Connect with us

Manyan Labarai

Wasu matasa sun fada tarkon NDLEA

Published

on

Hukumar Hana she da safarar miyagun Kwayoyi ta Kasa NDLEA ta tabbatar da kama wani mutum mai suna, Emanual Okasia, da a ke zargin yana safarar tabar wiwi daga kudancin Nijeriya zuwa jihar Kano da kuma wani mai suna Anas Wada Adamu, da ya fake da sana’ar wasan Sunuka ya na sayarda tabar wiwi a karamar hukumar Kura.

Kwamandan hukumar a jihar Kano Dakta Ibrahin Abdul, ya bayyana hakan lokacin da yake zantawa da gidan rediyo Dala Fm da safiyar Laraba a shelkwatar hukumar dake kantitin zuwa filin jirgin sama na Malam Aminu Kano.

Ibrahim Abdul, ya kuma kara da cewar” Hukumar ta tashi tsaye wajen kawo karshen masu safarar miyagun kwayoyi, kuma za mu gurfanar da wadanda muka kama a gaban kotu domin yanke musu hukunci da zarar sun kammala bincike”.

Da yake zantawa da wakilin mu Abba Isah Muhammad, Emanual Okasia, ya tabbatar da cewar” Hukumar ta kamani da buhun tabar wiwi fiye da buhu ashirin wanda na yi safarar ta zuwa Kano”.

Shima Anas Wada Adam, da ake zargin ya na fakewa da Sana’ar wasan buga Sunuka, yana sayar da tabar wiwin, ya ce” Cesarean abokin na ne ya bani tabar domin na siyar na gyara wurin sana’a ta”.

Wakilin mu Abba Isah Muhammad, ya ruwaito cewar kwamandan hukumar ta NDLEA, Dakta Ibrahim Abdul, na yabawa masu bawa hukumar bayanan sirri wanda hakan ke taimakawa kokarin hukumar.

 

 

 

Labarai

Rahoto: Harbi 6 mu ka yi wa Kadar kafin mu kama ta – Baushe

Published

on

Wasu mafarauta mutum biyu sun yi nasarar kama katuwar Kada a wani kududdufi da ke unguwar Jakada, Dorayi babba a karamar hukumar Gwale.

Baushe Liti daya daga cikin wadanda suka kama Kadar ya bayyanawa wakilin mu Tijjani Adamu cewar, sun dauki lokaci suna harbin katuwar Kadar kafin daga bisani su ci nasarar kama ta.

Domin jin cikakken rahoton saurari wannan.

 

Continue Reading

Labarai

#SecureNorth: Mun gaji da salon mulkin Buhari – ‘Yan Najeriya

Published

on

Ƴan Najeriya sun fara kosawa da salon mulkin gwamnatin kasar da suka ce ta yi biris da sha’anin tsaro.

Wannan na zuwa ne yayinda al’amauran tsaro a arewacin kasar ke kara tabarbarewa, a dai-dai lokacin da alhinin mutuwar manoma 43 da ake zargin mayakan Boko Haram ne suka yi musu yankan rago a jihar Borno.

Al’ummar kasar dai na ganin munin matalsar tsaro na kara ci musu tuwo a kwarya, lamarin da ya sanya da dama daga cikin al’ummar kasar suka fusata, inda suke bayyana ra’ayoyinsu a kafafen sada zumunta.

Abinda kuma ke yawo a kafafenn sada zumunta baya ga batun sai Buharin ya sauka daga mulkin kasar, shine batun a sallami hafsoshin tsaro, akan abinda ‘yan Najeriya ke cewa sun gaza magance matsalar tsaro da ke kara kamari musamman, a arewacin kasar.

Haka zalika al’ummar Najeriya sun ce shugaban ya gaza cika musu alkawuran da ya dauka a lokacin da yake neman kujerar shugabancin kasar, a yayinda tsadar rayuwa ke ci musu tuwo a kwarya.

Yanzu haka dai hankulan mazauna arewa maso yamma da ke fama da matsalar fashi da makami da kuma garkuwa da mutane a tashe yake, yayinda mazauna yankin arewa maso gabashin kasar ke cikin tashin hankali.

Tun bayan yankan ragon da aka yiwa manoma a kauyen Zabarmari na jihar Borno ne, hankulan jama’a ya kara karkata, yayinda ake ganin mazauna arewacin kasar na cikin tashin hankali, sakamakon tabarbarewar tsaro.

Rundunar sojin Najeriya ta ce har yanzu ana neman wasu daga cikin mutanen da harin ya rutsa da su, yayin da wasu ƴan ƙasar ke ganin ko shugaba Muhammadu Buhari ya tashi tsaye wajen magance matsalar tsaron ko kuma ya sauka daga mulki.

Me ke faruwa a Arewa maso Yamma?

Wani rahoto da Majalisar Dinkin Duniya ta fitar ya ce manoma 110 ne aka kashe a Zabarmari na jihar Borno, ba 43 ba kamar yadda hukumomin tsaron kasar suka ce.

Majalisar ta bayyana wannan harin a matsayin abu mafi muni da aka yiwa fararen hula, cikin shekarar 2020 a duniya.

A dai-dai lokacin da ake zaman makokin mutuwar manoman ne, kuma rikici ya balle a jihar Kaduna da ke Arewa maso Yammacin Najeriya, inda rahotanni suka tabbatar da mutuwar mutum bakwai, sai kananan yara da suka tsere bayan da wasu na daban suka jikkata.

Bayan kwana guda da barkewar rikicin ne, wasu ‘yan bindiga suka tare hanyar Zaria zuwa garin Kaduna, inda suka jikkata mutane, ko da yake kawo yanzu ba a tabbatar da mutuwar ko da mutum guda ba.

Continue Reading

Labarai

Rundunar sojin Najeriya ta karyata rahoton Majalisar Dinkin Duniya kan kisan manoma a Borno

Published

on

Rundunar sojin Najeriya ta nanata cewa manoma 43 aka kashe, ba 110 da Majalisar Dinkin Duniya ta ce an kashe.

Mai Magana da yawun rundunar, John Enenche a wata hira da ya yi da gidan talibijin na Channels, ya ce har yanzu suna tattara bayanai kan mutanen da harin ya shafa domin tabbatar da adadin wadanda suka mutu.

Sai dai rundunar ta ce abinda yake kara ta’azzara batun matsalar tsaro shine, yadda mazauna yankunan da ke fama da tashe-tashen hankula ba sa kai rahoto ga sojoji da sauran hukumomin tsaro kan halin da suke ciki.

“Mutane da dama basa kawo mana rahoton abinda ke addabar su kan sha’anin tsaro, kuma ba dole bane ka tilastawa mutane su sanar maka abinda ke faruwa.” In ji shi

Ko da yake John Enenche ya ki bayyana yanda rundunar sojin ke tattara bayanata akan wuraren da fama da yake-yake a arewacin Najeriya.

Continue Reading

Trending

error: Content is protected !!