Connect with us

Addini

Ku kula da karatun ya’yan ku don samun ingantaccen Ilmi – Mai unguwar Bachirawa

Published

on

Mai unguwar Bachirawa titin Jajira dake karamar hukumar Ungogo a Kano Mallam Abdulkadir Adamu, ya shawarci iyaye da su kara dagewa wajen kula da karatun ya’yan su, tare da bibiyar makarantun da suk yi, domin ganin suna samun ingantaccen Ilmi.

Mallam Abdulkadir Adamu
ya bayyana hakan ne yayin bikin saukar karatun Al-kur’ani mai girma na makarantar Sheikh Harun littahfizul kur’an wa-ulumihi, ta gudanar karo na 25 na dalibai 7 Mata Hudu Maza uku, da ta gudana a cikin unguwar Bachirawa titin jajira bayan gidan mai Badosa, dake karamar Hukumar Ungoggo a karshen makon nan.

Mai unguwar ya ce daga cikin hakkokin ya’yan akan iyayensu akwai sanya su a makarantun addini da na zamani, domin sauke hakkin ne zai sanya su hadu da ubangiji cikin nasara.

A nasa jawabin shugaban makarantar ta Sheikh Harun littahfizul kur’an wa-ulumihi, Sheikh mallam Ja’afar Haruna Ja’afar Dutsen Wai, jan hankalin daliban da suka yi saukar ya yi da su mayar da hankali tare da rungumar karatun al-kur’ani mai girma, domin samun nasara a cikin rayuwar su.

Wakilinmu Abdulkadir Muhammad Sani Tukuntawa ya rawaito cewa, saukar ta samu halartar manyan baki na ciki da wajen unguwar da dama, kuma ciki harda babban limamin masallacin unguwar ta Bachirawa titin Jajira Malam Muhammad Salisu da akafi sani da Malam Imamu Rijiyar Lemo.

Addini

Komawa ga Allah S.W.T, shine mafita daga halin matsin rayuwar da ake ciki a yanzu – Limami

Published

on

Limamin masallacin Abdulrahman Bin Auf dake garin Ja’en gidan Gabas Mallam Sagir Hamza Ja’en, ya ce neman gafarar All….S.W.T, da tuba tare da yin Istigifari na daga cikin hanyoyin fita daga matin rayuwar da al’umma suka samu kansu yanzu a ciki.

Mallam Sagir Hamza ya bayyana hakan ne a yayin bikin saukar karatun Al-kur’ani mai girma na makarantar Islamiyya ta Abu Fu’ad Memorial Collage, na dalibai 16, maza da mata da kuma matan aure 6 a cikinsu, da ta gudana cikin unguwar Ja’en layin gidan Dagaci a karshen makon nan,

Malamin ya ce komawa ga All….S.w.t. ne babbar hanyar da za’a samu mafita daga halin matsin rayuwar da aka samu kai a ciki.

Da yake nasa jawabin daraktan makarantar mallam Abdullahi Ibrahim Isah, cewa ya yi babban kalubalen da suke fuskanta a makarantar shine muhalli na din-din din, inda ya ce akwai bukatar mahukunta su zage damtse wajen tallafawa makarantu irin nasu.

A yayin bikin saukar al’umma da dama ne suka samu damar halarta, kuma ciki har da malamai, attajirai da dai sauransu.

Continue Reading

Addini

Tsadar Rayuwa: Zamu kara kudin makaranta daga yanzu zuwa kowanne lokaci – Kungiyar hadin kan malaman Islamiyya da Tsangayu

Published

on

Kungiyar hadin kan Malaman Makarantun Islamiyya da Tsangayu ta jihar Kano ta yi barazanar yin karin kudin makaranta sakamakon tsadar rayuwar da ake fama da ita a kasa.

Shugaban kungiyar na jihar Kano, kuma limamin masallacin Juma’a na Ikhwanul Musdafha, Malam Kamalu Sa’id Habib Mai Jabbaru, ne ya sanar da hakan yayin zantawarsa da manema labarai a ofishinsa.

Mai Jabbaru ya kuma ce tun kafin zuwan wannan lokaci na tsadar kayayyakin masarufi, ana samun karancin taimakekeniya tsakanin malamai da iyayen dalibai, hakan ya sa suka ga dacewar yin karin kudin makarantar domin ganin ba’a kuntatawa kowa ba.

Ya kuma bayyana mamakinsa bisa yadda wasu daga cikin iyayen daliban ke sawa malamin Islamiyya ko na tsangaya ido a sanda suka ga wani canji a tare da shi, kan abinda ya shafi cinsa da shansa da kuma sitirar da yake sakawa, duk kuwa da kyamatar da wasu ke nunawa na kin aminta da su dauki aure su baiwa malamin Islamiyya.

Daga karshe shugaban Kungiyar Hadin Kan Malaman Makarantun Islamiyyun da Tsangayu, mallam mai Jabbaru ya bukaci Malamai da su kara kudin Makarantar da bai gaza Naira dari ba, musamman ma masu karbar kudin wata ko na Laraba da kuma masu karbar na watanni 3 bisa la’akari da halin da kasar nan take ciki yanzu na tsadar rayuwa da ake ciki.

Continue Reading

Addini

Akwai matsalar gaske mutum ya rasu da bashin mutane a kansa – Malami

Published

on

Malamin addinin musulunci dake jihar Kano Mallam Aminu Kidiri Idris, ya shawarci al’ummar Musulmi da su kara himma wajen biyan bashikan da ake binsu, domin matsala ce matukar gaske mutum ya rasu ana binsa bashi.

Mallam Aminu Kidiri Idris ya bayyana hakan ne ta cikin shirin Rayuwa Abar Koyi na gidan rediyon Dala FM, da ya gudana a ranar Juma’ar da ta gabata.

Ya kuma ce bai kamata mutum yaci bashin mutane amma ya rinka jinkirta biya ba matukar yana da halin biyan domin akwai babbar matsala.

Continue Reading

Trending