Connect with us

Manyan Labarai

CBN ya umarci bankuna da su cigaba da karban tsofaffin 500 da 1000

Published

on

Babban Bankin kasa,CBN ya umarci bankuna da su ci gaba da karɓar tsofaffin takardun kuɗin naira 1,000 da 500 waɗanda yawansu bai zarta N500,000 ba.

Bankin na CBN ya bayyana hakanne a yau Juma’a, bayan koke-koken da ake ta samu a faɗin ƙasar kan wahalar da al’umma ke fuskanta wajen samun sababbin kuɗin.

Mai magana da yawun babban bankin, Osita Nwanisobi ne ya tabbatar wa BBC hakan.

Rahotanni daga wasu jihohin Najeriya dai sun bayyana cewa an gudanar da zanga-zanga kan ƙarancin sababbin kuɗin.

Kotu ta dakatar da CBN daga aiwatar da wa’adin daina amfani da tsaffin takardun kudi

An buƙaci jama’a su kai tsofaffin takardun kuɗinsu zuwa bankuna domin a musanya musu su da kwatankwacin kuɗin amma sababbi, sai dai tun gabanin wannan lokacin babban bankin kasa ya yi hani ga ‘yan Najeriya su riƙa cirar kuɗin da ya zarce naira 100,000 zuwa naira 500,000 a kowane mako ga kowane ɗan ƙasar ko ga kamfanoni.

Manyan Labarai

Manufofin gwmanatin Tinubu na ƙuntatawa al’ummar ƙasa – Gamayyar ƙungiyoyin Arewa CNG

Published

on

Gamayyar ƙungiyoyin Arewacin Najeriya, CNG, ta bayyana fargabar ta kan taɓarɓarewar tattalin arzikin ƙasar, inda ta yi gargaɗin cewa salon lalube cikin duhu da gwamnatin tarayya ke yi na ƙara ta’azzara manyan ƙalubalen tattalin arziki ba tare da samar da wata ƙwaƙƙwarar mafita ba.

Da yake jawabi a wani taron manema labarai a Abuja, shugaban ƙungiyar na ƙasa, Kwamared Jamilu Aliyu Charanchi, ya ce a halin da ake ciki kimanin ƴan Najeriya miliyan 133, ne ke fama da Fatara, yayin da aƙalla mutane miliyan 20 ke fama da rashin aikin yi a faɗin ƙasar.

Kwamared Jamilu Aliyu ya kuma soki manufofin gwamnati na taɓarɓarewar tattalin arziki, al’amarin da ke ƙuntata rayuwar ƴan Najeriya, kamar irin su hauhawar farashin kayayyaki da kuma ƙarin farashin man Fetur da kuma karin ƙudin wutar Lantarki.

A cewar sa, “Shugaban ƙasa Bola Tinubu akwai buƙatar ka rushe tawagar ka ta tattalin arziki domin sake fasaltawa, saboda ba su da zurfin fahimtar yanayin tattalin arzikin Najeriya a zahiri, “in ji shi”

Har ila yau, Kwamared Charanchi ya kuma ƙalubalanci duk wani yunkurin ƙara farashin man Fetur da sunan samar da kuɗaɗen aiwatar da sabon mafi karancin albashin ma’aikata, inda ya bayar da shawarar a samar da wasu hanyoyin da za a bi wajen rage almubazzaranci da kuma tsadar tafiyar da gwamnati, domin samun sauƙi.

Kafar gidan rediyon Dala FM Kano, ta rawaito cewa, Kwamared Jamilu Aliyu ya kuma roki shugaba Tinubu da ya sa kishi da jajircewa wajen magance wahalhalun da al’ummar Najeriya ke ciki.

Continue Reading

Manyan Labarai

Mun shiga damuwa kan kwashe motocin da suke aikin hanyar mu – Mazauna garin Kara Gwarzo a Kano

Published

on

Al’ummar garin Kara da ke karamar hukumar Gwarzo a jihar Kano, sun jaddada rokon su kan magance musu matsalar rashin ruwan Sha da ta karancin Likitoci a asibitin yankin su, da ta lalacewar ajujuwa a makarantu, da kuma ta lalacewar hanyar su, al’amarin da ke damun su.

A zantawar wakilin Dala FM, Hassan Mamuda Ya’u da sakataren kungiyar Matasa ta samar da ci gaban garin na Kara da ke karamar hukumar Gwarzo, Khalid Sale, ya ce a baya-bayan nan gwamnan Kano Injiniya Abba Kabir Yusif, ya ƙaddamar da gyaran hanyar tasu, amma yanzu haka sun ga an kwashe motocin da suke aikin ba tare da sun san dalilin hakan ba.

Ya ci gaba da cewa, a don haka ne suke kira ga gwamnan jihar Kano Injiniya Abba Kabir Yusuf, da dukkanin shugabannin yankin su, da su kai musu ɗaukin da ya dace dan magance musu matsalolin da suke addabar su.

“Tsayawar aikin gyara hanyar tamu da ta tashi daga bakin titin Gwarzo ta wuce zuwa unguwannin Kara, da Sabon layin Kara, ta wuce Ɗalangashi, har zuwa jihar Katsina, yanzu haka tayi matuƙar lalacewar da idan akayi ruwan sama muna shiga cikin Damuwa, “in ji Khalid”.

Ya kuma ƙara da cewa suna fama da matsalar rashin ruwan Sha, da ta ƙarancin Likitocin a Asibitin yankin su, da kuma ta lalacewar ajujuwa a makarantun su, amma ta lalacewar hanyar tafi yankin nasu tafi damun su.

A cewar sa, “Mun yi farin ciki da miƙa godiyar mu ga gwamnan Kano, bisa yadda ya ƙaddamar da gyara hanyar garin mu na Kara da ke ƙaramar hukumar Gwarzo, amma dai bamu ji daɗin kwashe motocin da akayi ba, domin yanzu haka aikin ya tsaya cak, “in ji shi”.

Akan al’amarin ne wakilin namu ya tuntubi shugaban riko na ƙaramar hukumar ta Gwarzo Mani Tsoho Zango, ta wayar tarho, sai dai a lokacin ya ce ya bashi lokaci kasancewar a lokacin da aka kirashin yana tsaka da wani uziri.

Idan ba’a manta ba al’ummar yankin sun daɗe da shaidawa Dala FM Kano, halin damuwar da suke cikin kan rashin al’amuran more rayuwa a yankin nasu.

Continue Reading

Manyan Labarai

Dalilan da suka sa bamu naɗa Sarki a Bichi ba – Gwmnatin Kano

Published

on

Gwamnan jihar Kano Injiniya Abba Kabir Yusuf, ya ce abin da ya sanya ba’a naɗa sarki a Bichi ba, saboda ba’a naɗa Hakimi a Bichi sai ɗan sarki, saboda tarihi da Bichi take da shi, a don haka yanzu Bichi ta na ƙarƙashin ikon cikin Birni, bisa yadda tarihin masarautar Kano take.

Gwamna Abba Kabir Yusuf ya yi wannan jawabin ne da yammacin yau Juma’a, yayin taron ƴan jam’iyya da ya gudana a ɗakin taro na Afrika House da ke fadar gwamnatin jihar Kano, domin tattaunawa kan abubuwan da za su kawowa jam’iyyar su ta NNPP, ci gaba.

Gwamna Yusuf ya kuma tabbatar da cewa dukkanin sarakunan da aka naɗa, gwamnatin jihar za ta tabbatar ta basu haɗin kan da ya dace, domin ciyar da harkokin masarautun jihar gaba.

“Yanzu haka gwamnatin mu za ta fara shirye-shiryen zaɓen ƙananan hukumomi 44 da ke faɗin jihar mu, “in ji gwamna Abba Kabir”.

Wakilinmu na fadar gwamnatin Kano Umar Abdullahi Sheka ya rawaito cewa, gwamnan Kano Abba Kabir Yusuf ya alƙawarin taimakawa dukkannin ƴan jam’iyyar NNPP, maza da mata tun daga ƙasa, domin suma su tabbatar ana gudanar da mulki na gaskiya da riƙon amana dasu.

Continue Reading

Trending