Siyasa
PDP ta ce zata dauki mataki akan Nyesom Wike
Yanzu haka majalisar ƙoli ta jam’iyyar PDP mai adawa a kasar nan, ta sha alwashin ɗaukar matakan ladabtarwa a kan Miinistan Abuja Nyesom Wike, da wasu ‘yan jam’iyyar da suka yi mata zagon ƙasa.
Hakan na zuwa ne ta bakin shugaban jam’iyyar PDP na ƙasa, Umar Damagum, yayin wani taron manema labarai ranar Talata, yana mai cewa jam’iyyar ta sha bamban da matsayar da Shugaba Bola Ahmed Tinubu ya ɗauka kan rikicin siyasar jihar Ribas din.
Umar Damagum ya dage da cewar dole ne hukumar zaɓe ta ƙasa (INEC) ta gudanar da zaɓen cike gurbin kujerun ‘yan majalisar dokoki 27 da suka sauya sheƙa daga PDP zuwa APC, a baya-bayan nan.
“Muna buƙatar da ayi amfani da sashe na 109, da sashe na 84 (15) na dokar zaɓe ta 2022 don a tsayar da ranar gudanar da zaɓe a mazaɓu 25 na jihar Ribas da aka samu gurabe a dalilin sauya sheƙa daga jam’iyyar tun kafin kotu ta yanke hukunci,” A cewarsa”.
Damagum ya kuma kara sa cewa sun san cewa ba Wike kaɗai ba ne; akwai wasu mutanen da su ma suka yi wa jam’iyyar zagon ƙasa.
Kafar labarai ta BBC ta rawaito Damagum, na bayyana cewa, jam’iyyar zata ladabtar da kowa, idan Wike yana tunanin cewa ya fi ƙarfin wannan jam’iyyar, za su nuna masa cewa ya yi kuskuren gaske.
Ƙungiyar kare haƙƙin ɗan adam ta Amnesty International, ta yi ala-wadai da cin zarafin ‘yan jarida biyu a Kano, wato mawallafin jaridar kano Times, Buhari Abba da kuma Isma’il Auwal.
Cikin sanarwar sa Ƙungiyar ta wallafa a shafin ta na facebook,
ta ce babu shakka abin da rundunar ‘Yansandan jihar Kano ta yi bisa umarnin Kwamishinan yaɗa labaran jihar, Ibrahim Waiya abin takaici ne.
Rundunar ‘Yansandan jihar Kano dai ta gayyaci Buhari Abba zuwa sashin binciken manyan laifuka (CID) ne, harma kuma ta tsare shi na tsawon awanni.
Kuma dai ana tuhumar mutanen biyun ne da zargin ɓata sunan kwamishinan, ta hanyar wani ra’ayi da jaridar ta wallafa wanda Isma’il Auwal ya rubuta.
Kungiyar ta Amnesty ta ce duk ba zata lamunci duk wani yunƙuri na takewa waɗannan ‘Yan jarida haƙƙinsu ba.
A ƙarshe ƙungiyar taja hankalin gwamantin kano da kuma rundunar ‘Yansandan jihar, da su guji yunƙurin daƙile ‘yancin faɗin albarkacin baki.
Gwamnatin jihar Kano ta musanta labarin da ke yawo na cewa za ta saka kafar wando daya da Sojojin Baka.
Kwamishinan yada labaran jihar Kwamred Ibrahim Waiya shi ne ya bayyana hakan lokacin wani taron karawa juna sani da hukumar kula da kafafen yada labarai NBC ta shirya a yau Alhamis.
Yace gwamnatin Kano za ta hada kai da Yan siyasa masu magana a Rediyo da aka fi Sani da Sojojin Baka, domin tsaftace harkokin siyasar Kano.
Haka kuma kwamishinan ya musanta labarin da ke cewa Gwamnatin Kano za ta saka kafar wando daya da Sojojin Baka.
Kwamishina Waiya ya kuma ce za su hada kai da kafafen yada labarai domin Kara kawo tsafta a harkokin siyasar Kano.
Tsohon shugaban majalisar Dattawa Ahmad Lawan, ya musanta wata jita-jita da ake yaɗawa kan cewar ya fice daga cikin jam’iyyar APC mai mulki a ƙasa, zuwa SDP, al’amarin da ya ce bashi da tushe ballantana makama.
A cikin wata sanarwar da mashawarci na musamman ga tsohon Sanatan a kafafen yaɗa labarai Ezrel Tabiowo, ya fitar a jiya Lahadi, ta ce jita-jitar da ake yaɗawa na cewar Ahmad Lawan ya fice daga jam’iyyar ta APC, ƙarya ce tsagwaronta.
Jaridar Daily trust ta ruwaito cewar, sanarwar ta kuma ce, har yanzu Ahmad Lawan ɗan Jam’iyyar APC ne, kuma yana biyayya ga jam’iyyar, wadda yake alfahari da ita.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su