Maharan jirgin kasa na Edo sun bukaci kudin fansa

Published

2 years ago

10/01/2023

‘Yan bindigar da suka sace fasinjoji a harin tashar jirgin kasa ta Ekehen da ke Jihar Edo na neman Naira miliyan 520 a matsayin kudin fansa.

Rahotanni sun ce maharan sun kira iyalan fasinjojin 26 da ke hannunsu, suka yanka musu fansar miliyan 20 kan duk mutum daya.

Jaridar Daily Trust ta ruwaito cewa Wani shugaban matasa Benson Ordia, da ya tabbatar da lamarin, ya ce gwamnatin jihar ta ce za ta gudanar da bincike na tsanaki a yankin.

Sai dai kakakin ’yan sandan jihar, Chidi Nwanbuzor, ya ce ba shi da masaniya kan kudin fansar da maharan suka yanke kan fasinjojin.

A ranar Asabar ne maharan suka kai hari tare da yin awon gaba da fasinjoji akalla 32 a tashar jirgin kasan jihar.

Sai dai jami’an tsaro sun ceto mutum shida daga cikin fasinjojin jirgin kasan da aka sace a Edo, wanda uku daga cikinsu kananan yara ne.

Wannan dai shi ne karo na biyu da ’yan bindiga ke kai wa jirgin kasa hari tare da sace fasinjoji, bayan wani hari da suka kai wa jirgin kasan Abuja zuwa Kaduna a watan Maris din 2022.

Related Topics:Edo police Dalafm kano Ahmad Rabiu Jaen

Up Next

Gwamnatin kasar nan ta kalubalanci NNPC akan farashin man Fetur

Don't Miss

Rashin tsaro zai iya zama babbar barazana har a kai ga soke zaben 2023

Kotu ta hana duk wata kafar yada labarai yin labarin da ya shafi Auwalu Danladi Sankara da Taslim Baba Nabegu.

Published

2 days ago

19/11/2024

Hassan Mamuda Ya'u

Babbar kotun jaha mai lamba 4 karkashin jagorancin mai Shari’a Usman Na Abba ta yi hani ga duk wasu Jami’an Ƴan sanda ko na duk wata hukuma ta daban daga gayyata ko tsangwama, ko kuma bincike ko kamawa, ta kowace siga ga kwamishinan ayyuka na musamman na jihar Jigawa Auwalu Ɗanladi Sankara.

Wannan dai na zuwa ne bayan da kotu ta wanke Auwalu Sankara daga zargin mu’amala ko alaƙa da juna tsakanin mai ƙara da Taslim Baba Nabegu har zuwa lokacin sauraran ƙarar.

Kotun ta kuma amince da rokon da wani lauya mai suna Barrister I.C Ekpinovi ya yi amadadin mai kara Auwalu Danladi Sankara wanda ya yi karar Nasiru Buba.

Mai karar ta bakin lauyansa ya bayyana wa kotun rokonsa inda ya roki kotun da ta dakatar da wanda ake kara ko dai shi da kansa ko kuma ƴan korensa daga ci gaba da yaɗa wata magana wadda wata babbar kotun Shari’ar Muslunci da ke Kano ta rufe.

Mai Shari’a Usman Na Abba ya ayyana cewar ko dai wanda aka yi kara ko yan korensa ko kuma wasu wakilansa, da a dai na yaɗa waccan magana har zuwa lokacin da kotun za ta saurari kowanne ɓangare.

Kotun ta ayyana cewar ta yi hani ga duk wata kafa ta yada labarai ko dai Rediyo ko Talabijin, ko shafukan sada zumunta da kafar Intanet da duk wata kafa wadda take iya sadar da labarai, daga yaɗa labaran da suka shafi Auwalu Ɗanladi Sankara da Taslim Baba Nabegu.

A ranar Talata ne dai gwamnan jihar Jigawa Mallam Umar Namadi ya bayyana mayar da Auwalu Ɗanladi Sankara muƙamin sa na Kwamishinan ayyuka na musamman a jihar, bayan da kotu ta wanke shi daga zargin da hukumar Hisbah ta Kano, ta yi masa kan zargin baɗala da wata matar aure.

Wakilinmu Yusuf Nadabo Isma’il ya ruwaito cewa kotun ta kuma sanya ranar 28 ga wannan watan na Nuwamba dan sauraron kowane ɓangare akan shari’ar.

Manyan Labarai

Zargin Baɗala: Kotu ta wanke Auwalu Sankara da Taslim Baba Nabegu a Kano.

Published

3 days ago

18/11/2024

Hassan Mamuda Ya'u

Babbar kotun Shari’ar Muslunci mai zaman ta a kofar kudu ƙarƙashin jagorancin mai Shari’a Ibrahim Sarki Yola, ta sallami dakataccen kwamishina a jihar Jigawa, Auwalu Ɗanladi Sankara da Taslim Baba Nabegu.

Tun da farko kotun ce ta tura ofishin ƴan Sanda Shiyya ta ɗaya da ke jihar Kano, wato Zone 1, domin mukaddashin babban sifetan yansanda ya binciki zargin da ake wa Auwalu Danladi da Taslim Baba Nabegu, sakamakon korafin da wani mutum Mai suna Nasiru Buba ya yi, wanda ya zargi Auwalun da cewar suna yin mu’amalar da bata dace ba.

Cikin ƙunshin takaddar da muƙaddashin babban sifetan ƴansanda ya tura wa kotun ya bayyana cewar, hukumar Hisbah ta yi azarɓaɓi akan batun, kuma ya umarce su da su rinƙa yin aiki a bisa tsarin doka.

A zaman kotun na yau mai Shari’a Sarki Yola ya ayyana cewar babu tuhuma akan waɗanda ake zargin sakamakon yadda ƴan sanda suka gudanar da bincike, inda suka ce sun samu cewar maganar Jita-jita ce kuma Shari’a bata karɓar jita-jita.

Har ila yau, ma’aikatar Shari’a ta jahar Kano ta bayyana cewar babu tuhuma akan waɗanda ake zargin sakamakon rashin gamsassun hujjoji.

Mai Shari’a Ibrahim Sarki Yola ya ayyana cewar ya sallami Auwalu Danladi Sankara da Taslim Baba Nabegu nan take, kuma kotun ta umarci kowa ya zauna lafiya.

Wakilinmu Yusuf Nadabo Isma’il ya ruwaito cewa, da yake jawabi lauyan wanda ake ƙara Barrister Saddam Sulaiman, ya ce dama maganar siyasa ce ta shigo cikin al’amarin.

Manyan Labarai

Masu Garkuwa da mutanen da muka kama a dajin Ɗansoshiya sun rasu – Ƴan Sandan Kano

Published

2 weeks ago

09/11/2024

Hassan Mamuda Ya'u

Rundunar ƴan sandan jihar Kano ta ce masu Garkuwa da mutane su biyun da ta kama a dajin Ɗansoshiya da ke kwanar Ɗangora a ƙaramar hukumar Ƙiru a jihar sun rasu.

Jami’in hulɗa da jama’a na rundunar ƴan sandan SP Abdullahi Haruna Kiyawa ne ya sanar da hakan a shafin sa na sada zumunta a cikin daren Asabar 09 ga watan Nuwamban 2024.

Tun dai da safiyar Asabar ne rundunar ta ce ta cafke mutane biyun da ta ke zarginsu da shiga jihar Kano, domin yin garkuwa da mutane tare da neman kuɗin fansa.

SP Abdullahi Haruna Kiyawa, ya bayyana cewa, an kama mutanen ne a garin Kwanar Dangora, kuma, suna hannun ‘yan sanda domin fadada bincike, ko da ike yanzu haka tuni suka riga mu gidan gaskiya.

Majiyar Dala FM Kano ta rawaito cewa SP Kiyawa ya kuma ƙara da cewa, yanzu ta’addancin satar mutane ba za ta yi tasiri a Jihar Kano ba da yardar Allah’.

Mai magana da yawun rundunar ƴan sandan na Kano, ya kuma gode wa al’ummar jihar bisa addu’o’in da suke yi a kullum.

Tuni dai Kiyawa ya wallafa hotunan gawar mutanen biyu da ake zargin masu garkuwa da mutane ne a shafin sa na Facebook.