Manta Sabo
Abduljabbar Kabara da lauyansa sun ƙauracewa zaman kotu kan ɗaukaka ƙarar da ya yi
Babbar kotun jaha a ɓangaren ɗaukaka ƙara ta ci gaba da sauraron ɗaukaka ƙarar da Abduljabbar Nasir Kabara ya yi, yana ƙalubalantar hukuncin kisan da babbar Kotun shari’ar Muslunci ta ƙofar Kudu, ta yanke masa a baya.
A zaman kotun na yau lauyan Abduljabbar da shi kansa Abduljabbar ɗin basu halarci zaman kotun ba.
Lauyan gwamnati Barista Bashir Sale ya roki kotun da ta faɗaɗa musu lokaci domin suyi suka akan rokon da Abduljabbar din ya yi.
A baya dai Abduljabbar ya yi suka akan cewar kwafin shari’ar da kotun kofar Kudu ta bayar bai cika ba.
A yau lauyan gwamnati ya roki a bashi dama yayi martani akan wacan roko kotun kuma kotun ta amince da rokonsa an kuma abince da a bawa lauyoyin gwamnati kwafin sharia kotun ta sanya ranar 14 ga wannan watan dann ci gaba
Wata kotun Majistret mai lamba 44 a Kano, ƙarƙashin jagorancin mai Shari’a Muhammad Alhaji Isah, ta hori wani matashi da ɗaurin shekara ɗaya ba tare da zaɓin tara ba.
Tunda fari dai matashin mai suna Muhammad Inuwa ɗan unguwa uku, Ƴan Sanda ne suka gurfanar da shi bisa zargin sa da ji wa mahaifiyarsa rauni da Wuka, wanda ya amsa laifinsa nan take.
Yayin zaman kotun ta tambaye shi ko yana da wani hanzari kafin hukunci, inda ya bayyana wa kotun cewar sharrin shaiɗan ne, kuma yana ta’ammali da miyagun Ƙwayoyi.
Kotun ta ayyana ɗaurin watanni 12 babu zaɓin tara a kan matashin, an kuma umarce shi da ya zama mutumin kirki, kamar yadda wakilin gidan rediyon Dala FM Kano, Yusuf Nadabo Ismail ya ruwaito labarin.
Ko a yan kwanakin nan ma dai sai da hukumar hana sha da fataucin miyagun Ƙwayoyi NDLEA, suka bayyana cewar ta’ammali da miyagun Ƙwayoyi kan jawo wa mutum dana sani.
Kotun Majistret mai lamba 17 karkashin jagoranci mai Shari’a Huda Haruna Abdu, ta bayar da belin matashiyar yar Tiktok din nan Alpha Charles, wadda Ƴan Sanda suka gurfanar a gaban bisa zargin ta da laifin ɓata suna.
Ƙunshin zargin ya bayyana cewar Alpha Charles, ta ɓata sunan Sadiya Haruna ta dandalin sada zumunta.
Yayin da aka karanta mata tuhumar ta musanta, kuma lauyoyin da suke kare ta sun roki beli, Inda kotun ta sanya ta a hannun beli a bisa sharadin mutum biyu da za su tsaya mata,
Kazalika, sharuɗan Belin sun bayyana cewa, dole ne masu tsayawar na ɗaya ya zama ɗan uwanta na jini, ɗayan kuma ma’aikacin gwamnati mai mataki na 16, idan ta tsere masu karbar belin zasu ajiyewa kotun Naira dubu ɗari biyar.
Sai dai lauyan Alpha ya bayyana wa kotun cewar, Sadiya Haruna ta ɗauki hoto da bidoyon Alpha a harabar kotun ta kuma yaɗa a dandalin Facebook, tare da wasu maganganu da suke zargi na batanci ne.
A don haka kotun ta nemi mai ƙara Sadiya Haruna, sai dai an neme ta sama ko ƙasa ba a ganta ba, an kuma umarci lauyanta da ya gabatar da ita.
Wakilin Dala FM Kano, Yusuf Nadabo Isma’il ya ruwaito cewa, kotun ta sanya ranar 28 ga wannan watan Afrilun da ake ciki na shekarar 2025, don ci gaba da sauraron shari’ar.
Gwamnatin jihar Kano ta musanta labarin da ke yawo na cewa za ta saka kafar wando daya da Sojojin Baka.
Kwamishinan yada labaran jihar Kwamred Ibrahim Waiya shi ne ya bayyana hakan lokacin wani taron karawa juna sani da hukumar kula da kafafen yada labarai NBC ta shirya a yau Alhamis.
Yace gwamnatin Kano za ta hada kai da Yan siyasa masu magana a Rediyo da aka fi Sani da Sojojin Baka, domin tsaftace harkokin siyasar Kano.
Haka kuma kwamishinan ya musanta labarin da ke cewa Gwamnatin Kano za ta saka kafar wando daya da Sojojin Baka.
Kwamishina Waiya ya kuma ce za su hada kai da kafafen yada labarai domin Kara kawo tsafta a harkokin siyasar Kano.
-
Nishadi5 years agoIna neman mijin aure – Rayya
-
Labarai5 years agoHamisu Breaker ya kai kan sa wajen ‘yan sanda
-
Nishadi6 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya3 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi6 years agoAn gano daliban da Adam Zango ya dauki nauyin karatun su