Connect with us

Labarai

Zubda jini masufa ce a cikin al’umma –Malam Ibrahim Tofa

Published

on

Limamin masallacin juma’a na Masjudul Quba dake unguwar Tukuntawa a karamar hukumar Birnin Kano, Malam Ibrahim Abubakar Tofa, a hudubar sa ta yau ya bayyana irin mummunar illar da yawan kashe-kashen da a ke samu, ba karamar musifa ba ce a tsakankanin al’umma.

Malam Ibrahim Abubakar Tofa, a hudubar sa ta juma’a, ya ce” kashe ran mumini ba tare da hakkin shari’a ba, ya na daga cikin manyan-manyan laifuka wadanda suke jefa mutum cikin wutar jahannama tare da dauwama a cikinta, mafita ita ce al’umma su koma ga Allah ta hanyra kauracewa sabo da kuma yawaita tuba a wurin ubangiji, saboda kaji yau an fito cikin al’umma an harbe mutum ko an sa bam ko anyi garkuwa da kai an kuma kasha ka”. Inji Malam Ibrahim Tofa.

daga bisani limamin na masallacin juma’a na Masjudul Quba dake unguwar Tukuntawa, Malam Ibrahim Abubakar Tofa, ya kuma gargadi iyaye da su kara maida hankali wajen kulawa da tarbiyyar ‘ya’yan su ta hanayr basu ingantaccen ilimin addini dana zamani, tare da gargadin su wajen yin biyayya ga iyayen nasu.

Ilimi

Yara su dage da karatun addini a Kano – Sarkin Kano

Published

on

Mai martaba sarkin Kano, Alhaji Aminu Ado Bayero, ya gargaɗi daliban makarantun Islamiyya da su ƙara ƙaimi wajen neman ilmin addinin musulunci, domin rabauta da rahmar Allah (S.W.T) a nan duniya dama ranar gobe ƙiyama.

Alhaji Aminu Ado ya bayyana hakan ne a yayin saukar karatun Alkur’ani mai girma, da makarantar Madarasatul Ta’alimul Kur’an Waddarasatul Qur’an ta gudanar a unguwar Sheka daura da Tudun Maliki dake yankin ƙaramar hukumar Kumbotso a jihar Kano.

Ya na mai cewa,”Matuƙar ƴara suka tashi tsaye wajen neman ilimin addinin musulunci da na zamani, babu shakka za a samu raguwar lalacewar tarbiyyar su da a kan samu a wannan zamani”. A cewar Sarkin Kano.

Da yake nasa jawabin shugaban makarantar Mallam Muhammad Nura Idris, miƙa godiyar shi ya yi ga dukkanin ilahirin al’ummar da suka halarci saukar karatun Alkur’anin mai girma, musamman ma Sarkin Kano Alhaji Ado Bayero.

Ita ma ɗaya daga cikin tsofaffin Ɗaliban makarantar, kuma shugabar sashin addinin musulunci ta gidan rediyon Dala FM Kano, Malama Hadiza Balanti, ta yabawa malaman makarantar tare kuma da kira ga ɗaliban da su ka yi saukar da su ƙara himmatuwa wajen kulawa da karatun su.

Wakilin mu Hassan Mamuda Ya’unya rawaito cewa, kimanin Ɗalibai 26 ne su ka yi Saukar Karatun Alkur’anin mai girma.

Continue Reading

Labarai

Dakile yaduwar Corona: BUK za ta rinka yin wasu darussa a shafin internet

Published

on

Jami’ar Bayero ta ce, za ta mayar da daukar darasin nan na General Studies Program wato GSP ta hanyar yanar gizo domin daukar matakin kare dalibai daga yaduwar cutar Corona.

Shugaban jami’ar Farfesa Sagir Adamu ya bayyana hakan ne a ranar Juma’a yayin da Gwamnan Kano ya kira shugabannin manyan makarantu domin sanar da su dawowar Corona karo na biyu da yadda za su Kare kan su da daliban su.

Ya ce, “Tun Kafin ma a koma makarantar jami’ar ta sayi dukkanin kayakin kariyar cutar domin Kare kan su da daliban su”. A cewar Farfesa Sagir Adamu.

Da yake jawabi gwamna Dr Abdullahi Umar Ganduje ya jinjina musu bisa ga yadda suke bada gudunmawar yaki da Corona.

Wakiliyar mu Zahrau Nasir ta rawaito cewa, gwamna Ganduje ya Kuma baiwa dukkan shugabannin manyan makarantun safar baki da hanci guda dubu dari su rabawa a makarantun domin Kare yaduwar Corona.

Continue Reading

Labarai

Corona: An dage zaman majalisar dokoki a Kano

Published

on

Majalisar dokokin jihar Kano ta dage zaman majalisar da ta y niyar komawa a ranar Litinin 25-01-201, sakamakon matakin da gwamnatin jihar Kano ta dauka na dakile yaduwar cutar Corona.

Shugaban Majalisar, Injiniya Hamisu Ibrahim Chidar ne ya tabbatar da hakan a wata ganawa da ya yi da manema labarai wanda daraktan yada labaran majalisar Uba Abdullahi ya sanyawa hannu.

Injiniya Hamisu Chidari ya kuma bukaci dimbin jama’ar Jihar Kano da su tabbatar da sun bi ka’idodin da jami’an lafiya ke bayarwa, na yawaita wanke hannu tare da bayar da tazara a tsakanin mutane yayin mu’amala da juna tare da saka takunkumi domin samun kariya da zaman lafiya.

Ya kuma ce”Akwai bukatar alumma su rinka tuntubar lambobin Jami’an lafiya a kai-akai domin tabbatar da lafiyar su da ta iyalan su. Dage wannan zama ya biyo bayan kokarin majalisar na tallafawa Gwamnatin Jihar Kano wajen yaki da wannan annoba ta cutar Corona. Kuma mu na godewa Gwamna Dr Abdullahi Umar Ganduje bisa jajircewar shi wajen yaki da wannan annoba domin ceto rayukan alumma tare da tabbatar da lafiyar alummar Jihar nan”. Inji Chidari.

 

Continue Reading

Trending

error: Content is protected !!