Connect with us

Labarai

An haramtawa manoma amfani da bahaya a matsayin taki a Kano

Published

on

Karamar hukumar Ungogo ta haramta yin amfani da bahayar dan Adam a gonaki da lambuka a fadin karamar hukumar baki daya.

Hakan ya biyo bayan tura tawagar ma’aikatan lafiya da karamar hukumar ta yi karkashin jagorancin shugabar kula da lafiyar mahalli ta Ungogo, Hajiya Rabi Sani a yau Litinin, domin buncikar manoman yankin da suke amfani da bahayar mutum maimakon na dabbobi a gonaki da lambu.

Tawagar shugabar ma’aikatan, Hajiya Rabi ta ce” Karamar hukumar ta hana sarrafa bahayar dan Adam kuma zata rinka sayarwa masu aikin bahayar takin dabbobin da take samu daga mayankun karamar hukumar a farashi mai sauki maimakon yin amfani da Turoson al’umma a fadin gonaki da lambu a karamar hukumar”.

Shima wani mai sarrafa bahayar mai suna Sani Musa Katsinawa ya ce” A shirye suke su karbi sabon wannan tsarin domin su ma ba a son ransu suke sarrafa bahayar ba sakamkon hadarin dake ciki”.

Tun karshen shekarar bara ne dai Dala FM ta gano wasu mutane suna sarrafa bahayar ta hanyar busar da shi tun ya na danye sannan kuma sun rinka siyarwa manoma suna yin taki da shi, lamarin da masana suka bayyana cewar amfani da kashin zai haifar da cututtuka ga lafiya da muhalli a cikin al’umma.

Click to comment

You must be logged in to post a comment Login

Leave a Reply

Labarai

Sinadarin hada shayi ya haddasa asarar rayuka a Kano

Published

on

Tsohon daraktan ma’ikatan jinya a asibitin kwararru na Murtala Muhammad a jihar Kano, Yusuf Yakubu, ya ja hankalin al’umma da su kauracewa yin amfani da kayayyakin da wa’adin su ya kare wato dameji.

Jami’in lafiyar ya bayyana hakan ne, lokacin da ya ke tsokaci tare da bayyana alhinin sa a kan yadda ake zargin kananan ‘ya’yansa sun sha wani sinadarin hada shayi kalar makuba wanda ake amfani da shi a shayi yau da kullum.

Yusuf Yakubu, ya ce “Ta sanadiyar shan sinadarin suka rasa ransu wanda wa’adin amfani da shi yak are, kuma suna shan garin cikin su ya rinka kadawa su hudu a lokacin. Mun yi kokarin kai su asibiti biyu sun mutu daga cikin su”.

Wakilin mu Ibrahim Abdullahi Sorondinki ya rawaito mana cewa, masanin lafiyar ya kuma shawarci mahukunta da su kara kaimai wajen dakile samuwar irin wadannan kayayyaki a kasuwanni.

Continue Reading

Labarai

Rashin tsaro barayi sun takura mana a Ja’en –Kungiyar Zumunta

Published

on

Shugaban Kungiyar Zumunta da take a unguwar Ja’en cikin karamar hukumar Gwale a jihar Kano, Abubakar Muhammad, ya yi kira ga gwamnatin jihar Kano da ta shiga tsakanin ‘yan Bijilantin yankin, domin su dawo da aikin sintiri kamar yadda suka saba a baya.

Abubakar Muhammad ya yi kiran ne, a ya yin ganawarsa da gidan rediyon Dala.

Ya na mai cewa” Tun bayan da ‘yan Bijilantin yankin suka dakatar da aikin su a unguwar ta Ja’en mu ke fama da yawan sace-sace daga wasu bata gari ba tare da kakkautawa ba, sabida haka dole sai gwamnati ta shigo cikin lamarin mu. Kuma Kungiyarsu mu ta Zumunta ta yi iya bakin kokarin ta wajen ganin ‘yan Vijilanten sun dawo aikin su ka’in da na’in, amma basu samu nasarar hakan ba, saboda hakan ne ma mu ke bukatar gwamnatin Kano da Kwamishinan ‘yansandan jihar Kano da su kawo ma na dauki”.

Wakilin mu Hassan Mamuda Ya’u ya rawaito cewa, shugaban Kungiyar Abubakar Muhammad, ya kuma bukaci al’ummar garin na Ja’en, da su baiwa yan kungiyar Sintirin hadin kan da ya dace musamman ma idan suka dawo bakin aikin su a yankin domin kara karfafa mu su gwiwa.

Continue Reading

Labarai

Tsofaffi tukuf sun koma makarantar islamiyya a Kano

Published

on

Wasu iyaye tsofaffi ‘yan kimanin shekaru 70 zuwa 80 sun bayyana cewa da su yi yawo zuwa gidan makwabta ko kuma a cikin unguwanni sun gwammace su koma su koyi karatun al’kurani mai girma.

Tsofaffin sun tabbatar da hakan ne a yayin saukar karatu na makarantar Khalid Bin Walid, dake unguwar Ja’en Shago Tara a karamar hukumar Kumbotso a jihar Kano.

Guda daga cikin wata tsohuwa mai shekaru 70 da haihuwa mai suna Rabi Abdullahi, ta ce” Da na tafi ina yawo a unguwa yafi in koma makaranta na samu ilimi sabida ilimi shi ne rayuwar mutum har lahira, su kuma tsofaffi irina su koma makaranta domin samin rabo”.

Ita kuwa Zainab Adamu mai shekaru 60 ta ce” Da in rinka yawon shige da fice a unguwa yafi na koma makaranta sabida ba dadi yawo haka kawai ba ilimi”.

Maryam Alhassan mai shekaru 75 cewa ta yi” Yafi in rinka yin tilawa maimakon zama kai babu komai sabida yanzu haka zan iya karatun al’kurani da hadisi da kuma al’azkar”.

Hajara Sa’adu mai shekaru 80 ta ce” gashi har shaidar karatu aka bamu na girmamawa sabida mun koma makaranta ko daga nan ai mun ci riba”.

Shi kuwa shugaban makarantar, Mustapha Abba Abdulsalam ya ce” Wannan saukar ta zo da wani sabani sakamakon iyaye dattijawa sun mayar da kai wajan neman ilimin Al’kurani mai girma, kuma ina kira ga matasa su mayar dakai wajen neman ilimi”.

Wakiliyar mu Aisha Ibrahim Abdul ta rawaito cewa dalibai (38) ne suka yi sauka a makarantar ta Khalid Bin Walid, ciki kuwa akwai matan aure biyar da maza biyar tare da kuma samari maza da mata (28).

Continue Reading

Trending

error: Content is protected !!
en_USEnglish
en_USEnglish