Connect with us

Labarai

‘Yan sanda sun horas da matasa a kan labaran karya

Published

on

Rundunar ‘yan sanda jihar Kano da hadin gwiwar gidauniyar inganta ayyukan jami’an tsaro NPP sun gabatar da wani taron yini guda don bayar da horo ga matasa ‘yan jihar Kano masu fada aji a kafafan sada zumunta.

Taron wanda aka gabatar ajiya Laraba a birnin Kano, ya samu halartar masu amfani da kafafan sada zumunta daga bangarorin siyasa daban-daban da bangarorin addini na jihar Kano da sauran matasa masu amfani da shafukan.

Daga cikin wadanda suka gabatar da takarda a yayin taron sun hadar da Malam Ali Isah, wanda yayi bayani kan kafafan sada zumunta.

Sai kuma Basheer Sharfadi na nan Dala Fm wanda ya gabatar da takarda kan labaran karya da kalaman batanci a kafafan sada zumunta da hanyoyin magance su.

Daga bangaren jami’an Rundunar ‘yan sanda kuwa ASP, Yusuf Isah ya gabatar da makala kan gudummuwar da ake tsammanin ‘yan social media zasu gudanar ta jami’an tsaro wajen tabbatar da zaman lafiya.

Sai ASP. Adamu M. Muhammad da ya gabatar da takardar sa akan irin abubuwan da ka iya zamowa laifi a kafafan na sada zumunta.

 

Labarai

Zamu baza jami’an mu a lungu da saƙo dan kawar da masu ƙwacen Waya a lokacin Sallah – Rundunar tsaro ta KOSSAP

Published

on

Rundunar tsaro mai yaƙi da ɓata gari masu ƙwacen waya, da magance matsalar faɗan Daba, da shaye-shaye, ta Aunty Phone Snaching da ke nan Kano, ta ce jami’an ta za su shiga lungu da saƙo na cikin birnin Kano, a wani ɓangare na magance matsalar tsaro yayin bikin babbar Sallah.

Kwamandan rundunar ta KOSSAP, a nan Kano, Inuwa Salisu Sharaɗa, shine ya bayyana hakan yayin zantawar sa da manema labarai, ya kuma ce kasancewar an hana hawan Sallah a jihar nan, ɓata gari za su iya amfanin da hakan domin su shiga cikin unguwanni domin ƙwacen wayoyin mutane da kuma aikata laifuka, a dan haka ne suka baza jami’an su domin samar da tsaro.

“Matasa ku rungumi zaman lafiya a yayin, da lokacin, da kuma bayan bikin babbar Sallah, domin duk wanda muka kama da aikata wani laifi da zarar mun kammala bincike zamu gurfanar da shi a gaban Kotun tafi da gidan ka da gwamnatin Kano, ta tanadar mana, “in ji Inuwa”.

Inuwa Salisu Sharaɗa, ya kuma shawarci iyaye da su ƙara kulawa da shige da ficen ƴaƴan su, domin gujewa faɗawar su cikin halin da bai kamata ba.

Continue Reading

Labarai

Zamu baza jami’an mu 2,500 domin samar da tsaro lokacin bikin babbar Sallah, a Kano – Bijilante

Published

on

Ƙungiyar sintirin Bijilante ta ƙasa reshen jihar Kano ƙarƙashin kwamandan ta Ubale Barau Muhammad Badawa, ta ce za ta baza jami’an ta aƙalla su 2,500, domin taimakawa wajen samar da tsaro s sassan jihar yayin gudanar da bikin babbar Sallah.

Mai magana da yawun ƙingiyar Bijilanten a matakin jaha, kuma kwamandan ta na ƙaramar hukumar Fagge Usman Muhammad Ɗa -Daji, shine ya bayyana hakan ta cikin wani saƙon murya da ya aikowa gidan rediyon Dala FM Kano, a daren jiya Juma’a.

Ɗan Daji, ya kuma ce jami’an su za su yi duk mai yiyuwa wajen samar da tsaro ga al’ummar jihar Kano, domin ganin an gudanar da bikin babbar sallar cikin kwanciyar hankali da lumana.

“Mutane ku fito masallatai domin gudanar da sallar Idi, da yardar Allah, babu wata matsalar tsaro da za’a fuskanta a faɗin jihar Kano, musamman ma a lokacin sallar jami’an mu za suyi duk abinda ya kamata wajen samar da tsaro, “in ji Ɗan-Daji”.

Daga bisani kuma ƙungiyar Bijilanten ta ƙasa reshen jihar Kano, ta buƙaci haɗin kan al’umma dan ganin komai ya tafi yadda ya kamata.

A gobe Lahadi 15 ga watan Yunin 2024, ne dai za ayi Idin babbar Sallar a faɗin Duniya, yayin da Alhazai a ƙasa mai tsarki suke gudanar da tsayuwar Arafah a yau Addabar, a ci gaba da gudanar da aikin Hajjin bana.

Continue Reading

Labarai

Zamu baza jami’an mu 3,168, domin samar da tsaro a bikin babbar Sallah a Kano – Civil Defense

Published

on

Rundunar tsaro ta Civil Defence da ke nan Kano, ta ce za ta baza jami’anta akalla su dubu 3,168, da za suyi haɗin gwiwa da sauran jami’an tsaro a jihar nan, domin samar da tsaro a yayin, da lokacin, da kuma bayan bikin babbar Sallah, da ke kara gabatowa.

Kwamandan rundunar Civil Defence din jihar nan Kano Muhammed Lawal Falala, ne ya bayyana hakan ta cikin wata sanarwa da rundunar ta fitar a yammacin yau Juma’a 14 ga watan Yunin 2024.

Sanarwar ta kuma ce, rundunar za tayi hadin gwiwa da jami’an tsaron ‘yan sanda, da na farin kaya DSS, da kuma na Karota, da na hukumar kiyaye afkuwar haɗura Road Safety, da sauransu, domin tabbatar da tsaro a fadin jihar Kano.

Da yake yiwa gidan rediyon Dala FM Kano, karin bayani mai magana da yawun rundunar tsaron SC Ibrahim Idris Abdullahi, ya ce rundunar su na bukatar hadin kan al’umma domin ganin an gudanar da bukukuwan sallar cikin lumana da kwanciyar hankali.

Wannan dai na zuwa ne yayin da ya rage kwanaki biyu a gudanar da bikin
babbar Sallah, wanda za’ayi tsayuwar Arafa a gobe Asabar 15 ga watan Yunin 2024.

Continue Reading

Trending