Labarai

Majalisa ta amince wa Ganduje ya ciyo bashi

Published

4 years ago

25/03/2020

Gwamnatin jihar Kano ta bukaci majalisar dokokin jihar da ta amince ma ta ta ciyo bashin Naira Biliyan Hamsin.

Hakan na kunshe ne cikin wata wasika da gwamnan Kano Dr. Abdullahi Umar Ganduje ya aikewa da majalisar kan ta amince da bukatar ciyo bashin.

Wasikar wadda shugaban majalisar Abdul’aziz Garba Gafasa ya karanta a zaman ta na yau Laraba wanda bashin shi ne karo na biyu da gwamnatin ta nemi majalsar ta amince kuma ta amince, inda a 29 ga Junairun da ya gabata ne aka karbi bashin Naira Biliyan Goma sha Biyar ga kananan hukumomin jihar kan harkar ilimi kyauta kuma dole da gwamnatin keyi a yanzu.

Sai dai a wannan karon gwamnatin za ta ciyo bashin ne akan cigaba da kammala ayyukan da ta fara tare da kirkirar wasu sabbin ayyukan na bunkasa kasa wanda kuma za’a biya shi nan da shekaru goma.

Wakiliyar mu ta majalisar dokokin jihar Kanon Khadija Ishaq Muhammad ta rawaito cewa, shugaban majalisar Abdul’aziz Garba Gafasa ya kuma ja hankali ga ma’aikata da kuma iyaye da su bi dokokin da gwamnatin jihar Kano ta yi na dakatar da zuwa aiki na tsawon makwanni biyu wanda ya fara yau Laraba domin kare kai daga kamuwa da cutar coronavirus.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

2 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

2 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

4 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.