Connect with us

Labarai

Ganduje ya aika wa majalisa wasika kan gyaran inshorar lafiya

Published

on

Gwamnatin jihar Kano ta aike da wata wasika ga majalisar dokokin jihar, Kan gyaran dokar Inshoran Lafiya, da gwamnatin ta fara ga ma’aikatan ta tun a baya.

Wasikar da shugaban majalisar dokokin jihar Kano Abdul’aziz Garba Gafasa ya karanta, a zaman majalisar na jiya Laraba, ya ce, majalisar zata yi nazarin kan wasikar da zarar ta dawo daga hutun da ta tafi na makwanni biyu.

Haka zalika, a yayin zaman na jiya majalisar dokokin ta amincewa gwamnatin jihar Kano da ta ciyo bashin naira Biliyan Hamsin, domin cigaba da gudanar da ayyukan raya kasa a fadin jiha.

Haka kuma a wannan zama Dan majalisa mai wakiltar Gabasawa Salisu Dan azumi Muhammad ya bukaci gwamnatin jihar da ta samar da wutar lantarki, a wasu daga cikin yankunan karamar hukumar, wanda ya ce, yin hakan zai taimaka musu matuka wajen kyautatuwar rayuwar su.

Wakiliyar mu ta Majalisar dokokin Khadijah Ishaq Muhammad ta ruwaito cewa shugaban majalisar Abdul’aziz Garba Gafasa, na kira ga mambobin majalisar da suyi amfani da hutun da zasu yi wajen yin addu’o’in samun sauki kan annobar Covid 19.

 

Click to comment

You must be logged in to post a comment Login

Labarai

Za muyi maganin masu shigowa Kano ta barauniyar Hanya -Ganduje

Published

on

Gwamnan jihar Kano Dr. Abdullahi Umar Ganduje ya ce, basu gamsu da yadda direbobi har yanzu suke shigowa jihar Kano ta barauniyar hanya da fasinjoji ba, a don haka zasu dauki matakan dakile ratsen da direbobin suke yi.

Gwamna Ganduje ya bayyana hakan ne a zantawarsu da wakilinmu Abba Isah Muhammad, yayin wata ziyarar ganin yadda iyakar shigowa jihar Kano take gudana, a jiya Litinin.

Ya kuma ce, “Duk barauniyar hanyar da ake bi domin shigo da fasinjoji za mu toshe ta, inda direbobin kan ajiye fasinjojin a baya, sai su shigo su hadu a hanya su karaso da su cikin jihar Kano”. A cewar Ganduje.

Wani mai sana’ar Achaba mai suna Ibrahim mazaunin Kwanar Dangora ya ce, “Da safe na tashi naga an rufe gate, kuma samun kudi ada yafi, yanzu ba gashi kaga ana wucewa ba, daga nan kwanar Dangora, wasu na karbar dari biyar amma ni dari biyu nake karba”.

Haka zalika, wani mazaunin Tunkuna a karamar hukumar Kiru, Abdullahi Idris ya bayyana cewa, “Muna ganin halin da masu tafiya ke shiga, wani ma zai sauka bashi da abinda zai ci, kuma ga ma’aikata in an bi nan su tare. mu nan da ake tare wa ba zai taru ba, sai dai duk hayyoyin nan a rufe. Akwai hanya mai zuwa Faki, Jan Marmara dake jihar Kaduna zaka iya haurowa ka shigo Kano”.

Shima wani direban mota, Muhammadu Kabir, ya ce, “mu dai jihar Kano Alhamdulillahi. mu na kaucewa jami’an tsaro mu shigo jihar Kano, amma komai yana iya faruwa, tunda an ce cuta ce da take bin iska, bayan an sa dokar shigowa jihar Kano da fasinjoji, na shigo Kano yafi sau biyu”.

Continue Reading

Labarai

Yadda kasuwar garin Dawakin Kudu ta ci a yau

Published

on

Yayin da jami’an lafiya da mahukunta suke bada shawarwarin takaita cakuduwa da al’umma da kuma yawaita wanke hannu domin kaucewa kamuwa da cutar Coronavirus, Dala FM ta ziyarci babbar kasuwar garin Dawakin Kudu dake jihar Kano.

A yayin ziyarar dai, mun iske al’umma na ci gaba da gudanar da harkokinsu ba tare da wani tsaiko ba, babu wasu matakai na hana cakuduwa ko wanke hannu da ake dauka a kasuwar, kamar yadda ‘yan kasuwar suka bayyana mana.

Wannan na zuwa ne yayin da manyan kasuwanni a kwaryar birnin Kano suka dauki matakai takaita cakuduwa da kuma tilasta wanke hannu ga masu zuwa kasuwannin.

Garin Dawakin Kudu dai bashi da nisa da kwaryar birnin Kano, domin kuwa tafiya ce mai nisan kilo mita ashirin da biyu, kuma al’umma na zirga-zirga daga garin zuwa birnin Kano a koda yaushe.

Dala FM, tayi kokarin jin ta bakin sarkin kasuwar, amma hakan ya ci tura, Kasuwar dai tana ci ne a duk ranar Talata, wanda take samun ‘yan kasuwa masu shigowa daga kauyuka daban-daban a cikin jihar Kano

 

Continue Reading

Labarai

Kudin trader money sun yiwa ‘yan Nijeriya kadan

Published

on

Wani masanin tattalin arziki a Kwalejin ilimi ta Sa’adatu Rimi Dakta Abdussalam Muhammad Kani, ya bukaci gwamnatin tarayya da ta kara yawan alkaluman kudaden da zata baiwa ‘yan Kasa rance da ake kira Trader Money.

Dakta Kani ya bayyana hakan ne yayin zantawar sa da gidan rediyon Dala.

Yana mai cewa, “Naira dubu goma da gwamnatin zata bayar sun yi kadan, idan akayi la’akari da halin matsin tattalin arziki da al’ummar kasa ke ciki”.

Ya kara da cewa, “Matukar gwamnatin ta kara yawan kudaden to babu shakka al’ummar wannan Kasa zasu amfana da tsarin matuka”. A cewar Dakta Kani.

Continue Reading

Trending

error: Content is protected !!
en_USEnglish
en_USEnglish