Connect with us

Labarai

Auren dan Panshekara da ba Amurkiya ya samu cikas

Published

on

Auren wanda ya samu tsaiko sakamakon wahalar da bisar shiga kasar Amurka ta yi wuya sakamakon kasar Amurka ta dakatar da bisar ta ga ‘yan Nijeriya har sai nan da wani lokaci.

Mahaifin mai jiran angwancewa, Malam Suleiman Isa, shi ne ya tabbatar da hakan ta wayar tarho da jaridar Daily trust, cewa yanzu haka matar da zai aura mai suna Jeanine Sanchez, ta na kokarin samo takardun izinin shiga kasar, amma da zarar ta samo za mu sanar da ranar da za a daura auren.

Matashi mai shirin zama ango a wannan watan na Maris, Isa Sulaiman, wanda ya ke aji na biyu mai karantar ilimin Geography a jami’ar Yusuf Maitama Sule, yanzu haka ya na nan ya na dakon ranar da za a saka auren su da ba Amurkiya, Jeanine Sanchez, sabuwar amaryar da zai aura.

A dai watan Janairun shekarar nan ne matashin mai shekaru 26 ya hadu da sahibar sa abar kaunar sa mai shekaru 46 ‘yar asalin kasar Amurka ta hanyar shafin Instgram wadda ta yi tattaki daga kasar Amurka ta kuma zo garin Panshekara dake karamar hukumar Kumbotso a jihar Kano domin ta auri angon ta Isa Sulaiman.

Labarai

Ma’aikatar Ruwa za ta ƙara wadata al’ummar Kano da kewaye da ruwa – Ali Haruna Makoɗa

Published

on

Kwamishinan albarkatun ruwa na jihar Kano Ali Haruna Makoɗa, ya sha alwashin farfaɗo da cibiyar tara ruwar nan mai lamba 6 wato River Inteake, dake Challawa, wadda tsohon gwamnan Kano Injiniya Rabi’u Musa Kwankwaso ya samar da ita a lokacin mulkin sa, domin wadata al’ummar birnin Kano da kewaye da ruwa.

Ali Haruna Makoɗa, ya bayyana hakan ne lokacin da ya kai ziyara gidan ruwa na Challawa dake ƙaramar hukumar Kumbotso a jiya Lahadi, domin ganewa idanunsa umarnin da yayi na gyaran manyan famfunan dake tunkuɗo ruwa a kwanakin baya, inda ya tarar an kammala gyaran kamar yadda ya buƙata.

Ta cikin wata sanarwar da mataimaki na musamman ga kwamishinan albarkatun ruwan na Kano kan kafafen sada zumunta Sharu Ahlan ya aikowa Dala FM Kano, Ali Makoɗa, ya kuma ce farfaɗo da matatun ruwan zai taimaka wajen wadata al’ummar jihar Kano, domin ci gaba da amfani da shi cikin nasara.

Sanarwar ta ƙara da cewa daga bisani dai kwamishinan albarkatun ruwan Ali Haruna Makoɗa, ya kuma kai ziyara cibiyar tara ruwan nan Mai lamba 6 wato “RIVER INTEAKE”, wadda tsohon Gwamna Rabi’u Musa ya Samar da ita tun a lokacin mulkin sa a jihar Kano.

Continue Reading

Labarai

Ku cire banbancin siyasa ko Addini wajen raba tallafin kayan abinci – Kantoman Dawakin Tofa

Published

on

Shugaban rikon karamar hukumar Dawakin Tofa a jihar Kano Kabiru Ibrahim Dan Guguwa, ya buƙaci ƴan Kwamitin da za su raba kayan abinci Buhu 1500, da Taliya katan 110, da su tabbatar da kayan sun je ga mabuƙatan da suka cancanta, ba tare da nuna banbancin siyasa ko Addini ba.

Kabiru Ibrahim Dan Guguwa, ya bayana hakan yayin da yake kaddamar da rabon kayan abincin a cibiyar harkokin Adinin Musulinci dake karamar hukumar a ranar Asabar.

Dan Guguwa, ya kuma kara da cewar, za’a raba tallafin a duk mazaɓun dake karamar hukumar ta Dawakin Tofa, dan ragewa mutane halin matsin rayuwar da ake ciki a yanzu.

Wakilinmu Abba Isah Muhammad ya rawaito shugabancin rikon na ƙaramar hukumar, ya kuma ce zai ci gaba da bin hanyoyin inganta rayuwar al’ummar ƙaramar hukumar tare da sauraron shawarwarin su wajen kawo ayyukan ci gaba a gare su.

Continue Reading

Labarai

Samar da magunguna da kula da marasa lafiya a ƙananan Asibitoci zai rage cinkoso a manyan Asibitoci – Mai unguwar Darma

Published

on

Mai unguwar Darma Malam Ashiru Hamza, ya ce samar da magunguna da kula da marasa lafiya a cikin ƙananan Asibitocin dake kusa da Al’umma, zai temaka wajen rage cinkoso a cikin manyan Asibitocin Jihar nan.

Malam Ashiru Hamza ya bayyana hakan ne a lokacin da Kungiyar Darma Zumunta, suka kai tallafin katin rubuta maganin karbar magani a karamin Asibiti dake unguwar Darma a mazabar Chedi a yau Laraba.

“Samar da katin bada magungunan a asibitoci zai taimakawa marasa lafiya, tare da rubuta musu magani a hukumance; muna buƙatar ƙungiyar ku ƙara ƙaimi wajen samar da hasken wutar Lantarki a Asibitoci domin ragewa al’umma wani raɗaɗin rayuwar da ya ke damun su, “in ji mai unguwar Darma”.

Da yake nasa jawabin shugaban ƙungiyar ta Darma Zumunta, Alhaji Ɗan Babannan Musa, wanda ya samu wakilcin Musa Ahmad Husaini, ya ce sun himmatu wajen taimakawa marasa lafiya, da ƙulla zumunci da Juna, wanda ta hakan ne suka dauki gaɓarar samar da katin a Asbitin.

A nasa ɓangaren likitan dake kula da Asibitin na unguwar Darma Musa Ibrahim Buhari, ya ce aikin da su keyi yana buƙatar taimakon Al’umma, musamman wajen karo musu kayan aikin, domin samun damar kula da lafiyar mutane a Asibitin.

A yayin kai kayan tallafin an samu halartar tsohon kansilan mazaɓar Chedi Usman Makel, wanda ta dalilinsa ne aka kai Asibitin unguwar Darma a lokacin da yake kan mukamin kansilan mazaɓar.

Continue Reading

Trending