Connect with us

Addini

Abinda yasa ake hawa dutsen Dala rana Takutaha

Published

on

Hakika hawa dutsen Dala a ranar da ake gabatar da bikin takutaha yana nuna alamun bikin Maguzawa da suke yi a Kano duk shekara, wanda suke hawa dutsen Dala da Gwauron Dutse da Magwan da Fanisau suna gabatar da bukukuwan bauta.

Ganin cewa shi kansa bikin takutaha, malaman Madabo sun qirqire shi ne domin kawar da hankalin matasa da mata daga wadannan bukukuwa na Maguzawa, to da alamun shi ya sa har yanzu a duk ranar bikin takutaha samari da mata da yara suke yin dandazo wajen hawa wannan dutse na Dala.

Duk da cewar su Maguzawa suna gabatar da bautarsu ne bisa jagorancin shugabansu, wato Barbushe wanda yake shiga xakin Tsumburbura ya jiyo musu abin da zai faru a wannan shekarar, kuma ya fito ya sanar da su.

Hoto daga Dutsen Dala a bikin Takutaha na bana

A yanzu ba haka ba ne, domin kuwa sai bayan an gama karatun Madabo kuma babban malami ya yi addu’a an watse. A sannan ne yara da samari suke tafiya domin hawa dutsen Dala. Don haka, ba sharaxin bikin ba ne sai an hau wannan dutsen.

A kan Dala, ana gabatar da abubuwa ne da suka shafi nishaxantarwa da kuma kallon qwaryar birnin Kano. Wasu har hotuna suke xauka. Daga baya, an samu cewar wasu ma suna hawa ne domin su yi shaye-shayen kayan maye da yin caca da kuma faxace-faxacen  ‘yan daba wanda har ta kan kai da ji wa kai rauni. Wannan ba ya rasa nasaba da nason irin yadda maguzawan da suke yin bikinsu a kan dutsen Dalan suke yin shaye-shayen giya da sauransu. Don haka, ana iya kallon wannan gurvacewa a matsayin yadda bikin maguzawan na asali yake a gurvace.

Hoto daga Dutsen Dala a bikin Takutaha na bana

Matsayin Bikin Takutaha

Bikin takutaha muhimmiyar rana ce a cikin garin Kano, domin a wannan rana akan yanke duk wasu hulxoxi a mayar da hankali wajen gudanar da wannan biki, musamman a wajen qananan yara. Dangane da wannan biki kuwa, waxansu suna ganin ba zai rasa alaqa da bautar gunkin Tsumburbura ba, wanda jama’ar Kano suke yi tun kafin zuwan addinin Musulunci (Ibrahim,1982:290). Bukukuwan da Maguzawa suke yi a kan dutsen Dala yana matuqar jan hankalin mata da yara da baqi, don haka sai malaman Madabo suka haxu a masallacin Madabo suka shawarta kan yadda za su xauke hankalin masu zuwa kallon waxannan bukukuwa na Maguzawa.

Manya-manyan malaman wannan zamani da suka zartar da wannan shawara, sun haxa da: Shehu Isa Mai Lawali da Shehu Mamuda mai Mudawwana da Shehu Ibrahim Liman Mai batta da Shehu Sulaiman mai rubutu da sauransu. Haka kuma, an sami wakilcin malamai daga unguwannin Dukurawa da Sheshe da Mandawari da Jujin-‘yanlabu da Maxatai da sauransu (Hassan,1998:97).

Hoto daga Dutsen Dala a bikin Takutaha na bana

Matsayin bikin Takutaha bai wuce ganin an kawar da hankalin yara da mata daga aqidar Maguzanci zuwa tarbiyyar musulunci ba. Wannan shi ne dalilin da ya sa Madabo suka kafa yin Mauludi a wannan unguwa, wanda daga baya ne mutane suka sauya masa suna zuwa Takutaha.

Dangane da sauran al’umma kuwa, wannan rana tana da matsayi sosai a wajensu. A wannan rana sukan sami damar ziyartar dangi waxanda aka daxe ba a haxu ba. Baya ga haka, qananan yara sukan sami walwala da nishaxi a wannan rana, musamman a kan Dala, inda ake kaxe-kaxe da raye-raye. Har wa yau, masu kayan sayarwa suna samun ciniki sosai, kasancewar jama’a suna zuwa daga vangarori daban-daban. Bugu da qari, al’umma suna haxuwa don yi wa kawunansu da garinsu addu’o’i baki daya.

Rubutu masu alaka:

Fitattun hotuna daga bikin Takutaha na bana

Yadda ake gudanar da bikin Takutaha a Kano

Kun san menene ma’anar  Takutaha?

Marubuci: Tijjani Shehu Almajir

almajir02@yahoo.com

+234(0)8035943092

Cibiyar Nazarin Harsunan Nijeriya,

Jami’ar Bayero, Kano.

Addini

Bada taimakon Naira 10 a masallatai zai rage talauci ga musulamai- Malam Murtala

Published

on

Hukumar shari’a musulunci ta jihar Kano, ta ce da al’ummar musulmai za su rinka bada taimakon naira 10 a kowane masallacin juma’a da tuni ba a sami yaran da suke tallace-tallace a kan titi da kuma mutanen da suke neman kudin taimako na rashin lafiya a jihar Kano.

Daraktan yada addinin musulunci na hukumar, Muratala Muhammad Adam ne, ya bayyana hakan yayin taron limaman masallatan juma’a wanda ya gudana a karamar hukumar Dawakin Kudu.

Ya ce akwai bukatar al’umma da su rinka amfani da damar su wajen taimakon juna ta hanyar amfani da masallatai.

Ya kuma ce da za a rinka tattara kudaden da ake bayarwa a masallatai da an rinka tallafawa mata suna karatun aikin likita.

Shi kuwa a nasa jawabin yayin taron shugaban hukumar na karamar hukumar Dawakin Kudu,Abdulkarim Husseini Abdulkarim, cewa al’umma da su yi amfani da damar su yun a yanzu.

wakilin mu Tijjani Adamu, ya rawaito cewa taron limaman ya samu halartar limaman masallatan kananan hukumomin Warawa da na Dawakin Kudu.

 

 

 

 

 

 

Continue Reading

Addini

Mun karbi korafe-korafe sama da dubu biyu a shekarar 2019 -Hisbah

Published

on

Hukumar Hisbah ta jihar Kano ta ce sashen lura da manyan laifuka na hukumar (ICD) ya karbi korafe-korafe har guda dubu biyu da dari hudu da sittin da biyu 2462 inda ta samu nasarar kammala dubu daya da dari biyar da arba’in da daya sauran kuma ta turasu zuwa inda ya dace.

Cikin wata sanarwa da hukumar Hisbah ta jihar Kano ta wallafa a shafinta na Facebook a ranar Lahadi ta bayyana cewa hukumar ta samu nasarar kwato zunzurutun kudade har sama da miliyan 76 na hakkokin jama’a, biyo bayan korafe-korafen da jama’a suka shigar a gabanta kan zargin tauye musu hakki.

Wanda hukumar Hisbar ta bibiya har aka samu karbo zunzurutun kudi har miliyan ashirin da shida da dubu dari biyar da arba’in da bakwai da dari bakwai da biyar N26,547,705.

Kazalika anyi yarjejiniya da wadanda akai korafi akansu kan zasu biya kudaden da ake binsu wanda ya kai har sama da naira miliyan talatin da tara N39,000,000, wanda izuwa yanzu tuni suka cigaba da kawo kudin lokaci zuwa lokaci ga hukumar Hisban kuma tana mikasu ga masu su.

Labarai masu alaka:

Baba Suda: Hisbah ta yanke hukuncin kan auren da aka daura ba tare da sanin iyaye ba

Hisbah ta yiwa wasu ‘yan “Good Evening” ritaya

Continue Reading

Addini

Kai tsaye: Ma’anar bikin Maukibi da akeyi yau a Kano

Published

on

Ku cigaba da bibiyar wannan shafi domin ana cigaba da sabinta shi.

(more…)

Continue Reading

Trending

error: Content is protected !!
en_USEnglish
en_USEnglish