Connect with us

Manyan Labarai

Zaman da majalisar dokokin Kano ta yi a yau laraba.

Published

on

Majalisar dokokin jihar Kano ta ce za ta yi iya bakin kokarinta wajen tabbatar da gyaran dokar kafa hukumar bunkasawa da Kuma samar da tallafi ga bangaren ilimi ta jihar Kano ta shekarar dubu biyu da goma sha Tara Wanda gwamnan Kano Dr Abdullahi Umar Ganduje ya aike mata.

Mataimakin shugaban majalisar dokokin jihar Kano Honarabul Hamisu Ibrahim Chidari ne ya bayyana haka yayin karanta wasikar da gwamnan Kano ya turowa majalisar game da gyaran kudirin dokar hukumar mai taken Kano state education development establishment support bill 2019.

Ya ce matukar aka amince da gyare-gyaren da aka yi ga hukumar aka Kuma amince da shi akan lokaci zai bai wa jihar Kano daman fara cin gajiyar tallafi kan harkokin ilimi daga kungiyoyin ba da tallafi kan harkar ilimi a duniya.

Wakiliyar mu ta majalisar dokokin jihar Kano Khadija Ishaq muhammad ta rawaito cewa, majalisar ta bukaci sanya batun gyaran dokar cikin ayyukan da za ta gudanar a zamanta na gaba.

A bangare guda kuma hukumomin gwamnati na cigaba da bayyana gaban kwamatocin zauren majalisar domin kare kasafin kudin su.

Inda Ma’aikatar kananan hukumomin ta jihar Kano ta gabatar da naira biliyan dari biyu da goma sha shida da miliyan sittin da biyu da dubu dari tara da saba’in da uku da dari daya da talatin da shida da Kwabo arbain da hudu a matsayin kunshin kasafin kudin kananan hukumomin jihar arbain da hudu.

Hakan ya biyo bayan karanta wata wasikar da ma’aikatar kananan hukumomi ta aikewa majalisar mai dauke da sa hannun kwamishinan ta Murtala Sule Garo wanda mataimakin shugaban majalisar Hamisu Ibrahim Chidari ya karanta da safiyar yau laraba.

Ta cikin wasikar ta bayyana cewar ma’aikatar kananan hukumomi tayi la’akari da bukatun al’umma, gabanin amincewa da kididdigar kudaden da ta ke muradin kashewa.

Daga nan ne majalisar ta baiwa kwamitocin ta mai kula da kasafin kudi da na kananan hukumomi wa’adin makwanni hudu suyi nazarin kunshin kasafin kafin su dawo da shi gabanta.

Manyan Labarai

Shekaru 16: Leeds United na daf da dawo wa gasar Firimiya

Published

on

A karo na farko tun cikin shekaru 16 kungiyar kwallon kafa ta Leeds United na yunkurin dawo wa gasar Firimiya bayan ragargazar Stoke City da ci 5-0.

Leeds United ta dai fada ajin ‘yan dagaji wato Championship a shekarar 2004 tun a lokacin ba ta sake haurowa ba kawo wannan lokacin sai a wannan karon take kokarin dawo wa gasar Firimiya.

Leeds United yanzu haka ta na jag aba a teburin ajin ‘yan dagaji da maki 81 a cikin wasanni 41 da ta yi inda kungiyar West Brom ke biye mata da maki 80 sai Brentford da maki 75.

Yanzu haka kungiyoyi uku ne a gasar ke hawo wa zuwa gasar Firimiya yayin daga uku a cikin na Firimiya kuma ke fadawa ajin ‘yan dagaji wato Championship.

Continue Reading

Labarai

An yankewa barawon wayar wutar lantarki hukunci

Published

on

Rundunar ‘yan sandan jihar Kano ta gurfanar da wani matashi Muhammad Sabi’u a kotun majistret mai lamba 18, da ke unguwar Zangero karkashin mai shari’a Muhammad Idris.

Matashin ya gurfana ne a kotun, kan zargin kama shi ya sanya tsani a wani gida da ke unguwar Badawa da tsakar dare ya na yankar wayar wutar lantarki ya na zubawa a cikin buhu.

Wakilin mu Yusuf Nadabo Isma’il ya rawaito cewar, kotun ta hori Muhammad Sabi’u da daurin watanni 6, ko kuma zabin tara na naira Dubu Talatin.

Continue Reading

Manyan Labarai

 La Liga: Real Betis ta nada Pellegrini a mtsayin kocin ta

Published

on

Kungiyar kwallon kafa ta Real Betis ta nada sabon mai horas da ita Manuel Pellegrini a matsayin kocin ta.

Pellegrini wanda ya taba rike kungiyoyin Mancheste City, Real Madrid, Malaga da kuma West Ham zai jagoranci kungiyar a har zuwa sabuwar kaka mai kamawa.

Manuel Pellegrini mai shekaru 66 dan kasar Chile ya rattaba kwantiragi har zuwa nan da watan Yuni na shekarar 2023.

Pellegrini wanda ya lashe gasar Firimiya a shekarar 2013-14 ya kuma lashe gasar EFL Cup a lokacin da ya yi shekaru uku da Manchester City.

Yanzu haka tuni ya maye gurbin Rubi, wanda a ka sallame shi a watan Yuni ranar 21 sakamakon kayi da ya sha a hannun Athletic Bilbao.

Continue Reading

Trending

error: Content is protected !!
en_USEnglish
en_USEnglish