Connect with us

Manyan Labarai

Wasika daga Zamfara.

Published

on

Rundunar yan sandan a jihar Zamfara ta bayyana cewar yanzu zaman lafiya ya samu a jihar.

Wannan kuwa na kunshe ne cikin wasikar da abokin aiki Yusuf Nadabo Ismail ya aiko mana, wanda yanzu haka yake ziyarar aiki a jihar.

kakakin rundunar yan sanda a jihar Zamfara S P Shehu Muhammad ne ya bayyana wa wakilin gidan rediyon Dala Yusuf Nadabo Ismail cewar zaman lafiya sai san barka.

SP Shehu ya bayyana cewar tun bayan zuwan sabon kwamishinan C P Usman Na Gwaggo al’amura suka sauya, tunda ya himmatu wajen kubutar da wadanda aka kama dan neman kudin fansa.

Kakakin ya bayyana cewar rundunar ta kubutar da sama da mutane 130 ba tare da biyan kudin fansa ba. Inda suka kuma kwato bindigogi kirar AK 47 masu tarin yawa da albarusai.

Yace sun kuma kama wadanda ake zargin da hannunsu wajen rura wutar rikici a bangarori da dama na jihar ta Zamfara

S P Muhammad ya kuma bayyana cewar rundunar tana aiki kafada da kafada da kwamitin fararen hula masu hulda da yansanda wato PCRC.

Daga nan kuma yace dole ne su yabawa gwamnan Bello Matawalle bisa muhummiyar gudummuwar da yake bawa bangarorin tsaro a jihar.

Wannan tattaunawa dai na zuwa ne makonni biyu da kammala wani taro kan tsaro, da jihohin Sokoto Zamfara da Katsina suka gudanar a Daura, domin jin ra’ayin al ummar jihohin kan sha’ani na tsaro.

Labarai

An kama wani matashi da zargin sacewa almajirai kayan sawa

Published

on

Shugaban kungiyar Bijilante na yankin unguwar Hausawa dake karamar hukumar Tarauni a Kano, Usaini Haruna Kailo, ya shawarci iyaye da su kara kulawa da tarbiyyar ya’yan su domin rayuwar su ta zama abar koyi a nan duniya dama ranar gobe kiyama.

Usaini Kailo ya bayyana hakan ne a yayin zantawar sa da wakilin mu Hassan Mamuda Ya’u, bayan kama wani matashi da su ka yi, da zargin diban kayayyakin sawa na almajirai cikin wata makarantar tsangaya a unguwar Hausawa ‘yan babura.

Ya ce” Matukar iyaye za su kara kulawa da tarbiyar ya’yan su babu shakka za a rage yawaitar samun lalacewar su”.

Da yake nasa jawabin matashin da a ka kama ya ce” Wannan shi ne na farko kuma shi ne na karshe ba zan kara satar kayayyakin mutane ba”.

Wakilin na mu Hassan Mamuda Ya’u ya rawaito mana cewa, Kwamandan Bijilanten Usaini Haruna Kailo ya ce, za su mika matashin da su ka kama wajen jami’an tsaro domin matakin da ya dace a kan sa domin hakan ya zama izina ga sauran matasa.

Continue Reading

Labarai

Covid-19: Gwamnatin Kogi ta karyata hukumar NCDC

Published

on

Gwamnatin Jihar Kogi ta musanta rahoton hukumar dakile yaduwar cututtuka ta kasa NCDC cewa mutum biyu sun kamu da cutar Coronavirus a jihar.

A ranar Larabar da ta gabata ne dai hukumar ta NCDC ta sanar a shafinta na Twitter cewa an samu bullar cutar Covid-19 a jihar ta Kogi inda tace mutane 2 ne ta tabbatar sun kamu da cutar a jihar.

Sai dai a cikin wata sanarwa da kwamishinan lafiya na jihar ta Kogi, Dakta Saka Haruna Audu ya musanta rahoton, inda sanarwar ta bayyana rahoton na NCDC a matsayin labarin kanzon kurege ne da bashi da tushe balantana makama.

Ya ce” A shirye gwamnatin Kogi ta ke wajen kare rayukan al’ummar ta, kuma ba za ta sanya siyasa a cikin sha’anin kiwon lafiya a jihar ba”.

Sai dai hukumar NCDC ba ta ce komai ba dangane da ikrarin na gwamnatin jihar Kogi.

Continue Reading

Labarai

Covid-19: Buhari ya nemi sake ciyo bashi

Published

on

Shugaban kasa Muhammadu Buhari ya sake aikewa da wata wasika ga majalisar wakilai domin sahale masa ya ciyo bashin dala Biliyan 5.

Wasikar da shugaban majalisar wakilan Femi Gbajabiamila ya karanta a gaban majalisar a yau alhamis, ta bayyana cewa, za a yi amfani da bashin ne domin cike gurbin kasafin kudin bana, na manyan ayyuka.

Kazalika ta cikin wasikar shugaban ya kuma ce za a yi amfani da bashin wajen kara tallafawa jihohi domin yaki da cutar corona.

A kwanakin bayane dai majalisa ta sahalewa shugaban kan ciyo wasu bashi na biliyan 22.

Continue Reading

Trending

error: Content is protected !!
en_USEnglish
en_USEnglish