Connect with us

Manyan Labarai

Sabuwar damfarar da ta fito a Kano

Published

on

Kwamandan ‘yan sinitir na Bigilante a karamar hukumar Birni, Idris Adamu Sharada, ya ja hankalin masu sana’ar sayar da Gawayi a karamar hukumar, da su yi taka tsantsan da wani sabon salon damfara da wadan su ba ta gari su ke yiwa masu sana’ar gawayin.

Idris Adamu Sharada ya yi jan hankalin ne, a lokacin da su ka samu nasarar kama daya daga cikin wadanda a ke zargi da irin wannan damfarar, ta hanyar zuwa da mota a loda musu gawayin da sunan za su sauke, su kuma dawo su kara sannan kuma su biya kudin gaba daya.

Ya kuma ce” Sun dade suna bibiyar mutanen sakamakon korafe-korafen da al’umma suke yi a kansu, inda a wannan lokacin suka samu nasarar kama daya daga cikin su. Mun samu rahoton cewa wanda a ke zargin ya karbi buhun Gawayin masu tarin yawa daga wurin mutane daban-daban”.

Wakilin mu Aminu Ahmad Abbas, ya rawaito cewa yanzu hakan  wanda ake zargin ya na hannun jami’an tsaro domin fadada buncike da kuma daukar mataki na gaba.

 

Manyan Labarai

Gwamnan Kano ya yi alƙawarin gyara titin garin Kundila da ke ƙaramar hukumar Shanono

Published

on

Gwamnatin jihar Kano ta yi alkawari gyara titin da ya taso daga babban titin karamar hukumar Shanono zuwa garin Kundila da ke karamar hukumar.

Gwamnan Kano Injiniya Abba Kabir Yusif, ne ya bayyana hakan yayin ta’aziyyar da ya kai na rasuwar ɗan majalisar dokokin jiha mai wakiltar ƙananan hukumomin Ɓagwai da Shanono Honorable Halilu Ibrahim Kundila.

Marigayin dai ya rasu ne a makon da ya gabata.

Gwamna Abba Kabir Yusif ya kuma bayyana kaɗuwar sa a lokacin da yaji rasuwar Marigayin, inda ya ce mutum ne mai gaskiya da rukon amana.

Wakilinmu na fadar gwamnatin jihar Kano Abba Haruna Idris ya rawaito cewa, Abba Kabir ya kuma ce gwamnatin Jihar Kano za ta dauki nauyin karatun iyalan mamacin daga inda suka tsaya har su kammala karatun nasu.

Continue Reading

Manyan Labarai

Fitacciyar Jarumar Kannywood Saratu Giɗaɗo (Daso) ta rasu

Published

on

Fitacciyar Jaruma a masana’antar shirya fina-finan Hausa ta Kannywood Saratu Gidaɗo wadda akafi sani da Daso, ta rasu a yau Talata.

Mijin ƙanwar marigayiya Daso, kuma mai baiwa gwamnan Kano shawara a kan harkokin tafiye-tafiye da shaƙatawa Mustapha Ibrahim Chidari, ne ya tabbatar wa wakilinmu Bashir Sharfaɗi rasuwar ta a ranar Talata.

Ya ce da Asubar yau tayi Sahur, ta koma Bacci, sai dai kuma zuwa wajen ƙarfe 10 na safe aka ga bata fito daga ɗakin ta ba, ko da aka shiga ɗakin ne aka tarar ta rasu.

Mustapha, ya ce za’a yi jana’izar ta da yammacin Talatar nan, da misalin ƙarfe 04:30 a gidanta dake Chiranchi cikin garin Kano.

Marigayiya Daso, guda ce daga cikin fitattun jarumai a masana’antar shirya fina-finan Hausa ta Kannywood, wadda ta shafe shekaru a masana’antar.

Continue Reading

Manyan Labarai

Doka za ta yi aiki akan duk masu tayar da hankalin al’umma yayin bikin Sallah – Ƴan Sandan Kano.

Published

on

Rundunar ƴan sandan jihar Kano ta ce ba za ta saurarawa ɓata garin da suka ce ba za’a zauna lafiya ba, a yayin bikin ƙaramar Sallah.

Kakakin rundunar ƴan sandan jihar Kano SP Abdullahi Haruna Kiyawa, ne ya bayyana hakan a zantawar sa da wakiliyar mu A’isha Shehu Kabara, ya ce duk wasu gungun mutane da suka ce zasu ɗaukko muggan makamai da zummar tayar da hankalin al’umma ko kuma illata mutane lashakka doka za tayi aiki a kan su.

“Duk wanda ya ce ba za’a zauna lafiya ba a yayin bikin ƙaramar Sallar mu kan mu ba zamu bar shi ya nutsu ba, za muyi duk abinda ya kamata na ganin cewa an kare irin waɗannan abubuwa, “in ji SP Kiyawa”.

Ya ƙara da cewa yanzu haka Kwamishinan ƴan sandan Kano CP Muhammad Usaini Gumel, ya riga ya bada umarnin baza jami’an tsaron ƴan sandan su, kuma ciki har da na farin kaya da kuma wadata su da kayan aiki, domin yin dukkan abinda ya kamata wajen ganin an tsare rayuka da dukiyoyin al’ummar jihar.

Rundunar ƴan sandan Kano, ta kuma shawarci masu ababen hawa da su kula yayin tuƙi a kan hanya da cikin unguwanni a yayin bikin ƙaramar Sallah, tare da kaucewa gudun ganganci, domin kaucewa afkuwar haɗura.

“Iyaye ku kula da ƴaƴan ku a yayin bikin sallar domin gujewa ɓatan su ko kuma faɗawa komar ɓata gari, a cewar sa”.

Wannan dai na zuwa ne yayin da ake sa ran gudanar da bikin ƙaramar Sallah, a ranar Laraba 10 ga watan Afrilu na shekarar 2024.

Continue Reading

Trending