Labarai

Ba mu shirya cafke El-Rufa’I ba -KAROTA

Published

4 years ago

21/05/2020

Hukumar KAROTA ta karyata rade-radin da a ke ta yadawa a kafar sada zumunta cewa shugaban hukumar, Baffa Babba Dan Agundi, a lokacin da gwamnan jihar Kaduna Nasir El-Rufa’I ya shigo cikin jihar Kano.

Maitaimakawa Babbafa Babba Dan Agundi a kan kafafen yada labarai, Aminu Abba Kwaru a lokacin da ya wallafa a shafin san a sada zumunta wato Facebook.

Ya ce Ba bu wannan batu cewa shugaban hukumar Baffa Babbaf Dan Agundi zai kama gwamnan jihar Kaduna, Nasir El-Rufa’I a duk lokacin da ya shigo jihar Kano.

Wasu ma su amfani da kafafen sada zumunta ne dai kawai su ke wallafawa a shafin su cewa shugaban hukumar zai kama El-Rufa’I da hannun sa mudin ya shigo jihar Kano.

Wannan batun duka ya biyo bayan furta wasu kalamai da gwamnan jihar Kadunan ya yi cewa da kan sa zai je iyakokin Kano da Kaduna ya je ya tare a ranar Sallah domin ganin ya hana wasu al’ummar jihar Kano shigowa cikin jihar sa a ranar.

Wannan batu dai ya jawo ce-ce-ku-ce tsakanin al’ummar jihar Kano da kuma ‘yan jihar Kaduna a shafukan sada zumunta dangane da martanin gwamna El-Rufa’i

Labarai

Muna sane da ƙarancin Ruwa a wasu sassan Kano – Hukumar rarraba ruwan Sha

Published

3 hours ago

20/04/2024

Hassan Mamuda Ya'u

Hukumar rarraba ruwan sha ta jihar Kano ta ce matsalar rashin samun ruwa da ake fuskanta a wasu sassan jihar Kano, yana da alaƙa ne da lalacewar wani abun kan Famfo a madatsar ruwan da ke Tamburawa.

Shugaban hukumar Injiniya Garba Ahmad Bichi, ne ya bayyana haka yayin zantawar sa da manema labarai, ya ce cikin guraren da za’a yiwa gyaran har da madatsar ruwa ta Challawa da Watari, da amincewar gwamnatin jihar Kano.

Injiniya Garba, ya kuma ce suna sane da ƙarancin ruwan da ake fuskan ta a wasu sassan jihar Kano, amma nan gaba kaɗan za kammala gyaran kan famfon, domin ganin an wadata sassan jihar Kano, da ruwan domin ganin sun samu wani sauƙi.

“Mu ma a ɓangaren mu Bama jin daɗin yadda al’umma suke rasa ruwa a sassan jihar Kano, kuma nan da ranar Litinin mutane za su fita daga cikin wannan matsala ta rashin Ruwa, a yanku nan su, “in ji shi”

Garba Ahmad, ya kuma ƙara da cewa matsalar fashewar Fayif da aka samu a ci gaba da aikin gadar mahaɗar Ɗan Agundi, yanzu haka suna kan ɗaukar mataki tsakanin su da kamfanin da suka taka har ya fashe, dan ganin an gyara al’ummar da ake baiwa ruwa su ci gaba da damu.

Labarai

Ƴan kasuwa ku tsaftace magudanan ruwa bisa gabatowar Damuna – Ƙungiyar Amata ta kasuwar Singa

Published

3 days ago

17/04/2024

Hassan Mamuda Ya'u

An buƙaci ƴan kasuwa da su rinƙa tsaftace tare da gyara magudanan ruwa a cikin kasuwannin su, bisa yadda damuna ke ƙara gabatowa.

Shugaban ƙungiyar Amata reshen kasuwar Singa Alhaji Musa Ibrahim Ɗan gaske, ne ya bukacin hakan a zantawar sa da manema labarai, yayin kaddamar da tsaftace kasuwar da kuma gyara mugudanun ruwan kasuwar.

Alhaji Musa, ya kuma ce ta hanyar tsaftace magudanan ruwan ne za a gujewa kowacce irin ambaliyar ruwa a cikin kasuwanni.

Hangen Dala

Yau za’a fara Shari’ar Ganduje da gwamnatin Kano

Published

3 days ago

17/04/2024

Ahmad Rabi'u Ja'en

A yau ne babbar kotun jaha mai lamba 4 zata fara sauraron wata sharia wadda gwamnatin kano ta ahigar.

Gwamnatin jahar kano dai ta shigar da karar tsohon gwamnan jahar kano Dr Abdullahi Umar Ganduje da mai dakinsa Hafsat Umar Ganduje da kuma dansu Umar Abdullahi Ganduje da kuma wani kamfani mai suna Lamash da kuma Dr Jibrilla Muhammad.

Gwamnatin jahar kano dai tana zargin Ganduje da wadanna mutane da laifin hada baki da barnatar da dukiyoyin gwamnati.

Cikin zarge-zargen da ake yiwa su Ganduje akwai batun sun sayar da wasu filotai ba bisa ka’ida ba.

Da kuma batun zargin da akewa Ganduje na badakalar karbar dala tun a shekarar 2019.

Yanzu haka an girke jami,an tsaro a harabar sakateriyar Audu Bako inda kuma daga yanzu zuwa kowane lokaci kotun zata fara sauraron korafin kamar yadda wakilinmu Yusuf Nadabo Ismail ya rawaito