Manyan Labarai
Mun sami karamar hukumar birni a cikin mawuyacin hali:Hon Bashir Chilla
Shugabancin ƙaramar hukumar Birni na riƙo dake nan jihar Kano ya ce bayan karɓa wannan ƙaramar hukumar sun same ta cikin muhuyacin hali, kasancewar yadda sakatariyar take babu gyara babu kuɗi.
Shugaban karamar hukumar na riƙo Hon Bashir Baba Chilla ne ya bayyana hakan yayin da yake ganawa da manema labarai a wani ɓangare na samarwa da ƙaramar hukumar Birni ci gaba.
Chilla ya kara da cewa sun sanya idanu kan ma’aikatan da suke aiki a wajen domin zuwa aiki akan lokaci da kuma gudanar da aiki yadda aka tanada domin sauke hakkin al’umma.
Akwai matsalar huta da wannan sakatariyar take fuskanta ta yadda a kullum takan zama babu huta sakamakon rashin kula da injin da yake bayar da huta,amma kawo wannan lokacin an samu gyara shi, inda yanzu haka huta ta samu a cikin sakatariyar, A cewar Chilla.
Akwai matsalar ƴan kilisa da wannan ƙaramar hukumar take fuskanta, adon haka ya zama wajibi shugabancin ƙaramar hukumar ya dau mataki domin kawo ƙarshen wannan ɓarna da ake yi a yayin hawan kilisar.
Haka kuma muna so musamar da kyakkyawan tsaro a ƙaramar hukumar shiyasa yanzu haka muka kafa wani kwamiti wanda zan sanya idon ko ta kwana musamman a wannan lokaci na ƙaratowar sallah karama.
Muna kira ga iyaye da su sanya idanu kan ƴaƴan su domin kaucewa rikice rikice da ake samu na yau da kullum a wannan ƙaramar hukumar.
Zamu tabbatar mun sanya idanu kan asibitocin mu da suke ƙaramar hukumar Birni domin bayar da kulawar lafiya ga dukkanin al’ummar da suke yankin ƙaramar hukumar.
Akwai tsarin da ƙaramar hukumar Birni tayi wajen bayar da tallafin abinci ga al’ummar ƙaramar hukumar ƙarkashin jagorancin gwamnan jihar Kano Injiniya Abba Kabir Yusuf domin rage matsin rayuwa da al’umma suke ciki.
Hon Bashir Baba Chilla ya ce a wannan lokaci Ramadan an sami matsalar ciyarwa a wata santa da take ƙarƙashin sa wanda hakan baiyi daɗi ba kuma cikin ƙanƙanin lokaci aka sami canji, domin gudanar da abin da gwamnati ta tsara.
Ina kira ga al’umma duk abin da zasuyi su kasance sunyi abin su tsakanin su da Allah domin hakki ne da aka ɗorawa mu ku.
Domin wannan tsarin na ciyarwa a buƙatar ya isa ga kowa da kowa musamman bamuƙata da suke faɗin jihar nan.
Al’ummar garin Kumbotso a jihar Kano sun wayi gari da ganin yadda wasu ɓata gari suka sace kayayyakin sautin da ake jin ƙarar kiran Sallah, a babban masallacin Juma’ar garin, al’amarin da ya sanya su a cikin damuwa.
Na’ibin limamin masallacin juma’ar mai suna Ibrahim Magaji Bello, ya shaidawa Dala FM Kano cewar, ɓata garin sun shiga masallacin ne a cikin daren Asabar, inda suka yi awon gaba da kayayyakin fitar da sautin bayan da suka farke ƙofar masallacin.
“Daga cikin kayayyakin da ɓata garin suka sace akwai baturan Fitilun da ke amfani da hasken Rana, da na’urar da ke taimaka wa wajen fitar da sauti, da wayar Na’ibin limamin masallacin da dai sauran su, “in ji shi”
Ibrahim Magaji ya kuma ce sace kayayyakin sautin ya sa yanzu haka ta kai ga ba’a jin sautin kiran Sallah, daga unguwanni daban-daban, da suka haɗar da garin na Kumbotso, da Rigafada, da Chalawa, da sauran wasu unguwanni, domin yanzu mutane suna makara sosai idan za su yi Sallah a masallacin.
“Muna kira ga gwamnati, da dukkanin masu hali da su taimaka su kawo mana ɗauki, domin ganin an sayi wasu kayan sautin a sanya a masallacin, domin ƙara ciyar da addinin Musulunci gaba, “in ji Ibrahim”.
Ya kuma ƙara da cewar tun bayan faruwar lamarin ne suke ta cigiyar waɗanda suka yi aika-aikar wajen zuwa su karɓi kayan su da suka manta yayin aikin nasu.
Ya ci gaba da cewa, “Daga cikin kayayyakin da ɓata gari suka manta akwai Pinches, abun da ake cire Ƙusa, ko kuma Kwaɗo, da Filayar su, da wasu kayayyaki, “in ji Na’ibin”.
Manyan Labarai
Gwamnatin Kano ta kulle ofishin kamfanin jiragen sama na Max Air da na Ɗantata and Sawoe a jihar
Gamnatin jihar Kano ta rufe ofishin kamfanin sufurin jiragen sama na Max air da na Dantata and Sawoe a nan Kano, sakamakon harajin da take bin kamfanonin.
Shugaban hukumar tattara haraji ta jihar Kano Dakta Zaid Abubakar, ne ya bayyana hakan bayan kulle kamfanonin biyu a ranar Litinin.
Zaid, wanda Daraktan Bibiyar bashi da tursasawa wajen karɓo bashin harajin da Gwamnatin Kano ke bi, Ibrahim Abdullahi ya wakilta, ya ƙara da cewar hukumar ta tattara haraji ta jihar Kano tabi duk matakan da ya kamata kafin daukar wannan matakin.
“Dole ce ta sa hukumar ɗaukar wannan mataki na rufe kamfanonin da wuraren da ke gujewa biyan haraji a jihar Kano, “in ji Ibrahim Abdullahi”.
Wakilinmu Abba Isah Muhammad, ya rawaito cewar hukumar ta ce za ta ci gaba da bun duk matakan doka akan masu ƙin biyan harajin a fadin jihar Kano.
Manta Sabo
Kotu ta hana duk wata kafar yada labarai yin labarin da ya shafi Auwalu Danladi Sankara da Taslim Baba Nabegu.
Babbar kotun jaha mai lamba 4 karkashin jagorancin mai Shari’a Usman Na Abba ta yi hani ga duk wasu Jami’an Ƴan sanda ko na duk wata hukuma ta daban daga gayyata ko tsangwama, ko kuma bincike ko kamawa, ta kowace siga ga kwamishinan ayyuka na musamman na jihar Jigawa Auwalu Ɗanladi Sankara.
Wannan dai na zuwa ne bayan da kotu ta wanke Auwalu Sankara daga zargin mu’amala ko alaƙa da juna tsakanin mai ƙara da Taslim Baba Nabegu har zuwa lokacin sauraran ƙarar.
Kotun ta kuma amince da rokon da wani lauya mai suna Barrister I.C Ekpinovi ya yi amadadin mai kara Auwalu Danladi Sankara wanda ya yi karar Nasiru Buba.
Mai karar ta bakin lauyansa ya bayyana wa kotun rokonsa inda ya roki kotun da ta dakatar da wanda ake kara ko dai shi da kansa ko kuma ƴan korensa daga ci gaba da yaɗa wata magana wadda wata babbar kotun Shari’ar Muslunci da ke Kano ta rufe.
Mai Shari’a Usman Na Abba ya ayyana cewar ko dai wanda aka yi kara ko yan korensa ko kuma wasu wakilansa, da a dai na yaɗa waccan magana har zuwa lokacin da kotun za ta saurari kowanne ɓangare.
Kotun ta ayyana cewar ta yi hani ga duk wata kafa ta yada labarai ko dai Rediyo ko Talabijin, ko shafukan sada zumunta da kafar Intanet da duk wata kafa wadda take iya sadar da labarai, daga yaɗa labaran da suka shafi Auwalu Ɗanladi Sankara da Taslim Baba Nabegu.
A ranar Talata ne dai gwamnan jihar Jigawa Mallam Umar Namadi ya bayyana mayar da Auwalu Ɗanladi Sankara muƙamin sa na Kwamishinan ayyuka na musamman a jihar, bayan da kotu ta wanke shi daga zargin da hukumar Hisbah ta Kano, ta yi masa kan zargin baɗala da wata matar aure.
Wakilinmu Yusuf Nadabo Isma’il ya ruwaito cewa kotun ta kuma sanya ranar 28 ga wannan watan na Nuwamba dan sauraron kowane ɓangare akan shari’ar.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su