Connect with us

Nishadi

Jarumi Akshay Kumar ya dagawa jarumi Salman Khan kafa

Published

on

Baban jarumin masana’antar fina finai ta Bollywood dai Akshay Kumar da jaruma Katrina Kaif za su fito a wani fim ne mai suna Sooryavanshi wanda babban Darakta Rohit Shetty ya bayar da umarni.

An kuma zabi ranar Sallah karama ta shekarar 2020 ne domin fitar fim din kasancewar lokacin hutu ne na ma’aikata da ake samun kudi mai yawa idan an sake fim a lokacin.

Sai dai jim kadan da fitar sanarwar da su Akshay kumar suka fitar sai aka ji shima jarumi Salman khan ya bayar da sanarwa cewa zai saki fim dinsa mai suna “Insha Allah” ranar ta Sallah. Fim din da zai fito da jaruma Alia Bhatt wanda kuma babban darakta Sanjay Leela Bhansali zai bayar da umarni

Wannan tasa ake ta samun kace nace ganin cewa dukkansu manyan jarumai ne hakan zai iya sawa ayi asarar dukiya mai yawa la’akari da cewa kowannesu yana kashe kudi mai yawa idan zai yi fim.

Sai dai magoya bayan Salman kan na ganin cewa Salman din shi yake fitar da fim din a duk lokacin bikin Sallah karama.

Ana tsaka da wannan kace nace ne Su Akshay kumar suka sanar da janye fitar fim din nasu Sooryanvanshi daga ranar sallah zuwa ranar 27 ga watan Maris na shekarar 2020 kamar yadda sanarwa ta fito ta shafin twitter na daraktan fim din Rohit Shetty.

Labarai

Kannywood:- MOPAN za ta fara raba ID CARD

Published

on

Hadaddiyar kungiyar masu shirya fina-finai ta Mopan na sanar da dukkanin wadanda sukayi rijista cewa za ta fara bayar da shaida wato ID CARD ga masu bayar da umarni, da masu shirya fina-finai da masu daukar hoto me motsi cewa za’a fara basu ID CARD daga ranar 25 ga wannan wata.

 

Cikin sanarwa da shugaban kungiyar na kano Ado Ahmad Gidan Dabino ya fitar, ya ce bayar da ID CARD din ya shafi iya wadanda aka ambata ne kadai banda jarumai.

 

A cewar sa shaidar su ma Jarumai za’a fara bayar da nasu da zarar an kammala tantance su.

 

A don haka ƙungiyar ta MOPPAN ke sanar da dukkanin wadanda aka ambata da su ka tabbatar sunyi rijista da su je ofishin kungiyar domin karbar ID CARD.

Continue Reading

Nishadi

Rayuwa ta ba ta da wata ma’ana a yanzu — Wizkid

Published

on

Guda daga cikin fitattun mawakan nan na Afrobeats, Ayodeji Balogun, wanda aka fi sani da Wizkid, ya bayyana cewa rayuwa ba ta da wata ma’ana a gare shi tun bayan mutuwar mahaifiyarsa, Misis Jane Dolapo Balogun.

Mawaki Wizkid ya bayyana halin da ya ke ciki a kafafen sada zumunta tun bayan mutuwar ta ta, inda ya ce rayuwarsa sam babu dadi bayan mutuwar mahaifiyar tasa.

Ta cikin wani sako da ya wallafa a shafinsa na Instagram a ranar Laraba, mawakin ya bukaci masoyansa da su bi Ubangiji.

Jaridae Daily Trust ta ruwaito yadda mawakin ya rasa mahaifiyarsa a watan Agustan 2023, a lokacin da yake kan bulaguron wakokin sabon kundin wakarsa mai suna ‘More Love Less Ego’ a Turai.

Ya rubuta, “Kwanaki bayan na rasa mahaifiyata; Rayuwa ba ta da ma’ana! Amma mun ji. Wani lokaci dole ne ku bar komai ya tafi. A bi Ubangiji kawai, “A cewarsa”.

Rahotanni sun bayyana cewa a ranar Talata, Wizkid ya tayar da hankula a tsakanin magoya bayansa, bayan da ya wallafa hoton sa yana gadon asibiti a shafinsa na Instagram a cikin wani yanayi.

A cikin hoton dai mawakin ya yi nuni da cewar za’a duba shi, amma bai bayyana mai yake samunsa ba, lamarin da ya haifar da cece-kuce a shafun na sada zumunta.

Continue Reading

Nishadi

Na yi asarar dala biliyan 2 a rana ɗaya kuma har yanzu ina raye – Mawakin Amurka

Published

on

Ba’amurke kuma mawaki, Kanye Omari West, wanda aka fi sani da Kanye West ko Ye, ya yi asarar dala biliyan 2 a cikin sa’o’i 24, bayan wasu kamfanoni da dama sun yanke alaka da shi saboda kalaman kyamar Yahudawa.

Wannan na zuwa ne kasa da sa’o’i 48, bayan wata mujallar kasuwanci ta Amurka, Forbes, ta sanar da cewa Kanye ba shi da wani matsayi a cikin jerin masu kudi a yanzu bayan da yarjejeniyarsa mai tsoka da Adidas ta yanke hulda da shi.

Kamfanonin da suka yanke alaƙa da Kanye ya zuwa yanzu sun haɗa da Balenciaga, MRC (dakin nishaɗin da aka riga aka gama Ye Documentary), hukumar baiwar sa CAA, Adidas, Jaylen Brown da Aaron Donald, Foot Locker, The RealReal, T.J. Maxx, Madame Tussauds.

Da yake mayar da martani kan asarar, mawakin, a wani sako da ya wallafa a shafin Instagram, ya bayyana cewa mutanen shi ne, ba kudin ba.

Ya rubuta, “Na yi asarar dala biliyan 2 a rana ɗaya, kuma har yanzu ina raye. Wannan maganar soyayya ce, har yanzu ina son ku; kudin ba ni ba ne, jama’a su ne ni.”

Har ila yau, makarantarsa, Donda Academy, abun ya shafa ta, yayin da aka fitar da su daga gasar makarantar sakandare saboda maganganun Kanye.

Continue Reading

Trending