Connect with us

Labarai

Aiki tare da al’umma ne jigon nasarar tsaro- AIG Ahmad Iliyasu

Published

on

Rundunar ‘yan sandan jihar Kano ta shiryawa tsohon Kwamishinan ‘Yansandan Kano liyafar bankwana a karshen makon da ya gabata a shelkwatar rundunar dake Bomfai a jihar Kano.

Kwamishinan ‘yansandan Kano Habu Ahmad Sani, ya bayyana cewar, “Bisa al’adar rundunar ta na shiryawa kowanne kwamishina makamancin taron da zarar ya samu sauyin wurin aiki domin kara bashi kwarin gwiwa.”  Inji CP Habu Sani

Habu Sani, ya kuma bayyana tsohon kwmishinan Ahmad Iliyasu wanda likafarsa ta daga zuwa mataimakin babban Sifeton ‘yansanda mai lura da shiya ta biyu dake jihar Lagos, a matsayin wanda ke bayar da muhimmiyar gudunmawa ta fannin tsaro.

Da yake nasa jawabin tsohon Kwamishinan ‘Yansandan, Ahmad Iliyasu, cewa yayi, “Aiki a tsakanin ‘yansada da jama’a shi ne jigon cimma nasarar samar da tsaro.”                                             

Wakilinmu Abba Isah Muhammad, ya ruwaito cewar, AIG Ahmad Iliyasu, ya kuma gargadi ‘yansanda wajen sanya gaskiya da tsoron Allah (S.W.T) yayin gudanar da aikin su na tsare rayuka da dukiyar al’umma.

Click to comment

You must be logged in to post a comment Login

Leave a Reply

Labarai

Zubda jini masufa ce a cikin al’umma –Malam Ibrahim Tofa

Published

on

Limamin masallacin juma’a na Masjudul Quba dake unguwar Tukuntawa a karamar hukumar Birnin Kano, Malam Ibrahim Abubakar Tofa, a hudubar sa ta yau ya bayyana irin mummunar illar da yawan kashe-kashen da a ke samu, ba karamar musifa ba ce a tsakankanin al’umma.

Malam Ibrahim Abubakar Tofa, a hudubar sa ta juma’a, ya ce” kashe ran mumini ba tare da hakkin shari’a ba, ya na daga cikin manyan-manyan laifuka wadanda suke jefa mutum cikin wutar jahannama tare da dauwama a cikinta, mafita ita ce al’umma su koma ga Allah ta hanyra kauracewa sabo da kuma yawaita tuba a wurin ubangiji, saboda kaji yau an fito cikin al’umma an harbe mutum ko an sa bam ko anyi garkuwa da kai an kuma kasha ka”. Inji Malam Ibrahim Tofa.

daga bisani limamin na masallacin juma’a na Masjudul Quba dake unguwar Tukuntawa, Malam Ibrahim Abubakar Tofa, ya kuma gargadi iyaye da su kara maida hankali wajen kulawa da tarbiyyar ‘ya’yan su ta hanayr basu ingantaccen ilimin addini dana zamani, tare da gargadin su wajen yin biyayya ga iyayen nasu.

Continue Reading

Labarai

Hukumar Shari’a ta nemi matasa su rinka jin rediyo

Published

on

Daraktan yada addinin musulunci na hukumar Shari’a ta jihar Kano, Malam Murtala Muhammad Adam, ya yi kira ga matasa da su rinka amfani da damar su wajen sauraron abun da za su amfana a bangaren rediyo.

Malam Murtala Muhammad Aadam na wannan batun ne a taron limamai da hukumar ke shiryawa kananan hukumomin jihar Kano wanda ya ci karo da ranar rediyo ta duniya.

Ya ce” Matasa da su rinka saurarar abun da zai amfane su, sakamakon dumbin alfanun da rediyo ke da ita, musamman ta bangarori da dama wajen jin karatun al’kurani,tafsiri,sira da dai sauran su”. Inji Murtala Muhammad.

Shi kuwa a nasa jawabin hakimin Sumaila, Alhaji Ibrahim Ado Bayero, ta bakin wakilin sa Alhaji Ali Isah, ya ce” Fadar Sumaila a shirye take domin karbar korafe-korafe a kan bangaren addinin musulunci a koda yaushe”. Inji Alhaji Ibrahim Ado Bayero.

Wakilin mu Tijjani Adamu ya rawaito cewa, taron wanda ya gudana a dakin taro na cibiyar addinin musulunci dake Sumaila, ya samu halartar limaman yankin kananan hukumomin, Takai, Albasu da kuma Sumaila.

Continue Reading

Labarai

Rashin aikin yi ke kawo yawaitar ta’addanci- Dakta Sani Malumfashi                                 

Published

on

Wani Masanin zamantakewar Dan’adam dake jami’ar Bayero a jihar Kano, Dakta Sani Lawan Malumfashi, ya bayyana rashin aikin yi da Talauci a tsakanin al’umma, a matsayin abinda ke haifar da garkuwa da mutane da sauran laifukan fashi da makami.

Dakta Malunfashi, ya bayyana hakan ne yayin ganawarsa da gidan rediyon Dala, a yau Litinin.

Yana mai cewa, “Samar da ayyukan yi ga matasa da kuma tallafa musu da jari zai taimaka matuka wajen rage yawaitar garkuwa da mutane da ake samu a jihar Kano.”

Anasa jawabin Kaftin Abdullahi Bakoji, mai ritaya ya ce, “Akwai banbanci a bangaren jihar Katsina, wanda rashin adalci ne ke kawo yawaitar garkuwa da mutanen a jihar.”

Kaftin Abdullahi Bakoji mai ritaya, ya kuma yi kira ga al’umma da su marawa jami’an tsaro baya don ganin an kori dabi’ar garkuwa da mutane a  fadin Nijeriya.

Continue Reading

Trending

error: Content is protected !!
en_USEnglish
en_USEnglish