Connect with us

Manyan Labarai

Wasu matasa sun fada tarkon NDLEA

Published

on

Hukumar Hana she da safarar miyagun Kwayoyi ta Kasa NDLEA ta tabbatar da kama wani mutum mai suna, Emanual Okasia, da a ke zargin yana safarar tabar wiwi daga kudancin Nijeriya zuwa jihar Kano da kuma wani mai suna Anas Wada Adamu, da ya fake da sana’ar wasan Sunuka ya na sayarda tabar wiwi a karamar hukumar Kura.

Kwamandan hukumar a jihar Kano Dakta Ibrahin Abdul, ya bayyana hakan lokacin da yake zantawa da gidan rediyo Dala Fm da safiyar Laraba a shelkwatar hukumar dake kantitin zuwa filin jirgin sama na Malam Aminu Kano.

Ibrahim Abdul, ya kuma kara da cewar” Hukumar ta tashi tsaye wajen kawo karshen masu safarar miyagun kwayoyi, kuma za mu gurfanar da wadanda muka kama a gaban kotu domin yanke musu hukunci da zarar sun kammala bincike”.

Da yake zantawa da wakilin mu Abba Isah Muhammad, Emanual Okasia, ya tabbatar da cewar” Hukumar ta kamani da buhun tabar wiwi fiye da buhu ashirin wanda na yi safarar ta zuwa Kano”.

Shima Anas Wada Adam, da ake zargin ya na fakewa da Sana’ar wasan buga Sunuka, yana sayar da tabar wiwin, ya ce” Cesarean abokin na ne ya bani tabar domin na siyar na gyara wurin sana’a ta”.

Wakilin mu Abba Isah Muhammad, ya ruwaito cewar kwamandan hukumar ta NDLEA, Dakta Ibrahim Abdul, na yabawa masu bawa hukumar bayanan sirri wanda hakan ke taimakawa kokarin hukumar.

 

 

 

Click to comment

You must be logged in to post a comment Login

Leave a Reply

Manyan Labarai

Karin ‘yan sanda zai kara inganta tsaro- SP Gambo

Published

on

Rundunar ‘yan sanda jihar Katsina karkashin Kwamishinan ‘yan sandan jihar Sanusi Buba, ta bayyana cewar, ta na samun nasarar ayyukanta ne sakamakon hadin kan da PCRC, wato Kwamitin fararen hula masu aiki da ‘yan sanda ya ke basu.

Kakakin Rundunar, SP Gambo Isah ne ya bayyana hakan, jim kadan bayan kammala wani taro da Kwamitin a yammacin Juma’ar nan.

Ya kuma ce, “Babban Sifeton ‘yan sandan Kasar nan, ya umarci Kwamishinonin ‘yan sanda da su kara daukar matasa aikin dan sandan sarauniya, domin kara inganta harkar tsaro.” Inji SP Gambo.

Ya kara da cewa, ‘Kowane garin Dagaci, za a dauki matasa 50 kuma za su yi aiki tare da ‘yan sandan kafada da kafada.”

A nasa bangaren, shugaban Kwamitin ya yabawa rundunar musamman ‘yan sanda da su ke kokarin yaki da masu garkuwa da mutane da sauran bata gari.

Wakilinmu Yusuf Nadabo Isma’il dake ziyarar aiki a jihar ya rawaito cewar, da zarar karfe 7 na dare ya yi Babura masu kafa biyu na takaita zirga-zirga a jahar.

Continue Reading

Manyan Labarai

KAROTA: An baiwa Baffa Babba wa’adin kwanaki bakwai

Published

on

Wani Lauya mai zaman kansa Barista Rabi’u Sa’id Rijiyar Lemo ya baiwa shugaban hukumar Karota wa’adin kwanaki bakwai da ya janye umarnin da ya baiwa ‘yan kasuwar Waya ta Farm Center cewar su ta shi su koma Dangoro nan da kwanaki casa’in.

Barista Rab’iu Rjiyar Lemo, ya bayyana hakan ne a yayin da yake ganawa da gidan rediyon a juma’ar nan, ya na mai cewa” Hukumar Karota ba ta da hurumi na tashin ‘yan kasuwar, gwamna ne kawai ko hukumar kasa da kuma hukumar tsara burane suke da ikon yin hakan, matukar bai janye ba zamu kara yin karar sa a kotu nan da kwanaki bakwai”. Inji Barista Sa’id.

A baya dai ya shigar da shugaban hukumar ta Karota Baffa Babba Dan Agundi da gwamnan Kano da kuma Kwamishinan shari’a a gaban kotu dangane da nada Baffan cewa ba bias ka’ida a ka nada Baffan, inda goma ga watan gobe za a ci gaba da sauraron karar.

Continue Reading

Manyan Labarai

Zabe: An jefa kuri’a a kan budurwa domin zabar miji

Published

on

Wasu samari biyu sun jefa kuri’ar zabe kato bayan kato, bayan tsawon kwanaki uku ana yin kamfen, akan son wata bakar budurwa, ‘yar Bauchi dake garin Giyade, Hajara Muhammad.

Samarin, Yunusa Muhammad da Ibrahim Adamu, sun kamu ne da kaunar budurwar, wadda itama ta kamu da kaunar tasu, ta kuma umarce su da suje su kada kuri’ar zabe.

Bayan da aka sanar da Dattawan garin, sai aka kuma bude kofar kamfen tsawon kwanaki uku, wanda aka yi zaben karkashin kulawar jami’an tsaron garin, inda itama budurwar ta kai ziyarar gani da ido filin zaben.

Bayan kammala zaben, Yunusa Muhammad, shi ne ya yi nasara, an kuma ba shi tikiti, sakamakon lashe zaben da ya yi, sai dai amma shi wanda bai samu nasara ba, Ibrahim Adamu ya ce, “Bai yarda da zaben ba, tun da dai dama a kofar gidan abokin karawar ta wa a ka yi zaben, domin haka ya zama Inconclusive.”  Inji Ibrahim.

Sai dai bamu samu zantawa da ango mai nasara Yunusa Muhammad ba, amma Aminsa Tajuddin Umar ya bayyana cewa, “Wanda ya fadin, ya rage nasa mu dai mun riga mun yi nasara, har ma mun fara shirye-shiryen fati.”  A cewar aminin ango

Shima Sakataren zaben, Ibrahim Taldo Giyade, ya ce, “Tsakani da Allah mu kai zaben mu, domin dai har da jami’an tsaro ma a wajen, amma dai wanda ya fadin, mun ba shi wa’adin mako guda ya daukaka kara wurin mahukunta.”

Itama amaryar Hajara Muhammad, ta ce, “Koda dai nima ya sanar da ni bai gamsuba, amma dai a wurina zaben ya kammala, saura kuma sai abun da hukumar zaben ta aiwatar.”

Malam Aminu Kidir limamin masallacin Usman Bin Affan dake Kuntau karamar hukumar Gwale, ya yi bayanin matsayin irin wannan aure da  samarin suka yi zasu zaben kuri’a a mahangar addinin musulinci da cewa, “Musulunci ya haramta nema cikin nema, domin haka ba ya halatta wani na neman aure wani kuma ya shigo, sai in wancan ya yi ikirarin ya janye, kuma wannan zaben da suka yi a kan budurwa babu aibu a kansa ko auren a ka yi ya yi, abun da a ke bukata kenan, yayin da samari suka hadu a kan budurwa to su yi kuri’a domin a fitar da mutum daya kwakkwara.” Inji Malam Kidir

Continue Reading

Trending

error: Content is protected !!
en_USEnglish
en_USEnglish