Manyan Labarai
Zamu haɗa kan matasa domin a samu tarbiyya ta gari – Toll Man Mai Faci
Shugaban tashar Dala FM, Ahmad Garzali Yakubu, ya shawarci matasa da su ƙara tashi tsaye wajen neman ilmin addini da na zamani domin sanin kan su.
Ahmed Garzali ya shaida hakan ne a yayin taron Ƙungiyar Zauren Masoya Dala FM, wanda ya samu wakilcin Manajan Labarai na tashar, Muzammil Ibrahim Yakasai, a yayin taron da ya gudana ranar Lahadi a Kano, ya ce, Matashi yasan kan sa, babu makawa rayuwarsa za ta tafi yadda ya kamata.
Da yake nasa jawabin shugaban ƙungiyar Zauren Masoya Dala FM, Mansur Tallman mai Faci, ya ce, sukan shirya taron ne shekara-shekara, domin samar da zumunci a tsakanin masoya tashar, inda ya kuma ce za su yi duk mai yiyuwa wajen samar da ci gaba a tsakanin matasa, don kaucewa lalacewar tarbiyyarsu.
Wakilinmu Hassan Mamuda Ya’u ya rawaito cewar, masoya tashar Dala FM da dama ne suka samu damar halartar taron, kama daga sassan Kano dama wasu daga cikin jihohin ƙasar nan.
Dan takarar Gwamnan Kano na jam’iyyar APC a zaben 2023 Dakta Nasiru Yusuf Gawuna ya bayyana karbar kaddara tun bayan da ya Fadi zaben 18 ga watan Maris.
Cikin Wani Sakon murya, Dakta Nasiru Gawuna ya godewa magoya baya, tare da yin fatan alkhairi ga sabuwar gwamnati.
” Wannan sabuwar gwamnati Allah ya Bata ikon yiwa al’umma adalchi, mu Kuma Allah ya bamu ikon yin biyayya.”
Sabon zaɓaɓɓen gwamnan jihar Kano Injiniya Abba Kabiru Yusuf wanda aka fi sani da Abba Gida gida ya karbi shaidar lashe zaben Gwamnan Kano.
Ya karbi wannan shaida ce yayin wani taro da hukumar INEC ta shirya domin bashi shaidar satifiket, bayan nasarar da ya samu a zaben ranar 18 ga watan Maris 2023.
Taron dai Wanda ya samu halartar da dama daga cikin manyan jihar Kano dama shiyyar arewa maso yamma, ya gudana ne a dakin taro na ofishin hukumar zabe INEC na jihar Kano.
Shugaban ƙungiyar tallafawa Marayu da ci gaban al’umma ta ƙaramar hukumar Birnin Kano Kwamared Adam Umar Abu Saleem, ya ce ƙarancin samun tallafi daga masu ƙarfi ne ke sanyawa Marayu ke faɗawa cikin mawuyacin hali.
Kwamared Adam Abu Saleem na wannan jawabin ne yayin zantawarsa da gidan rediyon Dala FM, lokacin musabaƙar Alƙur’ani mai girma na marayu ƴan ƙaramar hukumar Birni 5 yayin da ɗalibi dake Karkasara Ja’afar Aliyu Abubakar ya zama gwarzon shekara na ƙaramar hukumar wanda aka ɗauki nauyin al’amuran rayuwarsa baya ga kyaututtuka da ya samu, wanda Musabaƙar ta gudana cikin Firamen Salanta a ranar Asabar.
Wakilinmu Hassan Mamuda Ya’u ya rawaito cewa Kwamared Adam ya ce sukan shirya Musaɓakar ne domin zaburar da Marayu akan harkokin karatun Alkur’ani mai girma, da kuma rage musu wani tunanin maraici da suke kasancewa a maban-banta lokuta.
-
Nishadi3 years agoIna neman mijin aure – Rayya
-
Manyan Labarai3 years agoKAROTA: An baiwa Baffa Babba wa’adin kwanaki bakwai
-
Labarai3 years agoAuren dan Panshekara da ba Amurkiya ya samu cikas
-
Nishadi3 years agoMansura Isah ta yi kaca-kaca da Sadiya Haruna
-
Labarai2 years agoHamisu Breaker ya kai kan sa wajen ‘yan sanda
-
Lafiya10 months agoRahoto: An gano wani gida da ake gini da takardun Kur’ani da Alluna
-
Nishadi3 years agoAn gano daliban da Adam Zango ya dauki nauyin karatun su
-
Manyan Labarai3 years agoSabuwar damfarar da ta fito a Kano