrahim Koki, ta kara jaddada umarnin ta na kamun tsohon shugaban karamar hukumar Kumbotso Kabiru Ado Panshekara. sakamakon karar sa da wani Dan kasuwa a jihar Kano Alhaji Auwalu ya yi.

Alhaji Auwal ya yi karar tsohon Chairman din kan zargin, ya sayar masa da wani katon fili da ake yin kamfani a ciki a yankin Challawa Naira 40 ba kadan, sai dai daga baya wanda aka siyarwar, ya gano akwai matsala akan fili, dan haka ya bukaci a dawo masa da kudin sa.

Tun da ya dawo da miliyan 20 sai yake ta yi masa jeka dawo akan sauran kudin, hakan tasa ya yi karar sa, kasancewar bai halarci zaman kotun ba, ta yi umarnin a kamo shi har sau biyu.

wakilin mu Abubakar Sabo, ya rawaito cewar, a zaman kotun na  ranar Laraba, lauyan tsohon shugaban karamar hukumar ta Kumbotso, ya roki kotun da ta je ta gano gidajen sa guda biyu daya Sharada, daya kuma a Kabuga housing estate, da kuma wata gona a Challawa, sannna a sa masa ranar biyan kudin idan bai biya ba a sayar da daya daga ciki tun da dukkan su sun kai kudin da ake bin sa, kuma ya roki kotun da ta janye umarnin kamun. Sai dai kotun ta amsa batun zuwa a ga wuraren amma ba ta amsa batun janye umarnin kamun ba.

Labarai

Za mu ci gaba da karɓar tsofaffin kuɗi a Singa har nan da kwanaki 2 – Habibu Fantiya

Published

on

Wani ɗan kasuwa dake kasuwar Singa a jihar Kano ya ce, Alhaji Habibu Yusuf Abdullahi Fantiyahar zuwa nan da kwanaki biyu za su ci gaba da karbar kudade a shagunansu, sai dai idan bankuna sun yi musu barazanar daina karbar tsofaffin kudi za su dakata.

Alhaji Habibu Yusuf Abdullahi Fantiya, ya bayyana hakan ne a zantawarsa da wakilin mu na ‘yan Zazu, Abubakar Sabo, yana mai cewar, al’umma daga garuruwa daban-daban sun shigo kasuwar, idan suka daina karɓar tsofaffin kuɗi za a cutar da su.

Akwai cikakken rahoton a muryar da ke kasa.

Continue Reading

Labarai

Buhari zai tafi kasar Senegal

Published

on

Shugaban Najeriya Muhammdu Buhari zai tafi ƙasar Senegal ranar Talata domin halartar taron ƙasa da ƙasa kan harkokin noma karo na biyu da za a gudanar a birnin Dakar.

Wannan na ƙunshe ne cikin wata sanarwa da mai magana da yawun shugaban ƙasar Femi Adesina ya fitar ranar Litinin.

Taron wanda shugaban Senegal kuma shugaban ƙungiyar ƙasashen Afirka ta AU, Macky Salla zai karɓi baƙunci – an shirya shi ne domin samar da kyakkyawan yanayin noma domin ciyar da haniyar Afirka.

Mista Adesina ya ce maharta taron za su tattauna batun shigar da abinci da sauran kayan amfanin gona zuwa wasu ƙasashen, ciki har da Najeriya.

Ya ƙara da cewa yayin da nahiyar Afirka ke da mutum miliyan 249 da ke cikin ƙagin yunwa, taron – wanda shugabannin ƙasashen Afirka da ministocin kuɗaɗen da na noma na nahiyar, da ƙungiyoyin duniya za su halarta – zai saka aniyar kawar da yunwa a nahiyar Afirka nan da shekarar 2030.

Daga cikin tawagar da za ta yi wa shugaba Buhari rakiya zuwa taron har da ministan harkokin ƙasashen waje, Geoffrey Onyeama, da ministan noma da raya karkara, Dakta Mohammad Mahmood Abubakar, da mai bai wa shugaban ƙasa shawara kan harkokin tsaro Babagana Monguno da daraktan hukumar tattara bayanan sirri ta ƙasar Ambassada Ahmed Rufai Abubakar.

Continue Reading

Labarai

Mun ƙara tsaurara matakan tsaro domin tunkarar zaɓen 2023 – NDLEA

Published

on

A yayin da ya rage kwanaki 39 a fara fita babban zaɓen 2023 da ke ƙara gabatowa a ƙasa, hukumar hana sha da fataucin miyagun ƙwayoyi ta ƙasa NDLEA reshen jihar Kano ta ce, yanzu haka ta ƙara tsaurara matakan tsaro a gurare daban-daban na Kano domin kawar da masu ta’ammali da miyagun ƙwayoyi.

Shugaban hukumar Alhaji Abubakar Idris Ahmad ne ya bayyana hakan yayin zantawarsa da gidan rediyon Dala a yau Litinin, inda ya ce shirin na hukumar ya shafi yayin da bayan zaɓen 2023 dake tafe.

Ya kuma yi kira ga iyaye da su ƙara jan ƴaƴansu a jiki yayin da zaɓen 2023 ke ƙara ƙaratowa don kaucewa faɗawarsu cikin mawuyacin hali.

Wakilinmu Hassan Mamuda Ya’u ya rawaito cewar, shugaban hukumar NDLEA ɗin na Kano Alhaji Abubakar Idris Ahmad, ya kuma ce yin amfani da miyagun kwayoyi ya kan sanya mutum yayi duk abinda ya wuce hankali bisa fita da suke yi daga hayyacinsu, a dan haka matasa su kaucewa sanya kan su a cikin harkokin shaye-shayen.

Continue Reading

Trending