Connect with us

Wasanni

Kungiyar kwallon kafa ta Wolves ta sayi Sarabia daga PSG

Published

on

Kungiyar ta Wolverhampton ta sanar da sayan dan wasa Pablo Sarabia mai shekaru 30, daga kungiyar kwallon kafa ta Paris Saint – Germain.

Pablo Sarabia ya bugawa PSG wasanni 64 ya kuma zura kwallaye 11, yanzu haka ya rattaba kwantaragin shekaru uku da rabi da kungiyar kwallon kafa ta Wolves.

Pablo Sarabia shine dan wasa na uku da kungiyar Wolves ta saya wanda daga cikinsu akwai Mario Lemina da dan wasa Matheus Cunha, da zarar Wolves ta kammala yi masa rijista, dan wasan zai buga wasan da Wolves za ta kara da kungiyar kwallon kafa ta Manchester City a ranar Lahadi mai kamawa.

Click to comment

You must be logged in to post a comment Login

Leave a Reply

Wasanni

Dembele ya tallafawa Barcelona ta kai wasan kusa da na karshe

Published

on

Dan wasan gaban kungiyar kwallon kafa ta Barcelona Ousmane Dembele ne, ya zurawa Barcelona kwallo daya tilo a wasan kusa da na karshe da suka buga da kungiyar kwallon kafa ta Real Sociedad, a gasar Copa Del Rey da ke gudana a kasar ta Spain, wanda hakan ne yabawa Barcelona damar zuwa wasan kusa da na karshe a gasar.

Kawo yanzu, dan wasa Ousmane Dembele ya zurawa kungiyar kwallon kafa ta Barcelona kwallaye bakwai a kakar wasannin nan da muke ciki.

Continue Reading

Wasanni

Kungiyar kwallon kafa ta Tottenham ta dauki aron Danjuma daga Villarreal

Published

on

Kungiyar kwallon kafa ta Tottenham Hotspur ta sanar da daukan aron dan wasan kungiyar kwallon kafa ta Villarreal dan asalin kasar Netherlands wato Arnaut Danjuma mai shekaru 25 har zuwa karshen kakar nan da muke ciki.

Tun bayan da aka bude kasauwar saye da sayarwa na ‘yan wasanni a watan janairun nan da muke ciki, Arnaut Danjuma, shine dan wasa na farko da Tottenham Hotspur din ta dauka.

Tottenham Hotspur ta na mataki na biyar a teburin gasar firimiyar kasar Ingila ta shekarar 2022 zuwa 2023 da muke ciki.

Continue Reading

Wasanni

Kungiyar kwallon kafa ta Everton ta kori Lampard

Published

on

Tsohon da wasan kasar Ingila mai shekaru 44 Lampard ya karbi aikin horas da kungiyar kwallon kafa ta Everton a watan janairun shekarar 2022 da ta gaba ta, bayan sallamar mai horas da ita na wancan lokacin Rafael Benitez.

Everton dai ta yi rashin nasara a wasanni tara cikin wasanni 12 da ta buga a gasar Firimiyar kasar Ingila ta shekarar 2022 zuwa 2023 da muke ciki.

A ranar Asabar din da ta gabata dai kungiyar kwallon kafa ta Everton ta yi rashin nasara a karawar da ta yi da kungiyar kwallon kafa ta West Ham United, wanda hakan yasa ta ke mataki na 19 da maki 15 a teburin gasar ta bana.

Continue Reading

Trending