Manyan Labarai
Gidan abincin Naira 30 ya samu tallafi.
Hada hadar saye da siyarwar abinci tana cigaba da kankama a sabon gidan siyar da abincin naira 30 wato Nanono restaurant kamar yadda ake masa lakabi.
Mako guda kenan da bude gidan abincin a unguwar Sani Mai Nagge dake kwaryar birnin Kano, tun bayan da kalaman ministan noma Alhaji sabo Nanono suka dauki hankali.
Ministan yayi magana ne akan cewa mutum zai iya koshi a naira talatin, musamman a birnin kano, kalaman da suka fuskanci kakkausan suka daga yan Najeriya musamman kanawa.
Sai dai komai yana da sila, domin wannan al’amari ya sanya wani mai gyaran Talabijin mai suna Haruna injiniya yayi amfani da damar sa wajen bude wani gurin abincin naira 30 a layin kuka dake unguwar Sani Mainagge.
Ganin irin tagomashi da gurin cin abincin ke samu yanzu haka wani hamshakin dan kasuwa mai suna Alhaji Abdussalam Salisu Bacha ya ziyarci dakin cin abincin, domin tabbatar da sahihancin wannan waje.
Abdussalam Bacha ya shaidawa masu dakin abincin cewar ya kai ziyarar ne bisa umarnin ministan noma Alhaji Sabo Nanono, domin tabbatar da abinda kunnuwan sa suka jiye masa.
Abdussalam Bacha ya shaidawa wakilayar mu Umma Sulema cewar zai koma da kyakkyawan sako ga minista, kan kishin kai da jajircewa da masu gidan abincin suka nuna.
Jakadan daga nan ya mikawa masu gidan abincin tallafin kashin kai na naira dubu 20, domin jan jarin da suke juyawa.
A nasa bangaren mai gidan abincin Alhaji Haruna Injiniya yace sun bude gidan abincin ne domin tabbatar da ikirarin da ministan yayi, wanda ya zamanto kariya ga rubdugun da akayi wa Sabo Nanono.
MATA TA CE TA BANI KWARIN GWIWA.
Alhaji Haruna Injiniya yace matar sa Sadiya Haruna kusan itace ta bashi kwarin gwiwar bude gidan abincin, kasancewar sanaar gidansu kenan.
“Wanda kuma zan kai wannan tawaga wajenta domin ganin irin kayan da take amfani dashi”. Inji Alhaji Haruna
MUN FARA DA JARIN NAIRA 2,500.
Mamallakin dakin abincin yace sun fara da jarin naira dubu 2 da dari 5, inda cikin kwanaki 3 kacal jarin sy ya ninka zuwa naira dubu 8. Wannan kuwa ya samo asali ne sakamakon budewar cinikayya tsakanin gidan abincin da al’ummar birni da kewaye, da ba zasu iya cin abinci mai tsada ba.
MAAIKATAN MU SUN NINKA.
“Mun fara da mai dakina amma yanzu muna da maa’aikata guda 4, amma bisa dukkan alamu akwai yiwuwar sake daukar kari sakamakon budewar bukata daga al’ummar gari.”
Haruna Injiniya yace su kan dora tukunya sau 4 zuwa 5 a kullim, wanda hatta yan kasuwa daga manyan kansuwannin birnin kano kan aiko da odar abinci akai musu.
SANA’A SA’A.
Wannan dai wata yar manuniya ce da mamallaka gidan abincin suka nunawa matasa musamman wadanda ke zaman kashe wando sakmmakon rashin aaiki. ko da yake dabi’ar mazauna birni kamar Kano kan raja’a akan sana’a guda da aka ga alfanun ta akan wasu tsiraru.
A shekarun baya bayan nan anga yadda harkokin noman salwa ya bude sannan kuma ya tsuke cikin kankanin lokaci, sakamakon alamun da ake gani na gwaggwabar riba.
Haka kuma take a bangaren sanaoi irinsu sayar da ruwan sha da akafi sani da pure water, da dubban kamfanoni da baa yiwa rajista ba ke cigaba da bayyana a unguwanni.
Haka kuma wuraren sayar da abincin zamani da basu da iyaka a kwaryar birnin kadai, baya ga baburan haya masu taya uku.
Abin jira a gani shine yadda salon sabon gidan abincin naira 30 da ake yiwa lakabi da Sabo Nanono restaurant zai zo ga kanawa.
Manta Sabo
Kotu ta hana duk wata kafar yada labarai yin labarin da ya shafi Auwalu Danladi Sankara da Taslim Baba Nabegu.
Babbar kotun jaha mai lamba 4 karkashin jagorancin mai Shari’a Usman Na Abba ta yi hani ga duk wasu Jami’an Ƴan sanda ko na duk wata hukuma ta daban daga gayyata ko tsangwama, ko kuma bincike ko kamawa, ta kowace siga ga kwamishinan ayyuka na musamman na jihar Jigawa Auwalu Ɗanladi Sankara.
Wannan dai na zuwa ne bayan da kotu ta wanke Auwalu Sankara daga zargin mu’amala ko alaƙa da juna tsakanin mai ƙara da Taslim Baba Nabegu har zuwa lokacin sauraran ƙarar.
Kotun ta kuma amince da rokon da wani lauya mai suna Barrister I.C Ekpinovi ya yi amadadin mai kara Auwalu Danladi Sankara wanda ya yi karar Nasiru Buba.
Mai karar ta bakin lauyansa ya bayyana wa kotun rokonsa inda ya roki kotun da ta dakatar da wanda ake kara ko dai shi da kansa ko kuma ƴan korensa daga ci gaba da yaɗa wata magana wadda wata babbar kotun Shari’ar Muslunci da ke Kano ta rufe.
Mai Shari’a Usman Na Abba ya ayyana cewar ko dai wanda aka yi kara ko yan korensa ko kuma wasu wakilansa, da a dai na yaɗa waccan magana har zuwa lokacin da kotun za ta saurari kowanne ɓangare.
Kotun ta ayyana cewar ta yi hani ga duk wata kafa ta yada labarai ko dai Rediyo ko Talabijin, ko shafukan sada zumunta da kafar Intanet da duk wata kafa wadda take iya sadar da labarai, daga yaɗa labaran da suka shafi Auwalu Ɗanladi Sankara da Taslim Baba Nabegu.
A ranar Talata ne dai gwamnan jihar Jigawa Mallam Umar Namadi ya bayyana mayar da Auwalu Ɗanladi Sankara muƙamin sa na Kwamishinan ayyuka na musamman a jihar, bayan da kotu ta wanke shi daga zargin da hukumar Hisbah ta Kano, ta yi masa kan zargin baɗala da wata matar aure.
Wakilinmu Yusuf Nadabo Isma’il ya ruwaito cewa kotun ta kuma sanya ranar 28 ga wannan watan na Nuwamba dan sauraron kowane ɓangare akan shari’ar.
Babbar kotun Shari’ar Muslunci mai zaman ta a kofar kudu ƙarƙashin jagorancin mai Shari’a Ibrahim Sarki Yola, ta sallami dakataccen kwamishina a jihar Jigawa, Auwalu Ɗanladi Sankara da Taslim Baba Nabegu.
Tun da farko kotun ce ta tura ofishin ƴan Sanda Shiyya ta ɗaya da ke jihar Kano, wato Zone 1, domin mukaddashin babban sifetan yansanda ya binciki zargin da ake wa Auwalu Danladi da Taslim Baba Nabegu, sakamakon korafin da wani mutum Mai suna Nasiru Buba ya yi, wanda ya zargi Auwalun da cewar suna yin mu’amalar da bata dace ba.
Cikin ƙunshin takaddar da muƙaddashin babban sifetan ƴansanda ya tura wa kotun ya bayyana cewar, hukumar Hisbah ta yi azarɓaɓi akan batun, kuma ya umarce su da su rinƙa yin aiki a bisa tsarin doka.
A zaman kotun na yau mai Shari’a Sarki Yola ya ayyana cewar babu tuhuma akan waɗanda ake zargin sakamakon yadda ƴan sanda suka gudanar da bincike, inda suka ce sun samu cewar maganar Jita-jita ce kuma Shari’a bata karɓar jita-jita.
Har ila yau, ma’aikatar Shari’a ta jahar Kano ta bayyana cewar babu tuhuma akan waɗanda ake zargin sakamakon rashin gamsassun hujjoji.
Mai Shari’a Ibrahim Sarki Yola ya ayyana cewar ya sallami Auwalu Danladi Sankara da Taslim Baba Nabegu nan take, kuma kotun ta umarci kowa ya zauna lafiya.
Wakilinmu Yusuf Nadabo Isma’il ya ruwaito cewa, da yake jawabi lauyan wanda ake ƙara Barrister Saddam Sulaiman, ya ce dama maganar siyasa ce ta shigo cikin al’amarin.
Rundunar ƴan sandan jihar Kano ta ce masu Garkuwa da mutane su biyun da ta kama a dajin Ɗansoshiya da ke kwanar Ɗangora a ƙaramar hukumar Ƙiru a jihar sun rasu.
Jami’in hulɗa da jama’a na rundunar ƴan sandan SP Abdullahi Haruna Kiyawa ne ya sanar da hakan a shafin sa na sada zumunta a cikin daren Asabar 09 ga watan Nuwamban 2024.
Tun dai da safiyar Asabar ne rundunar ta ce ta cafke mutane biyun da ta ke zarginsu da shiga jihar Kano, domin yin garkuwa da mutane tare da neman kuɗin fansa.
SP Abdullahi Haruna Kiyawa, ya bayyana cewa, an kama mutanen ne a garin Kwanar Dangora, kuma, suna hannun ‘yan sanda domin fadada bincike, ko da ike yanzu haka tuni suka riga mu gidan gaskiya.
Majiyar Dala FM Kano ta rawaito cewa SP Kiyawa ya kuma ƙara da cewa, yanzu ta’addancin satar mutane ba za ta yi tasiri a Jihar Kano ba da yardar Allah’.
Mai magana da yawun rundunar ƴan sandan na Kano, ya kuma gode wa al’ummar jihar bisa addu’o’in da suke yi a kullum.
Tuni dai Kiyawa ya wallafa hotunan gawar mutanen biyu da ake zargin masu garkuwa da mutane ne a shafin sa na Facebook.
-
Nishadi5 years agoIna neman mijin aure – Rayya
-
Labarai4 years agoHamisu Breaker ya kai kan sa wajen ‘yan sanda
-
Nishadi5 years agoMansura Isah ta yi kaca-kaca da Sadiya Haruna
-
Manyan Labarai5 years agoKAROTA: An baiwa Baffa Babba wa’adin kwanaki bakwai
-
Labarai5 years agoAuren dan Panshekara da ba Amurkiya ya samu cikas
-
Lafiya2 years agoRahoto: An gano wani gida da ake gini da takardun Kur’ani da Alluna
-
Manyan Labarai5 years agoSabuwar damfarar da ta fito a Kano
-
Nishadi5 years agoAn gano daliban da Adam Zango ya dauki nauyin karatun su