Connect with us

Labarai

Mustapha Jarfa ya kasa cika sharudan kotu

Published

on

Tun ranar Alhamis din nan ce, kotun majistrate mai lamba 47 dake zaman ta a unguwar Gyadi Gyadi a Kano ta sanya dan siyasa, Mustafa Jarfa a hannun beli, bisa wasu sharuda cewa, sai ya kawo mai mataki na 14 a aikin gwamnati ko a karamar hukuma ko jiha koma a tarayyar kasar Nijeriya, da kuma mutumin da ya biya haraji na shekara biyar sharadi na uku shi ne ba zai yi magana a wata kafar sadarwa ba, har sai an gama shari’ar, Idan kuma ya tesrewa kotu wadanda suka tsaya masa za su biya Naira dubu dari bibiyu kowannan su..

To sai dai kasancewar bai cika sharudan ba, an kuma kama shi tare da kai shi gidan ajiya da gyaran hali, inda a ka damka shi a hannun jami’in gidan, Babangida Sani da masu taimaka masa Nasir Ado da Mubarak Sani Karkarna.

Baki shi ke yanka wuya inji masu iya Magana, domin kuwa tun da fari a na zargin Mustapha Jarfa da ta da hargitsi a cikin al’umma da barazana ga rayuwar mataimakin gwamnan, Kano Nasir Yusuf Gawuna da kuma bata masa suna, wanda kuma tun a baya ya musanta zarge-zargen.

A cikin tuhumar da a ke yi masa a baya akwai zagi da cin mutumcin mataimakin gwamnan na Kano, ya kuma amsa laifin inda waccan kotun majistrate mai lamba 34 ta yi masa hukuncin daurin shekara guda a gidan ajiya da gyaran hali ba kuma tare da zabin biyan tara ba.

A baya dai an gurfanar da shi ne a gaban kotun majistrate, mai lamba 34, dake zaman ta a Rijiyar zaki, inda yanzu kuma a ka canja masa kotun, kamar yadda wakilin mu Abubakar sabo ya rawaito.

Labarai

Ganduje ya bayar da umarnin rufe makarantun gaba da Sakandire Uku

Published

on

Gwamnan Kano Dr. Abdullahi Umar Ganduje ya bayar da umarnin rufe wasu cikin makarantun gaba da Sakandiren jihar nan take.

Hakan na cikin wata sanarwa da Kwamishiniyar ilimi mai zurfi ta jiha Dr. Mariya Mahmud Bunkure ta fitar.

Makarantun da aka rufe sun haɗar da, Kwalejin share fagen shiga jami’a ta Rabi’u Musa Kwankwaso da ke Tudunwada.

Sai kuma Kwalejin nazarin tsaftar muhalli da ke garin Gwarzo, da kuma ta fasahar bunƙasa sana’o’in dogaro da ke garin Rano.

Rufewar ta kuma shafi Kwalejin nazarin harkokin noma da ke garin Ɗanbatta.

Ta cikin sanarwar Kwamishiniyar ta ce, an ɗauki wannan mataki ne sakamakon shawarwarin da aka bai wa Gwamnati, ɗalibai su gaggauta koma wa zuwa gida nan take.

Idan hali ya yi, Kwamishiniyar ta ce, za a sanar da ranar ci gaba da karatun.

Continue Reading

Labarai

Rahoto: Mu kula da harshe domin guje wa illar sa – Limamin Kuntau

Published

on



Limamin masallacin Juma’a na Ashabul Kahfi dake unguwar Kuntau Malam Munzali Bala Koki ya ce, al’umma su rinka kiyaye lafuzan su domin duk abinda mutum ya fada za a yi masa hisabi akan sa.


Malam Munzali ya bayyana hakan ne a hudubar Juma’a da ya gabatar a masallacin Ashabul Kahfi.
Ya na mai cewa, mu rinka kiyaye harshen mu domin kaucewa furta zai kai mu ga yin danasan, idan kuma bakin k aba zai fadi alheri ba to yayi shiru shi ne yafi.


Saurari wannan domin jin cikakken rahoton.

Continue Reading

Labarai

Rahoto: Mawadata sai sun rinka tallafawa mabukata – Limamin Sani Mainagge

Published

on

Limamin masallacin Juma’a na Jami’u Amiril Jaishi dake unguwar Sani Mainagge Mukhtar Abdulkadir Dandago ya yi kira ga madata da su rinka taimakawa wadanda ke da bukata ta hanyar ciyarwa da zakka domin samun dacewa da rahmar ubangiji.


Malam ya bayyana hakan ne yayin hudubar Juma’a da ya gabatar a masallacin Juma’a na Jami’u Amiril Jaishi.


Domin jin cikakken rahoton saurari wannan.

Continue Reading

Trending

error: Content is protected !!