Connect with us

Nishadi

Mansura Isah ta yi kaca-kaca da Sadiya Haruna

Published

on

Mansura Isah tayi kaca-kaca da Sadiya Haruna

Fitacciyar jaruma kuma mai shirya fina-finai a masana’antar Kannywood Mansura Isah ta nuna takaicin ta kan abinda ya faru tsakanin Sadiya Haruna da kuma jarumi Isah A. Isah.

A kwanakin baya dai an hangi Mansura Isah tare da Sadiyar a cenima cikin raha da annashuwa.

Sai dai a wannan rigimar da ta faru tsakanin Isah da sadiya, Mansurar ta nuna rashin jin dadinta.

Har ma ta wallafa wani rubutu da turanci a shafinta na instagram cewa “Sadiya Haruna ba zan iya sanya hotonki koda a shafina ba, domin naji kunyar abin da kika aikata.

Sannan ta kara da cewa “ Subhanallahi! Sadiya ba na tausayin ki ko kadan wallahi ban damu dake ba, domin kin yankewa kanki rayuwar da kike so da halin da kike so ki tsinci kanki, damuwa ta daya ce yaranki a wadanda za ki haifa nan gaba.

Duk abinda mukayi yana nan a social media har abada ko da kuwa kin goge abinda kika wallafa

Ba zance ba zaki samu mijin aure ba domin akwai masu Imani, amma kiyi tunanin zagin da za’a yiwa yaranki idan sunyi fada ada mutane za’a tuna musu abinda mamansu tayi lokacin tana budurwa.

Na san Allah ne mai shiyarwa kuma za ki iya shiryuwa amma kiyi tunani kalubalen da iyalinki da ‘ya’yanki za su fuskanta.

Mansura Isah dai ta yi dogon bayani game da wannan rikici daya faru tsakanin jaruman biyu.

Tuni dai ‘yansanda suka bada belin Sadiya Haruna kuna suna cigaba da bincike.

Labarai

Matasa sun gudanar da bikin cin nama a Kano

Published

on

Kungiyar Teburin mai shayi na unguwar Ja’en a yankin ƙaramar hukumar Gwale, Aminu S Gandu, ta gudanar da bikin cin nama na musamman a yankin.

Taron ya wakana ne a daren Laraba a unguwar Ja’en dake jihar Kano.

Yayin bikin shugaban kungiyar, Aminu S Gandu ya gargaɗi matasa da su kaucewa sanya kan su a cikin halin shaye-shaye, domin rayuwar su ta zamo abar koyi a nan duniya dama ranar gobe alƙiyama.

Ya na mai cewar,”Mu kan shirya bikin cin naman ne a tsakanin mu matasa, domin wayar da kan matasa musamman ma dominn kaucewa faɗawa cikin halin shaye-shaye. Duk shekarar mu kan shirya taron ne, tare da taya juna nishaɗi, bisa yadda matasa ke ba mu haɗin kai a dukkanin lokacin da mu ka shirya taron”.

Wakilin mu Hassan Mamuda Ya’u ya rawaito cewa, a yayin bikin al’adar da suka saba gabatarwa, matasa da dama ne ke halarta, inda bayan kammala jawabai aka kuma shiga fagen cin naman ragon da sukan yanka kamar yadda suka saba, cikin annushuwa da jin daɗi.

Continue Reading

Duniyar Bollywood

Kannywood: Mu kaucewa yin kalaman da ba su dace ba – Ali Nuhu

Published

on

Jarumi kuma mai shirya fim a masana’antar fina-finan Hausa ta Kannywood, Ali Nuhu, ya gargadi ƴan masana’antar da su kaucewa yin amfani da kalaman da ba su dace ba.

Ali Nuhu ya yi kiran ne jim kaɗan bayan fitowa daga cikin shirin Bollywood na gidan rediyon Dala FM Kano, wanda ya mayar da hankali a kan shirin fim din sa mai suna Bana Bakwai, wanda ya gudana a safiyar yau Laraba.

Ya na mai cewa”Matuƙar ƴan masana’antar ta Kannywood za su ƙara tsaftace kalaman na su, babu shakka za a samu gyara masana’antar”.

Ali Nuhu ya kuma ce fim ɗin sa mai suna Bana Bakwai ya zo da sauye-sauye wanda za a iya dangantashi da fina-finan Bollywood na ƙasar Indiya, inda ya ce shirin yafi mayar da hankali ne wajen magance ta’addanci da garkuwa da mutane da a ke fama dashi.

“Shirin Bana Bakwai zai samar da aikin yi ga matasa da dama dake Arewacin Nijeriya, bisa yadda a ka tsarashi”. Inji Ali Nuhu.

Wakilin mu Hassan Mamuda Ya’u ya rawaito cewa, Jarumin kuma mai shirya fim, Ali Nuhu ya ce, cutar Korona bairus ta kawo tasgaro a cikin masana’antar su ta Kannywood, ba dan haka ba da tuni sun kammala shirin.

Continue Reading

Nishadi

Abinda ya sa Deezell ya maka Maryam Booth a Kotu

Published

on

Mawakin Hip Hop dinnan Ibrahim Ahmad Rufa’I wanda aka fi sani da Deezell ya maka fitacciyar jarumar fina-finan Hausar nan Maryam Booth a gaban kotu.

Cikin wata takardar shigar da kara da mawakin ya wallafa a shafin sa na Twitter ta nuna cewa ya shigar da karar Maryam Booth da wasu mutane biyar a gaban kotu bias zargin yi masa batanci.

Tunda farko dai Jaruma Maryam Booth ta zargi mawakin wanda tsohon saurayin ta ne, da cewa shi ne ya dauki wani bidiyon ta tsirara a lokacin da ta fito daga bandaki, sannan ya fitar da shi aka rika yadawa a kafafan sada zumun ta.

Sai dai mawaki Deezell ya musanta zargin inda ya ce ba shine ya saki wannan bidiyon ba, sannan ya nemi da ta janye zargin da tayi masa ko kuma ya gurfanar da ita a gaban kotu.

Cikin takardar shigar da karar dai ta nuna cewa Ibrahim Ahmad Rufa’I yana neman diyyar zunzurutun kudi har miliyan goma.

Duk da cewa har izuwa wannan lokaci Deezell bai fito ya karyata zargin Maryam na cewa shi ne ya dauki bidiyon ba, sai dai kawai ya musanta sakin bidiyon ga al’umma.

Deezell ya wallafa cewa yanzu haka kotu ta baiwa ‘yan sansa umarnin cigaba da bincike kan al’amarin kafin haduwa a gaban kotu.

(more…)

Continue Reading

Trending

error: Content is protected !!