Connect with us

Manyan Labarai

Rundunar tsaro ta civil defense tace zata kara fadada Ayyukanta

Published

on

­Babban Kwamandan rundunar tsaron al’umma da kula da kadarorin gwamnati ta Civil Defence dake nan Kano Muhammad Lawan Falala, ya ce nan bada jimawa ba rundunar zata kara fadada ayyukanta, domin tabbatar da zaman lafiya da Samar dai-daito a tsakanin al’umma.

Babban kwamandan ya bayyana hakan ne a yayin wata ziyara da kungiyar matasan ƴan Jarida ta Kano Youth Journalist Forum ta jihar Kano ta kai masa ziyara a ofishinsa dake kan titin Zariya.

Falala yace al’umma da dama sun dauka cewar aikin hukumar ta civil Defence ya takaita ne ga iya kula da kadarori da ma’aikatun gwamnati, inda ya ce abun ba haka yake ba domin kuwa nan gaba kadan zasu fara aiwatar da ayyukan da suka shafi yaki da cin zarafin kananan yara dama muzgunawa mata.

Ya kuma ƙara da cewa a kokarin jami’an rundunar sun kama kayan shaye-shaye, kuma ciki har da maganin nan na Akurkura da yanzu haka suke kan bincike akai.

Anasa jawabin shugaban Kungiyar matasan ƴan jaridar ta Jihar Kano wato KANO YOUTH JOURNALIST FORUM, Musa Adam Zangina ya bayyana makasudin Kai ziyarar, inda ya ce zasu ci gaba da aiki kafada da kafada da hukumomin tsaro domin Samar da ci gaba ga al’umma.

Wakilin mu Hassan Mamuda Ya’u ya rawaito cewa Musa Zangina ya kuma yabawa Rundunar tsaron ta Civil Defence bisa kokarin da sukeyi na kare rayuka da dukiyoyin Al’umma.

Manyan Labarai

Zamu yi duk mai yiyuwa wajen samar da ci gaba a Arewacin Kasa – Wazirin Dutse Alhaji Bashir Dalhatu

Published

on

Mai Martaba Sarkin Kano Alhaji Aminu Ado Bayero, ya bukaci kungiyoyin dake rajin kawowa Arewacin kasar nan ci gaba da su hada kansu guri guda, domin kawowa yankin Arewa ci gaba ta kowane bangare domin bunkasa yankin.

Sarkin ya bayyana hakan ne yau Lahadi yayin taron walimar taya Wazirin Dutse Alhaji Bashir Muhammad Dalhatu, murnar nadin da akayi masa na shugaban kwamitin amintattu na kungiyar tuntuba ta Dattawan Arewa wato Arewa Consultative Forum.

Alhaji Aminu Ado Bayero ya kara da cewa bai kamata ace kungiyoyin dake rajin kawowa yankin Arewacin kasar nan ci gaba suna fada da junan su ba, ta hanyar yin sa’insa akan wani maudu’i, domin hakan wata babbar matsala ce ga ci gaban yankin.

Da yake nasa jawabin sabon shugaban kwamitin amintattu na Kungiyar ta Arewa Consultative Forum Wazirin Dutse Alhaji Bashir Muhammad Dalhatu, ya sha alwashin kawowa yankin Arewacin kasar nan ci gaban ta hanyoyi daban-daban.

Alhaji Bashir Dalhatu ya kuma shawarci gwamnatin tarayya da ta dawo da tsohon tsarin nan na sanya masu rike da masarautun gargajiya cikin harkokin samar da tsaro, domin ta haka ne ka dai za’a kawo karshen matsalolin rashin tsaron da yankin Arewacin kasar nan ke fama dashi a halin yanzu.

Wakilinmu Abdulkarim Muhammad Abdulkarim Tukuntawa ya ruwaito cewa, sarakuna daga ko ina a fadin kasar nan da sauran manyan ‘yan kasuwa da masu ruwa da tsaki na gwamnati a matakai daban-daban ne suka halarci taron walimar taya Wazirin Dutse Alhaji Bashir Muhammad Dalhatu sabon nadin da akayi masa, a matsayin sabon shugaban Kwamitin amintattu na Kungiyar Tuntuba ta Dattawan Arewa.

Continue Reading

Ilimi

Za’a daga likafar BMC zuwa Diploma – Gwamnatin Kano

Published

on

Gwamnatin Kano tace nan bada jimawa ba za’a daga likafar makarantar koyon aikin jarida a matakin farko wato BMC ta Goron Dutse zuwa tsarin Diploma.

Mataimakin gwamnan Kano Kwamred Aminu Abdussalam ne ya tabbatar da hakan lokacin da yake jawabi a wurin taron da kungiyar tsaffin daliban makarantar suka shirya.

Kwamred Aminu Abdussalam ya kuma ce nan bada jimawa ba makarantar za’a daga matsayin karatun daga Certificate zuwa Diploma, kamar yadda makarantar ta bukata.

Kazalika yace gwamnatin Kano za ta cigaba da lura da dukkanin kayan koyo da koyarwa har ma da ababen hawa na hukumar ilimin manya ta Kano, wato Agency for mass Education wadda a cikin ta ake karatun na jarida.

Taron dai wanda shi ne karo na farko da gamayyar kungiyar daliban ta shirya tun bayan kafuwar makarantar shekaru 38 da ta gabata, ya samu halartar manyan jami’an gwamnati da suka haɗar da Kwamishinan ilimi na Kano da Kwamishinan yada labarai da kwamishiniyar mata da mai baiwa gqamna shawara kan harkokin yada labarai.

Kazalika taron ya samu halartar Sarkin Kano Alhaji Aminu Ado Bayero da tsaffin malaman makarantar da kuma shugabannin kafafen yada labarai na Kano.

A yayin taron dai shugaban kungiyar taaffin daliban Ismaila Ammai me Zare ya kaddamar da wani tsari na tallafawa makarantar da abin zama mai taken ( ka dawo da kujerar ka ).

Continue Reading

Manyan Labarai

Zamu sa kulle shafin duk dan Tik-Tok da ke yada badala a Kano – Hukumar Hisbah

Published

on

Hukumar Hisbah ta jihar Kano ta ce yanzu haka ta shirya tsaf wajen sanyawa a kulle shafukan duk wasu ‘yan Tik-Tok din da suke yada badala.

Shugaban hukumar Hisbar na Kano Shekih Aminu Ibrahim Daurawa, ne ya bayyana hakan ta cikin shirin Mahangar Zamani, na BBC Hausa.

Daurawa ya ce yanzu haka an zakulo shafuka 70 a Tik-Tok wadanda ake sanyawa idanu akan su, inda duk wanda aka samu da laifin yada badala shafin nasa ka shiga shiga cikin jerin mutanen da za’a kullewa shafin na Tik-Tok.

Wannan dai na zuwa ne bayan da hukumar Hisbar a baya-bayan nan ta yi dirar mikiya akan wasu masu amfani da shafin na Tik-Tok, wanda har ma ta gurfanar da su a gaban Kotu.

Dala FM Kano ta rawaito kamen dai da hukumae ta rinka yi a baya kama daga ‘yan Tik-Tok zuwa kuma cikin Hotal-hotal ya janyo cece-kuce a tsakanin al’umma musamman ma a shafukan sada zumunta.

Kuma daga cikin wadanda hukumar ta gurfanar a kotun akwai ‘yar Tik-Tok din nan Murja Ibrahim Kunya, da Ramlat Princesss, da dai sauransu, wadanda ta gurfanar da su bisa tuhumarsu da laifin yada badala.

Continue Reading

Trending