Labarai

Kano: Wata mata ta fasa kan kishiyar ta da tabarya

Published

4 years ago

10/04/2020

Ana zargin wata mata mai suna Rakiya Sulaiman da bugawa kishiyar ta Hauwa’u katuwar tabarya akai a can unguwar Unguwar Rimin Zakara dake karamar hukumar Ungogo a jihar Kano.

Tunda fari dai matar da aka fasawa kai da tabaryar, Hauwa’u ta shaidawa wakilin mu Abba Isah Muhammad cewa, “Uwar gida na ce take yawan duka na ina kau da kai har ta kai na shedawa mahaifiya ta, domin ta zo a yiwa tubkar hanci tunda dai bana son rigimar, amma mahaifiya ta tana zuwa, ita din ma ta hauta da masifa, kuma a garin yi mata kashedin yi wa mahaifiyar tawa masifa ne ta fara da rafka min murfin tukunya”.

Hauwa’u ta kuma ce, “Kishiyar tawa bata hakura ba domin dai bayan kurara ta lafa mai gidanmu ya dawo da daddare sai kuma ta durfafi gadon baya na da muciya, daga bisani kuma ta buga min tabarya a kai, wanda ya kai ni da kwanciya a asibiti”. A cewar Hauwa’u.

Duk wani kokari na jin ta bakin wadda ake zargi abun ya ci tura, kasancewar tana wajen ‘yan sanda don haka ne wakilin namu Abba Isah Muhammad ya so jin ta bakin mai magana da yawun rundunar ‘yan sandan DSP Abdullahi Haruna Kiyawa, sai dai hakan bata samu ba wata kil sai ko anan gaba rundunar za ta magantu.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

2 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

2 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito

Labarai

Ku tallafawa mazauna gidajen gyaran halin dan rage musu raɗaɗin rayuwa – Mallam Ibrahim Bunkure

Published

4 days ago

15/04/2024

Hassan Mamuda Ya'u

Limamin masallacin Salafussaleh dake unguwar Ɗorayi ƙarama a jihar Kano, Mallam Ibrahim Abdullahi Bunkure, ya shawarci al’umma da su ƙara dagewa wajen tallafawa mazauna gidajen ajiya da gyaran hali, da masu buƙata ta musamman, domin rage musu wani raɗaɗin rayuwa na yau da kullum.

Mallam Ibrahim Abdullahi Bunkure, ya bayyana hakan ne yayin da suka tallafawa mazauna gidan gyaran hali na Goron Dutse, da kayayyakin Abinci, da kuma na gidan yara, a wani ɓangare na taya su bikin ƙaramar Sallah, wajen ganin sun samu farin ciki a bukukuwan ƙaramar sallar da aka gudanar.

Ya ce matuƙar masu hali za su rinƙa tallafawa mazauna gidan gyaran halin da abubuwan da suka sawwaƙa, babu makawa za’a rage musu wata damuwa ta yau da kullum.

Wakilinmu Yakubu Ibrahim Dogarai ya rawaito cewa, Mallam Ibrahim Abdullahi Bunkure, ya ce daga cikin kayan abincin da suka kai wa mazauna gidajen akwai Tuwon Sallah, da garin Kwakwaki, da kuma sinadarin Ɗanɗano, da Sukari, domin ragewa mazaunan gidajen wani raɗaɗin rayuwa.