Labarai

Kulle kasuwar mu ya jawo mana asara mai tarin yawa muna rokon a bude mana – ‘Yan kasuwar mai karami Plaza.

Published

2 months ago

20/02/2024

‘Yan kasuwar Mai karami Plaza dake daura da Malam Kato Square a jihar Kano, sun roki mahukunta kan su sa baki hukumar kula da lafiyar abinci da ingancin magani reshen jihar Kano, NAFNAC, ta bude musu kasuwar su, bisa damuwar da suka samu kansu a ciki biyo bayan kulle musu shaguna.

Shugaban kasuwar Abdulhadi Manzo, ne ya yi wannan rokon amadadin sauran ‘yan kasuwar yayin zantawarsa da manema labarai a yau Talata.

Ya ce tun a ranar Asabar hukumar ta kulle kasuwar sakamakon rikicin su da masu sayar da magani, sai dai a kalla biyu bisa uku na ‘yan kasuwar ta Mai karamin ba magani suke sayarwa ba, A don haka suka roki da a bude musu kasuwar domin su ci gaba da gudanar da kasuwancin su.

Anasa bangaren daya daga cikin masu rumfa a kasuwar Amir Zakari Mai kusa, cewa ya yi rufe kasuwar ya jawo musu asara mai yawa tare da zaman zulumi.

Wakilinmu Abubakar Sabo ya tuntubi shugaban hukumar ta NAFDAC, dake jihar Kano Kasim Ibrahim ta wayar Salula, ya ce ya bada umarnin a bude kasuwar domin duk wanda ba harkar magani yake ba ya ci gaba da harkar sa.

Labarai

Gwamnatin tarayya ta ayyana gobe Laraba a matsayin ranar hutu

Published

2 days ago

30/04/2024

Hassan Mamuda Ya'u

Gwamnatin tarayya ta ayyana gobe Laraba, 1 ga watan Mayun 2024, a matsayin ranar hutu, domin bikin ranar ma’aikata na wannan shekara.

Ministan harkokin cikin gida, Olubunmi Tunji-Ojo, ne ya bayyana hakan, a cikin wata sanarwa da ya fitar a yau Talata.

Olubunmi, ya kuma sake nanata buƙatar ganin ma’aikata sun jajirce da yin aiki yadda ya kamata a dukkanib matakai daban-daban.

Labarai

Wahalar Fetur ta haifar mana da koma baya a sana’ar mu – Mai Motar Haya

Published

2 days ago

30/04/2024

Hassan Mamuda Ya'u

Wani mai sana’ar tuƙin motar Haya, da kuma lodin fasinjoji mai suna Kabiru Muhammad, mazaunin ƙaramar hukumar Munjibir, ya ce ƙarancin motocin Haya da ake samu a yanzu, yana da alaƙa da wahalar man Fetur da ake fuskanta a sassan Najeriya.

A zantawar mutumin da wakilinmu Yusuf Nadabo Isma’il, ta cikin shirin rahotanni daga ƴan Zazu na yau Talata, ya ce a baya har motoci hamsin suke yiwa lodin fasinjoji su tashi, amma a yanzu Mota ɗaya suke iya cikawa sakamakon ƙarancin Fetur da ake fama da shi.

Ya kuma ce ƙaranci tare da tsadar man fetur ɗin da ake fama da shi, sun haddasa musu koma baya a sana’ar su, baya ga batun kuma matsalar da suke fuskanta da fasinjoji wajen biyan kuɗin Mota.

Wakiliyarmu da ta bibiyi shirin na ƴan Zazu Ummi Bala Ahmad ta rawaito cewa, matuƙin motar Kabiru Muhammad, ya kuma yi kira ga gwamnatin tarayya da ta jahohi, da su yi abinda ya kamata dan ganin farashin man Fetur ɗin ya sauka, domin al’umma su samun sauƙi.

Labarai

Dilolin Wiwi sun yanki mai unguwa da Wuƙa, tare da cizon shi a hannu, kan ya shana su sha da siyar da wiwi a Kano

Published

3 days ago

29/04/2024

Hassan Mamuda Ya'u

Wasu matasa da ake zargin ƴan Daba ne, kuma dilolin Wiwi, sun kai wa mai unguwar yankin Bachirawar Tukwane ƙarshen kwalta hari da muggan makamai.

Tun farko dai mai unguwar yankin Malam Mustapha ya shawarci matasan ne, da su dai na ɗaurin tabar Wiwi, da siyar wa a kofar gidajen mutane lamarin da ya tunzura matasan.

Matasan dai sun rutsa mai unguwar Bachirawar ne inda suka yi yunƙurin hallaka shi, bayan da suka yanke shi da Wuƙa, tare da cizon sa a Hannu, sai dai ‘yan ƙungiyar bijilante na yankin sun kawo masa ɗauki inda suka kama wani matashi mai laƙabin Kokuwa.

A lokacin ne kuma mutanen yankin suka yi yunƙurin ɗaukar doka a hannu, sai dai mai unguwar Bachirawa Malam Mustapha dan Bachirawa Gabas Malam Abdulkadir Dandiyo, sun kuɓutar da matashin inda aka mika shi ofishin ƴan sanda, ragowar matasan suka tsere.

Shugaban kungiyar ci gaban al’ummar yankin Dakta Jibrin Sagir, ya ce a shirye suke su tinkari duk wani ɓata gari a yankin da yake addabar su.